Sərdar Cəlaloğlu

Vikipediya, azad ensiklopediya
Jump to navigation Jump to search
Sərdar Cəlaloğlu
Sərdar Cəlal oğlu Məmmədov
Sərdar Cəlaloğlu.jpg
Doğum tarixi (66 yaş)
Doğum yeri Cəhri, Babək rayonu, Naxçıvan MSSR, Azərbaycan SSR
Vətəndaşlığı Azərbaycan
Həyat yoldaşı Fatma Məmmədova
Atası Cəlal Məmmədov
Anası Gülsüm Məmmədova
Milliyyəti Azərbaycanlı
Təhsili Azərbaycan Tibb Universiteti
Fəaliyyəti siyasətçi
Fəaliyyət illəri 1988-hal hazırda

Sərdar Cəlaloğlu (3 iyun 1954(1954-06-03), Cəhri, Naxçıvan MSSR) — Azərbaycan siyasətçisi, Azərbaycan Demokrat Partiyasının sədri (2007-hal hazırda), Hürriyyət qəzetinin təsisçisi,[Mənbə göstərin] Naxçıvan Xalq Cəbhəsi İdarə Heyətinin üzvü (1988-1990)[Mənbə göstərin], 2008, 20132018-ci il Prezident seçkilərinə namizəd.

Həyatı[redaktə | əsas redaktə]

Sərdar Cəlal oğlu Məmmədov 3 iyun 1954-cü ildə Naxçıvan Muxtar Respublikası Babək rayonu Cəhri kəndində anadan olub.

1960-1970-ci illərdə orta təsilini OrdubadBakı şəhərlərində alıb;

1970-1977-ci illərdə Azərbaycan Tibb Universitetində ali tibb təhsili alıb. İxtisasca məhkəmə-tibb ekspertidir;

1988-1990-cı illərdə Naxçıvan Xalq Cəbhəsinin təsisçilərindən biri və İdarə Heyətinin üzvü olub;

26 yanvar 1991-ci ildə təsis edilmiş Azərbaycan Demokrat Partiyasının təşəbbüs qurupunun rəhbəri və təsisçilərindən biri;

1991-1994-cü illərdə Azərbaycan Demokrat Partiyası təşkilat komitəsinin sədri;

1994-1996-cı illərdə Azərbaycan Demokrat Partiyasının ilk sədri;

1996-2005-ci illərdə Azərbaycan Demokrat Partiyasının baş katibi olub;

2005-2007-ci illərdə Azərbaycan Demokrat Partiyası sədrinin I müavini olub;

2007-ci ildə Azərbaycan Demokrat Partiyası 9-cu qurultayında yekdilliklə sədr seçilmişdir;

2008, 20132018-ci ildə Azərbaycan Demokrat Partiyası tərəfindən 2008-ci il, 2013-cü il2018-ci il Azərbaycan Prezident seçkilərinə namizədliyi irəli sürülmüş lakin qalib gələ bilməmişdir;

2013-cü ildə Azərbaycan Demokrat Partiyasının sədrliyindən istefa vermişdir.[1] Lakin ADP İdarə Heyəti tərəfindən istefası qəbul olunmamışdır.[2]

HarayHürriyyət qəzetinin"Oyanış" dərgisinin təsisçisi olub;

Fəlsəfəyə, qlobalizasiyaya və tibbi etnoqrafiyaya aid monoqrafiyaların və yüzlərlə elmi-fəlsəfi məqalənin müəllifidir;

Siyasi fəaliyyətinə görə, 3 dəfə qısa müddətli həbs olunub. Sonuncu dəfə 2003-cü il prezident seçkilərindən sonra 4 il 6 ay müddətinə həbs edilib və Avropa Şurası tərəfindən siyasi məhbus kimi tanınaraq azadlığa buraxılıb. Öz iddiasına görə 1999-cu ildə hakimiyyət qüvvələrinin sifarişi ilə həyatına qəsd olunub, nəticədə ağır kəllə-beyin travması alıb;

Bir neçə kitabın müəllifidir, "İlahi siyasət-Tərəqqinin fəlsəfəsi" adlı 3 ciliddən ibarət yeni elmi-fəlsəfi əsəri çapa hazırlanmışdır;

Evlidir. Üç oğlu bir qızı var.

Həbsi[redaktə | əsas redaktə]

Sərdar Cəlaloğlu 2003-cü ilin prezident seçkisindən sonra keçirilən etiraz aksiyaları zamanı həbs edilib. O, Ağır Cinayətlərə Dair İşlər üzrə Məhkəmənin hökmü ilə 4 il 6 ay həbs cəzası alıb, 2005-ci ildə əfv olunub. Sərdar Cəlaloğlu həbs olunduğu zaman işgəncəyə məruz qalması iddiası ilə Avropa Məhkəməsinə müraciət edib. Məhkəmədə işgəncə hallarının araşdırılmadığı qənaətinə gələn Avropa İnsan Hüquqları Məhkəməsi 2007-ci il yanvarın 11-də 10 min avro kompensasiya ödənilməsi ilə bağlı qərar verib[3].

Əsərləri[redaktə | əsas redaktə]

  • Mahiyyət (fəlsəfi traktat)
  • Azadliğa məhkumuq siyasi-publistik məqalələr toplusu)
  • İnsanlar və adamlar (fəlsəfi kəlamlar)
  • Türkəçarə (tibbi-etnoqrafik əsər)
  • İlahi siyasət-Tərəqqinin fəlsəfəsi (elmi-fəlsəfi triologiya)
  • Totalitarizmin metamarfozası (elmi-siyasi əsər)
  • Kondisialogiya – Universal və enisklopedik elm(elmi əsər)

İstinadlar[redaktə | əsas redaktə]