Novella Cəfəroğlu

Vikipediya, azad ensiklopediya
Naviqasiyaya keç Axtarışa keç
Novella Cəfəroğlu
Şəxsi məlumatlar
Doğum tarixi 3 mart 1941(1941-03-03) (83 yaş)
Doğum yeri
Partiya
Təhsili
Fəaliyyəti siyasətçi
Təltifləri "Şöhrət" ordeni
Vikianbarın loqosu Vikianbarda əlaqəli mediafayllar

Novella Cəfəroğlu və ya Novella Cəfərova (3 mart 1941, Naxçıvan) — hüquq müdafiəçisi və Dilarə Əliyeva adına Azərbaycan Qadın Hüquqlarını Müdafiə Cəmiyyətinin sədri.

Həyatı

[redaktə | mənbəni redaktə et]

Novella Cəfəroğlu 1941-ci ildə Naxçıvan Muxtar Respublikasında anadan olmuşdur. 1958-ci ildə orta məktəbi, 1963-cü ildə isə universiteti bitirmişdir. O, Azərbaycan Dövlət Universitetinin kimya fakültəsi üzrə ali təhsilini tamamlamışdır. Universiteti bitirdikdən sonra kimyaçı mühəndis kimi mərkəzi regional laboratoriyada işləməyə başlamışdır.

Cənub Geoloji ekspedisiyası, Baş Geoloji idarə, Azərbaycan Əlvan Metallurgiya Elmi-tədqiqat laboratoriyası kimi qurumlarda müxtəlif vəzifələrdə çalışmışdır. 1986-ci ildən isə Bakı Dövlət Universitetində işləməyə başlamışdır.

Siyasi fəaliyyəti

[redaktə | mənbəni redaktə et]

1989-cu ildə yaradılan Dilarə Əliyeva adına Azərbaycan Qadın Hüquqlarını Müdafiə Cəmiyyətinin 1993-ci ildə sədri seçilmişdir. Həmin cəmiyyətin aktiv fəallarından olan Novella xanım həmçinin Azərbaycan Milli Azadlıq Hərəkatının üzvü də olmuşdur. 2007-ci ildə Avropa Şurasının insan hüquqları üzrə eksperti seçilmişdir.[1] 2014-cü ildən etibarən insan hüquqları üzrə işləyən qrup və Cənubi Qafqaz İnsan Hüquqları Müdafiə Şəbəkəsinə üzv seçilmiş, Cənubi Qafqaz Qadınlar Konqresinin təsisastıçısı olmuşdur. Novella xanım həmçinin Cənubi Qafqaz "Qafqazda birgə işləmək" Şəbəkəsinin həmsədri də olmuşdur. 2016-cı ildən etibarən Açıq Hökumət Platformasına qoşulmuşdur.

Xüsusən insan hüquqları sahəsində fəaliyyət göstərmişdir. 500-dən artıq layihənin kordinatoru olmuş, elmi məqalələr və kitablar çap etdirmişdir.

Novella Cəfəroğlu Azərbaycan Xalq Cəbhəsi Partiyasının üzvü olmuşdur. 1995-ci il parlament seçkilərində Novella Cəfəroğlu Azərbaycan Xalq Cəbhəsi Partiyasının proporsional seçki üzrə vahid namizədlər siyahısında 9-cu sırada olmuşdur.[2] Azərbaycan Xalq Cəbhəsi Partiyası seçkilərdə proporsional siyahı üzrə 346 192 (9.6%) səs toplayaraq siyahısından ilk 3 nəfərin deputat seçilməsinə nail olmuşdur.[3] Beləliklə, Novella Cəfəroğlu deputat seçilə bilməmişdir. 2000-ci ildə Azərbaycan Xalq Cəbhəsi Partiyası daxilindəki bölünmə zamanı Mirmahmud Mirəlioğlu liderliyindəki klassiklər qanadında fəaliyyət göstərməyə başladı. Klassiklər qanadında narazı olan qüvvələr Elçibəy-Rəsulzadə fraksiyası yaratmışdır. Bu fraksiyaya Arzu Səmədbəyli, İsa Bağırov, Novella Cəfəroğlu, Oqtay Qasımov, Qubad İbadoğlu başda olmaq üzərə ümumi 22 nəfər daxil idi. Fraksiya daha sonra Müsavat Partiyasına birləşmişdir.

11 sentyabr 2024-cü ildə Novella Cəfəroğlu Müsavat Partiyası başqanı İsa Qəmbərə məktub yazaraq partiya sıralarından istefa verdiyini açıqlamışdır. Məktubda o, belə yazmışdır:[4]

" Son zamanlar mənim çıxışım Müsavat Partiyasına təzyiq və hücumlara səbəb olub. Mənim üzümdən Müsavata gələn zərbələri bildiyim üçün Müsavat Partiyasından istefa verirəm. "

Mükafatları

[redaktə | mənbəni redaktə et]

Novella xanım Açıq Cəmiyyət inkişafına görə 1998-ci ildə Avropa Şurası və ABŞ-nin Beynəlxalq Marşall mükafatı ilə təltif edilmişdir. Bundan əlavə olaraq,o, ABŞ Dövlət Departamentinin 2007-ci il Beynəlxalq Cəsur Qadın mükafatını da qazanmışdır.

2021-ci ildə Azərbaycan Respublikasının ictimai həyatında səmərəli fəaliyyətlərinə görə "Şöhrət" ordeni ilə təltif edilib.[5]

İstinadlar

[redaktə | mənbəni redaktə et]
  1. ↑ "Novella Jafarova – Society for Protection of Women Rights named after Dilara Aliyeva". 2018-07-03 tarixində arxivləşdirilib. İstifadə tarixi: 2018-07-14.
  2. ↑ modern.az. ""Bir səsvermə, üç bülleten": Azərbaycanın 29 il əvvəlki tarixi seçimi - FOTO". modern.az (az.). 2024-01-05 tarixində arxivləşdirilib. İstifadə tarixi: 2024-01-05.
  3. ↑ Şahin Cəfərli. "Azərbaycanda parlament seçkiləri: daha bir itirilmiş şans". Bakı Araşdırma Mərkəzi. 2021-07-12 tarixində arxivləşdirilib. İstifadə tarixi: 2022-05-31.
  4. ↑ modern.az. "Novella Cəfəroğlu istefa verdi - O, İsa Qəmbərə məktubunda nələr yazıb..." modern.az (az.). 2024-09-11 tarixində arxivləşdirilib. İstifadə tarixi: 2024-09-11.
  5. ↑ "Azərbaycan qadınlarının təltif edilməsi haqqında Azərbaycan Respublikası Prezidentinin Sərəncamı". 2021-03-06 tarixində arxivləşdirilib. İstifadə tarixi: 2021-03-06.
Mənbə — "https://az.wikipedia.org/w/index.php?title=Novella_Cəfəroğlu&oldid=7777977"