İxtiyar Şirin

İxtiyar Şirin
İxtiyar Şirin
Azərbaycan Respublikasının Baş Prokuroru
	14 oktyabr 1992 – 30 iyun 1993
Əvvəlki	Murad Babayev
Sonrakı	Əli Ömərov
Azərbaycan Respublikasının hüquq siyasəti üzrə Dövlət müşaviri
	21 may 1992 – 28 oktyabr 1992
Prezident	İsa Qəmbər (i. e.); Əbülfəz Elçibəy
Əvvəlki	Sabir Hacıyev
Şəxsi məlumatlar
Doğum tarixi	23 iyul 1952
Doğum yeri	Dünyamalılar, Beyləqan rayonu, Azərbaycan SSR, SSRİ;
Vəfat tarixi	14 noyabr 2022 (70 yaşında)
Partiya	Müsavat Partiyası (1992);
Təhsili	Bakı Dövlət Universitetinin Hüquq fakültəsi;
Fəaliyyəti	prokuror
Atası	Əlibala Şirinov
Rütbəsi	; Həqiqi dövlət ədliyyə müşaviri (məhrum edilib)
	Vikianbarda əlaqəli mediafayllar

İxtiyar Əlibala oğlu Şirinov və ya sadəcə İxtiyar Şirin (23 iyul 1952, Dünyamalılar, Beyləqan rayonu – 14 noyabr 2022) — Azərbaycan Respublikasının Baş prokuroru (1992–1993), Azərbaycanın ilk həqiqi dövlət ədliyyə müşaviri (1992–1993)^[1].

Həyatı

İxtiyar Əlibala oğlu Şirinov 23 iyul 1952-ci ildə hazırkı Beyləqan rayonunun Dünyamalılar kəndində anadan olmuşdur. Orta təhsilini başa vurduqdan sonra Beyləqan rayonundakı sovxozda fəhlə, Sumqayıtda zavodda laborant işləmiş, 1972–1977-ci illərdə Azərbaycan Dövlət Universitetinin Hüquq fakültəsində təhsil almışdır.^[2]

İxtiyar Şirin 1977-ci ildən prokurorluq orqanlarında çalışmış, 1977–1978-ci illərdə hazırkı Xətai Rayon Prokururluğunun müstəntiqi, baş müstəntiqi, 1982–1984-cü illərdə Bakı Şəhər Prokurorluğunun istintaq şöbəsinin prokuroru, Qaradağ rayon prokurorunun müavini, hazırkı Yasamal və Qaradağ rayonlarının prokuroru vəzifələrində işləmişdir.^[2]

13 nömrəli Puta seçki dairəsindən Azərbaycan Respublikası Ali Sovetinin XII çağırış deputatı seçilmiş, Azərbaycan Respublikası Ali Soveti Milli Şurasının tərkibinə daxil edilərək^[3] şuranın Hüquqi siyasət komissiyasının sədri vəzifəsinə seçilmişdir. Milli Şuranın Azərbaycan Respublikasının Milli Məclisi adlandırılmasından sonra Milli Məclisin Dövlət quruculuğu və hüquq siyasəti daimi komissiyasının üzvü olmuşdur. İstiqlalçı deputat olaraq 1991-ci ildə, parlamentdə məhz həmin 43 deputatdan biri olaraq Azərbaycan xalqının müstəqillik istəyinə səs vermişdir.

İxtiyar Şirin 21 may 1992-ci ildə Azərbaycan Respublikasının hüquq siyasəti üzrə Dövlət müşaviri təyin edilmiş və 28 oktyabr 1992-ci ildə bu vəzifədən azad edilmişdir. 14 oktyabr 1992-ci ildə Azərbaycan Respublikasının Baş prokuroru vəzifəsinə təyin olunmuş və ona 16 oktyabr 1992-ci ildə həqiqi dövlət ədliyyə müşaviri rütbə dərəcəsi verilmişdir.^[4] 14 sentyabr 1993-cü ildə isə bu rütbədən məhrum edilmişdir.^[5]

1993-cü ilin iyun hadisələrində Gəncədə Surət Hüseynovun komandası tərəfindən həbs olunub. 11 ay sonra məhkəmə cinayət işini xitam edib və azadlığa buraxılıb.

29 dekabr 1998-ci ildə Milli Konqres Partiyasını təsis etmiş və siyasi fəaliyyətini təsis etdiyi siyasi partiya ilə davam etdirmişdir.

14 noyabr 2022-ci ildə vəfat etmişdir.^[6]

İstinadlar

↑ "Azərbaycanda yalnız bir ordu generalı var". Novator.az (az.). 22 avqust 2017. 6 iyun 2023 tarixində arxivləşdirilib. İstifadə tarixi: 10 dekabr 2024.
1 2 Әлијев, Е. Азәрбајҹан Республикасы Прокурорлуғу тарихиндән сәһифәләр. Бакы: Ишыг. 1997. səh. 119.
↑ "Azərbaycan Respublikası Ali Soveti Milli Şurasının təşkil edilməsi haqqında Azərbaycan Respublikası Ali Sovetinin Qərarı". e-qanun.az. 1 aprel 2022 tarixində arxivləşdirilib. İstifadə tarixi: 29 noyabr 2023.
↑ "Azərbaycan Respublikasının Baş prokuroru İ. Ə. Şirinova həqiqi dövlət ədliyyə müşaviri rütbə dərəcəsi verilməsi haqqında Azərbaycan Respublikası Prezidentinin Fərmanı". e-qanun.az. 17 yanvar 2024 tarixində arxivləşdirilib. İstifadə tarixi: 17 yanvar 2024.
↑ "İ. Ə. Şirinovun həqiqi dövlət ədliyyə müşaviri rütbəsindən məhrum edilməsi haqqında Azərbaycan Respublikası Prezidentinin Fərmanı". e-qanun.az. 26 noyabr 2022 tarixində arxivləşdirilib. İstifadə tarixi: 17 yanvar 2024.
↑ "Azərbaycanın keçmiş Baş Prokuroru vəfat edib". 16 noyabr 2022 tarixində arxivləşdirilib. İstifadə tarixi: 15 noyabr 2022.

Xarici keçidlər

Azərbaycanın general-polkovnikləri

[1] "Azərbaycanda yalnız bir ordu generalı var". Novator.az (az.). 22 avqust 2017. 6 iyun 2023 tarixində arxivləşdirilib. İstifadə tarixi: 10 dekabr 2024.

[prokurorluq-2] 1 2 Әлијев, Е. Азәрбајҹан Республикасы Прокурорлуғу тарихиндән сәһифәләр. Бакы: Ишыг. 1997. səh. 119.

[3] "Azərbaycan Respublikası Ali Soveti Milli Şurasının təşkil edilməsi haqqında Azərbaycan Respublikası Ali Sovetinin Qərarı". e-qanun.az. 1 aprel 2022 tarixində arxivləşdirilib. İstifadə tarixi: 29 noyabr 2023.

[4] "Azərbaycan Respublikasının Baş prokuroru İ. Ə. Şirinova həqiqi dövlət ədliyyə müşaviri rütbə dərəcəsi verilməsi haqqında Azərbaycan Respublikası Prezidentinin Fərmanı". e-qanun.az. 17 yanvar 2024 tarixində arxivləşdirilib. İstifadə tarixi: 17 yanvar 2024.

[5] "İ. Ə. Şirinovun həqiqi dövlət ədliyyə müşaviri rütbəsindən məhrum edilməsi haqqında Azərbaycan Respublikası Prezidentinin Fərmanı". e-qanun.az. 26 noyabr 2022 tarixində arxivləşdirilib. İstifadə tarixi: 17 yanvar 2024.

[6] "Azərbaycanın keçmiş Baş Prokuroru vəfat edib". 16 noyabr 2022 tarixində arxivləşdirilib. İstifadə tarixi: 15 noyabr 2022.

[1]

[2]

[3]

[4]

[5]

[6]

Azərbaycanın baş prokurorları
Azərbaycan Xalq Cümhuriyyəti (1918-1920)	Xəlil bəy Xasməmmədov (28 may 1918 – 17 iyun 1918) Fətəli xan Xoyski (17 iyun 1918 – 7 dekabr 1918) Teymur bəy Makinski (26 dekabr 1918 – 14 mart 1919) Aslan bəy Səfikürdski (14 mart 1919 – 22 dekabr 1919) Xəlil bəy Xasməmmədov (22 dekabr 1919 – 1 aprel 1920)
Azərbaycan SSR (1920-1991)	Əliheydər Qarayev (28 aprel 1920 – 1921) İvanov (1921 – 1922) Bahadır Vəlibəyov (1922 – 1926) Böyükağa Talıblı (1926 – 1930) Hüsü Hacıyev (1930 – 1931) Böyükağa Talıblı (1931 – 1932) Ayna Sultanova (1933 – 1934) Yaqub Məmmədov (1935 – 1936) Bahadır Vəlibəyov (1930 – 1937) Ağahüseyn Əlihüseynov (1938 – 1941) Cəbrayıl Cəbrayılzadə (1941 – 1943) Xəlil Əfəndiyev (1943 – 1948) Əliabbas Əliyev (1948 – 1951) Hacı Rəhimov (1951 – 1954) Adil Babayev (1951 – 1954) Seyfulla Əkbərov (1951 – 1963) Qambay Məmmədov (1963 – 1976) Abbas Zamanov (1976 – 1985) İlyas İsmayılov(1985 – 1990)
Azərbaycan Respublikası (1991 – indiyə kimi)	İsmət Qayıbov (23 yanvar 1990 – 29 may 1991) Murad Babayev (1991 – 1992) İxtiyar Şirin (1992 – 1993) Əli Ömərov (1993 – 1994) Eldar Həsənov (1995 – 2000) Zakir Qaralov (25 aprel 2000 – 1 may 2020) Kamran Əliyev (1 may 2020 - Hal-hazırda)