Əlibala Şirinov

Əlibala Şirinov
Əlibala Əbdül oğlu Şirinov
Doğum tarixi	1903(1903-Şablondakı doğum və ya ölüm tarixində texniki yanlışlıq var!-00)
Doğum yeri	Beyləqan
Vəfat tarixi	11 mart 1973(1973-03-11)
Vəfat yeri	Bakı
Həyat yoldaşı	1.Fatma 2.Fitat
Uşaqları	Bəxtiyar, Şəraf, Aliyə, Aşura, İxtiyar, İradə, Tamara, Fəridə
Atası	Əbdül
Anası	Şəraf
Milliyyəti	azərbaycanlı
Mükafatları

Əlibala Əbdül oğlu Şirinov (1903, indiki Beyləqan r-nunun Dünyamalılar k. – 1973, Bakı) — Sosialist Əməyi Qəhrəmanı (1951), Azərbaycan pambıq ustası (1957). Azərbaycan Ali Sovetinin (2-5, 7-ci və 8-ci çağırış) deputatı.

Həyatı

Əlibala Əbdül oğlu Şirinov 1903-cü ildə anadan olmuşdur. 1925-1927-illərdə ordu sırasında olmuş, ordudan tərxis edildikdən sonar iki il Xalac (Dünyamalılar) kənd sovetinin sədri işləmişdir.

1929-cu ildə Dünyamalılar kəndinin kənd təsərrüfatı arteli təşkil edildikdə Ə.Şirinov kolxoza birinci daxil olmuş, onun təşkilat-təsərrüfat cəhətdən möhkəmləndirilməsində fəal iştirak etmişdir. Əlibala Şirinov əvvəlcə katib vəzifəsində işləmişdir.

Beyləqan rayonunun Dünyamallar kəndində 1927-1928-ci illərdə kənd sovetinin mühasibi, 1928-1935-ci illərdə kənd sovetinin sədri, 1935-1936-ci illərdə Gödəklər kəndində qurulan kolxozun sədri, 1936-cı ildən 1971-ci ilədək öz doğma kəndi Dünyamalılarda sonralar Sovet İttifaqı Qəhrəmanı Gəray Əsədovun adı ilə adlanan kolxozun sədri olmuşdur.

1936-cı ilin may ayında kolxozçular Ə.Şirinovu özlərinə sədr seçmişlər. Əlibala Şirinov o vaxtdan düz 35 il kolxozun idarə heyətinin sədri olmuşdur.

Ona hamı hörmət və ehtiram bəsləyirdi. Dövlət kolxoz istehsalını inkişaf etdirməkdə onun fəaliyyətini qiymətləndirib. 1950-ci ildə pambıqçılıq sahəsində yüksək əmək göstəricilərinə nail olmuşdur. Azərbaycan Ali Sovetinin (2-5, 7-ci çağırış) deputatı seçilmişdir. 2 dəfə Lenin ordeni, «Şərəf nişanı», Qırmızı Bayraq ordeni və medallarla təltif olunmuşdur. 1971-ci ildən ittifaq əhəmiyyətli fərdi pensiyaçı idi.

1952-ci ildə ona Sosialist Əməyi Qəhrəmanı adı verilmiş, iki Lenin ordeni, Şərəf Nişanı ordeni, Qızıl Əmək Bayrağı ordeni, SSRİ-nin bir çox medalları ilə təltif edilmişdir.

Kolxoz onun rəhbərliyi altında inkişaf edib və yeni-yeni təsərrüfat müvəffəqiyyəti qazandı.

El ağsaqqalını kəndin abadlaşdırılması məsələsi çox narahat edirdi.Layihə əsasında kolxozun tapşırığı ilə 1957-ci ildə yeni tipli qəsəbə salınmışdı.

1963-cü ildə 10 illik məktəb binası tikdirdiyi üçün ona “Azərbaycan maarif xadimi” adı verilmişdir. Azərbaycanın Pambıq ustası fəxri adını almışdı.

Əlibala Şirinov 3 noyabr 1973-cü ildə vəfat etdi. O, dövlətin qərarı ilə Bakı şəhərində İkinci Fəxri xiyabanda dəfn edildi.