Zakir Qaralov
|
| Zakir Qaralov Zakir Bəkir oğlu Qaralov |
||||
 |
||||
|
||||
|---|---|---|---|---|
| 25 aprel 2000 — indiyə kimi | ||||
| Sələfi: | Eldar Həsənov | |||
| Doğum tarixi: | 13 yanvar 1956 | |||
| Doğum yeri: | Ormeşən, Başkeçid, Aşağı Kartli, Gürcüstan SSR, SSRİ | |||
| Uşaqları: | 2 övladı var | |||
| Təltifləri: | Əməkdar hüquqşunas 
 |
|||
Qaralov Zakir Bəkir oğlu - Azərbaycan Respublikasının Baş Prokuroru, I dərəcəli dövlət ədliyyə müşaviri.
Həyatı[redaktə | əsas redaktə]
Zakir Qaralov 1956-cı il yanvarın 13-də Gürcüstan SSR-nin Başkeçid rayonunun Ormeşən kəndində anadan olmuşdur.
1979-cu ildə Bakı Dövlət Universitetinin Hüquq fakültəsini bitirdikdən sonra prokurorluq orqanlarına işə qəbul edilərək 1981-ci ilədək Bakı şəhərı Səbail rayon prokurorunun köməkçisi, 1981-2000-ci illərdə Baş Prokurorluğun ümumi nəzarət şöbəsinin prokuroru, böyük prokuroru, Bakı şəhəri Nəsimi rayon prokurorunun müavini, Nəsimi rayon prokuroru, Baş Prokurorluğun Milli təhlükəsizlik orqanlarında istintaqa nəzarət şöbəsinin, Ümumi nəzarət idarəsinin prokuroru və böyük prokuroru, Bakı şəhəri Sabunçu rayon prokuroru, Gəncə şəhər prokuroru vəzifələrində işləmişdir.
25 aprel 2000-ci il tarixdən Azərbaycan Respublikasının Baş prokurorudur.
I dərəcəli dövlət ədliyyə müşaviri ali xüsusi rütbəsindədir. Beynəlxalq Prokurorlar Assosiasiyasının üzvüdür.
26 dekabr 1995-ci ildə Azərbaycan Respublikası Prezidenti tərəfindən "İgidliyə görə" medalı ilə, 29 sentyabr 2006-cı ildə isə "Azərbaycan Bayrağı" ordeni ilə,13 yanvar 2016-cı ildə isə "Şöhrət" ordeni ilə təltif olunmuşdur.
Ailəlidir, iki övladı var.
