İlyas İsmayılov

İlyas İsmayılov
Azərbaycan Respublikasının ədliyyə naziri
8 aprel 1992 – 13 yanvar 1995
Əvvəlki	Əlisaab Orucov
Sonrakı	Südabə Həsənova
SSRİ Baş Prokuroluğunun şöbə rəisi
24 yanvar 1990 – 26 dekabr 1991
Sonrakı	Vəzifə ləğv edilib.
Azərbaycan SSR prokuroru
1985 – 29 avqust 1990
Əvvəlki	Abbas Zamanov
Sonrakı	İsmət Qayıbov
Azərbaycan SSR baş prokurorunun müavini
1978 – 1985
Şəxsi məlumatlar
Doğum tarixi	20 mart 1938(1938-03-20) (85 yaş)
Doğum yeri	Traubenfeld, Tovuz rayonu, Azərbaycan SSR, SSRİ
Partiya	Ədalət Partiyası (2000–), Azərbaycan Demokrat Partiyası (1996–2000), Ədalət Partiyası (1995–1996), Sovet İttifaqı Kommunist Partiyası (1963–1991)
Təhsili	Bakı Dövlət Universiteti
Təltifləri
Vikianbarda əlaqəli mediafayllar

İlyas Abbas oğlu İsmayılov (20 mart 1938, Traubenfeld) — Azərbaycan dövlət və ictimai-siyasi xadimi. Azərbaycan SSR Prokuroru və Azərbaycan Respublikasının ədliyyə naziri. Hüquq elmləri doktoru, Professor. Eks-millət vəkili. Ədalət Partiyasının sədri.

Həyatı

İsmayılov İlyas Abbas oğlu 1938-ci il martın 20-də Tovuz rayonunda anadan olub.

1955-ci ildə A.S Puşkin adına Tovuz şəhər orta məktəbini bitirib.1962-ci ildə Azərbaycan Dövlət Universitetinin hüquq fakültəsini bitirib. 1963-cü ildə Leninqrad Dövlət Universitetinin cinayət-hüquq kafedrası üzrə aspiranturaya daxil olub, 1966-cı ildə orada hüquq elmləri namizədi alimlik dərəcəsi almaq üçün dissertasiya müdafiə edib.

1966-cı ildən 1970-ci ilədək Azərbaycan Elmlər Akademiyasının fəlsəfə və Hüquq İnstitutunun kiçik və baş elmi əməkdaşı işləyib, sonra 2 il respublika prokurorunun köməkçisi olub.

1972-ci ildən 1978-ci ilədək Azərbaycan KP MK-nın inzibati orqanlar şöbəsinin təlimatçısı olub. 1978-ci ildən 1985-ci ilədək respublika prokurorunun müavini, həmin vaxtdan 1990-cı ilə kimi Azərbaycan SSR Prokuroru olmuşdur.

1990-cı ilin sentyabrından 1992-ci ilin yanvarınadək Moskova prokurorluğunda şöbə rəisi vəzifəsində çalışıb.

Səkkiz monoqrafiya və kitabçanın, 200-dən artıq elmi və publisistik əsərin müəllifidir. 1992-ci ildən "Azərbaycan Respublikasında demokratik islahatlar uğrunda" ictimai hərəkata rəhbərlik edib.

1995-ci ildə tərəfdarlarıyla birgə Azərbaycan Ədalət Partiyasını yaradıb. 1996-cı ilin 30 martında Azərbaycan Demokrat Partiyası ilə Ədalət Partiyasının birləşdirici Qurultayında ADP-nin sədri seçilib. 2000-ci ilin 6 noyabrında yenidən öz tərəfdarlarıyla ADP-dən ayrılaraq, Ədalət Partiyasının bərpasına başlayıb. 2 iyul 2001-ci ildə isə Ədalət Partiyasının sədri seçilib.

2006-cı il mayın 13-də 106 saylı Tovuz-Qazax-Ağstafa seçki dairəsindən deputat seçilmişdir. Milli Məclisin İnsan hüquqları daimi komissiyasının üzvü olmuşdur. Azərbaycan-Almaniya Federativ Respublikası, Azərbaycan-Amerika Birləşmiş Ştatları, Azərbaycan-İtaliya, Azərbaycan-Latviya, Azərbaycan-Rusiya parlamentlərarası əlaqələr üzrə işçi qruplarınının və Avropa İttifaqı−Azərbaycan parlament əməkdaşlığı komitəsinin üzvü olmuşdur.

Mükafatları

"Xalqlar dostluğu" ordeni ilə təltif olunub.

Xarici keçidlər

• Deputat İlyas İsmayılovla fotosöhbət