Məzmuna keç

Hafiz Hacıyev

Keçid əlavə et
Vikipediya, azad ensiklopediya
Hafiz Hacıyev
Müasir Müsavat Partiyasının sədri
Vəzifədədir
5 may 2001-ci ildən
    ƏvvəlkiVəzifə təsis edildi.
    "Azərbalıq" Dövlət Balıqçılıq Təsərrüfatı Konserninin sədri
    4 iyul 1992 – 10 avqust 1993
    PrezidentƏbülfəz Elçibəy
    Əvvəlkivəzifə təsis edilib
    SonrakıƏnvər Mustafayev
    Şəxsi məlumatlar
    Doğum tarixi 16 aprel 1956(1956-04-16) (69 yaş)
    Doğum yeri
    Partiya
    Təhsili Azərbaycan Dövlət Aqrar Universiteti
    Fəaliyyəti siyasətçi
    Atası Ələmdar Hacıyev
    Dini İslam

    Hafiz Ələmdar oğlu Hacıyev (16 aprel 1956, Zod, Basarkeçər rayonu) — Azərbaycanlı siyasətçi, biologiya elmləri namizədi, Müasir Müsavat Partiyasının sədri (2001), "Azərbalıq" Dövlət Balıqçılıq Təsərrüfatı Konserninin sədri (1992–1993).

    Həyatı

    [redaktə | vikimətni redaktə et]

    Hafiz Hacıyev 1956-cı ilin aprel ayının 16-da Ermənistan SSR Basarkeçər rayonunun Zod kəndində anadan olmuşdur. 1962–63-cü dərs ilində Zod kənd orta məktəbinə daxil olub, 1973-cü ildə həmin məktəbi bitirmişdir. 1973–1979-cu illərdə Azərbaycan Kənd Təsərrüfatı Akademiyasının Zoomühəndislik fakültəsində təhsil almışdır. 1988-ci ildən biologiya elmləri namizədidir.

    1979-cu ildən 1982-ci ilədək Azərbaycan LKGİ Kəlbəcər rayon komitəsində təşkilat şöbə müdiri və rayon komitəsinin II katibi işləmiş və I katibi əvəz etmişdir.[1]

    1982–1989-cu illərdə Azərbaycan Kənd Təsərrüfatı Nazirliyində balıqçılıq şöbəsinin ixtioloqu və şöbə müdiri əvəzi, şöbə müdiri, Azərbaycan Dövlət Aqrar-Sənaye Komitəsində balıqçılıq idarəsinin rəisi, 1989–90-cı illərdə Respublika Embrionköçürmə Mərkəzinin direktoru, Respublika Süni Mayalanma Mərkəzinin direktoru vəzifələrində, 1991–1992-ci illərdə "Azərbalıq" İstehsalat Kommersiya Assosiasiyasının sədr müavini və sədri vəzifələrində çalışmışdır.

    Ailəsi

    [redaktə | vikimətni redaktə et]

    Ailəlidir, 3 övladı var.

    Siyasi fəaliyyəti

    [redaktə | vikimətni redaktə et]

    1992–1993-cü illərdə Azərbaycan Respublikasının "Azərbalıq" Dövlət Balıqçılıq Təsərrüfatı Konserninin sədri vəzifəsində çalışmışdır.[3][4]

    1999-cu ildə həbsdən azad olunduqdan sonra "Elçibəy Xalq Hərəkatı"nın yaradılmasının təşkilatçısı və hərəkatın rəhbəri olmuşdur.[5] Həmin dövrdə üzvü olduğu Müsavat Partiyasından uzaqlaşdırılmışdır.[6]

    2001-ci ildən Müasir Müsavat Partiyasının sədri, "Müasir Müsavat" qəzetinin təsisçisi və baş redaktorudur.

    Həbsi

    [redaktə | vikimətni redaktə et]

    1993-cü ildə Cinayət Məcəlləsinin 167-ci maddəsinin 1-ci və 2-ci hissələri ilə məhkum olunmuş, 1996-cı ildə isə Cinayət Məcəlləsinin 220-ci maddəsi ilə 3 il müddətinə həbs edilmişdir.

    Seçkilərdə iştirakı

    [redaktə | vikimətni redaktə et]

    2003-cü ildə Azərbaycanda Prezident seçkilərində namizədliyi irəli sürmüşdü. Bu seçkilərdə Hafiz Hacıyev 8 namizəd arasında 0,3% (9.990 səs) toplamaqla sonuncu yeri tutdu.

    2008-ci ildə Azərbaycanda Prezident seçkilərində yenidən iştirak edib və 7 namizəd arasında yenidən sonuncu yeri tutub. Bu seçkilərdə Hafiz Hacıyev səslərin 0,64% -ni (23.771 səs) toplayıb.

    Şəxsi həyatı

    [redaktə | vikimətni redaktə et]

    2018-ci ildə Azərbaycanda prezident seçkiləri zamanı İlham Əliyevi dəstəklədiyini açıqlamış, Əliyevin onu baş nazir təyin edəcəyinə inandığını qeyd etmişdir.[7] 2024-cü ildə Azərbaycanda prezident seçkiləri zamanı İlham Əliyevi dəstəklədiyini açıqlamışdır.[8]

    Mənbə

    [redaktə | vikimətni redaktə et]

    İstinadlar

    [redaktə | vikimətni redaktə et]
    1. ↑ "Hafiz Hacıyev – prezidentliyə namizəd". Xalq qəzeti. 30 mart 2018. 15 aprel 2021 tarixində arxivləşdirilib. İstifadə tarixi: 15 aprel 2021.
    2. ↑ ""Vilyam Hacıyev hələ həbs edilməyib" – Əmisi oğlu Hafiz Hacıyev danışdı". aztoday.az (az.). AzToday. 6 may 2020. 20 fevral 2022 tarixində arxivləşdirilib. İstifadə tarixi: 20 fevral 2022.
    3. ↑ "E-QANUN". e-qanun.az.
    4. ↑ "E-QANUN". e-qanun.az.
    5. ↑ "Türməyə düşən namizədlər - kim neçə il "içəridə" yatıb? - ARAŞDIRMA". Modern.az. 7 oktyabr 2013. (#cite_web_url); (#accessdate_missing_url)
    6. ↑ "Arxivlənmiş surət". 22 oktyabr 2021 tarixində arxivləşdirilib. İstifadə tarixi: 22 oktyabr 2021.
    7. ↑ "Hafiz Hacıyev inanır ki, İlham Əliyev onu baş nazir təyin edəcək". turan.az. 25 dekabr 2023. 25 dekabr 2023 tarixində arxivləşdirilib. İstifadə tarixi: 25 dekabr 2023.
    8. ↑ "Hafiz Hacıyevin partiyası da Prezident İlham Əliyevi dəstəkləyəcək » Newscenter.az". Newscenter.az. 25 dekabr 2023 tarixində arxivləşdirilib. İstifadə tarixi: 25 dekabr 2023.
    Mənbə — "https://az.wikipedia.org/w/index.php?title=Hafiz_Hacıyev&oldid=8146361"