Arzu Səmədbəyli

Vikipediya, açıq ensiklopediya
Jump to navigation Jump to search
Arzu Səmədbəyli
Səmədov Arzu Həbib oğlu
Arzu Səmədbəyli..jpeg Arzu Səmədbəyli
İlk adı Arzu
Doğum tarixi 10 may 1962 (1962-05-10) (57 yaş)
Doğum yeri Ermənistan SSR, Basarkeçər rayonu, Zərkənd
Atası Həbib Səmədov
Anası Nabat xanım
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Peşəsi mühəndis
Milliyyəti türk
İxtisası sənaye və mülki tikinti
Təhsili Azərbaycan İnşaat Mühəndisləri İnstitutu
Fəaliyyəti siyasət
Partiya Müsavat Partiyası
Commons-logo.svg Arzu Səmədbəyli Vikianbarda

Arzu Səmədbəyli (Səmədov Arzu Həbib oğlu; d. 10 may 1962, Ermənistan SSR, Basarkeçər rayonu, Zərkənd) — Azərbaycan siyasətçisi, Azərbaycan Respublikası Milli Məclisinin III çağırış deputatı (2005-2010). Hazırda Milli Strateji Düşüncə Mərkəzinin (MSDM) qurucu üzvü kimi fəaliyət göstərir.

Həyatı[redaktə | əsas redaktə]

Arzu Səmədbəyli 1962-ci il mayın 10-da Ermənistan SSR-nin Basarkeçər rayonunun Zərkənd kəndində anadan olub. 1979-cu ildə Zərkənd orta məktəbini qızıl medalla bitirib.[1]

1979-cu ildə Azərbaycan İnşaat Mühəndisləri İnstitutuna qəbul olmuş, 1984-cü ildə sənaye və mülki tikinti fakültəsini bitirmişdir.[2]

1984-cü ildən Azərbaycan Üzümçülük və Şərabçılıq Komitəsində mühəndis, böyük mühəndis, aparıcı mühəndis, birinci dərəcəli mühəndis işləyib.[2]

Milli azadlıq hərəkatının fəal iştirakçılarından olan Arzu Səmədbəyli 1991-ci ildən Azərbaycan Xalq Cəbhəsi Partiyasının şöbə müdiri, 1992-ci ildən AXC İcraiyyə Komitəsinin üzvü, Azərbaycan Respublikası müdafiə nazirinin baş referenti, 1993-2000-ci illərdə Azərbaycan Xalq Cəbhəsi Partiyasının İnformasiya və mətbuat mərkəzinin direktoru, təşkilat şöbəsinin müdiri vəzifələrində çalışıb.[3]

1998-ci ildə Əbülfəz Elçibəyin sədrlik etdiyi Bütöv Azərbaycan Birliyində (BAB) sədrin təşkilat məsələləri üzrə müavini təyin edilmişdir (Əbülfəz Elçibəyin sərəncamı ilə).

Arzu Səmədbəyli 2004-cü ildən Müsavat Partiyasının üzvüdür. Müsavat Partiyası başqanının müavini (2004-2010), Müsavat Məclisinin sədri (2010-2014), həmçinin Müsavat Partiyası Ali Məclisinin və Divanının üzvü olmuşdur.[3]

2005-2010-cu illərdə Millət Vəkili olmuş, Milli Məclisdə isə İnsan hüquqları komitəsinin üzvü kimi fəaliyyət göstərmişdir.[3]

Hal-hazırda Müsavat Partiyası Məclisinin üzvüdür. Milli Strateji Düşüncə Mərkəzinin (MSDM) qurucu üzvü kimi fəaliyət göstərir.[4]

Ailəsi[redaktə | əsas redaktə]

Arzu Səmədbəyli ailəlidir. 2 övladı var.

Azərbaycan siyasətçisi Aqil Səmədbəyli Arzu Səmədbəylinin qardaşıdır.

Atası Həbib Səmədov 3 noyabr 2011-ci ildə, anası Nabat xanım isə 21 iyun 2015-ci ildə Bakı şəhərində vəfat ediblər.

İstinadlar[redaktə | əsas redaktə]

  1. Qurban Göyçəli, Tacir Səmimi Zərkənd. — Bakı: AKE NPM, 2013. — Səhifələrin sayı:  328.
  2. 2,0 2,1 "Arzu Səmədbəyli Müsavat partiyasının məclis sədrliyinə namizəd oldu" (azərb.). Media forum (20 dekabr 2010).
  3. 3,0 3,1 3,2 "ARZU SƏMƏDBƏYLİNİN 48 YAŞI TAMAM OLDU" (azərb.). musavat.com (11.05.2010). 1 iyun 2017 tarixində arxivləşdirilib. İstifadə tarixi: 7 iyun 2017.
  4. "Arzu Səmədbəyli" (azərb.). msdm-az.org (2016). 8 iyun 2017 tarixində arxivləşdirilib. İstifadə tarixi: 8 iyun 2017.

Xarici keçidlər[redaktə | əsas redaktə]

Vikianbarda Arzu Səmədbəyli ilə əlaqəli mediafayllar var.