Ormeşən

Ormeşən
ორმაშენი
41°24′17″ şm. e. 44°13′34″ ş. u.
Ölkə	Gürcüstan
Tarixi və coğrafiyası
Mərkəzin hündürlüyü	1.320 m
Saat qurşağı	UTC+04:00
Əhalisi
Əhalisi	88 nəf. (2014)
Rəqəmsal identifikatorlar
Telefon kodu	+995 (360)
Poçt indeksi	1716
Ormeşən

Ormeşən — Gürcüstan Respublikasının Aşağı Kartli mxaresinin Başkeçid rayonunun inzibati-ərazi vahidində kənd.

Ormeşən kəndi Gürcüstanın Borçalı mahalında bünövrəsi çox qədimlərdən qoyulmuş kəndlərdən biridir. Ormeşən sözü ormanlıq-meşəlik sözündən götürülmüşdür. Ormeşən kəndi dəniz səviyyəsindən 1896,6 metr yüksəkliyində olan Şindi dağının ətəyində, dörd tərəfi meşə ilə örtülü dəniz səviyyəsindən 1378,2 metr yüksəkliyində olan bir sahədə yerləşmişdir. Ormeşən kəndi cənubdan Az-Gəyliyən, Qızılkilsə, Şindilər, şərqdən Darvaz, qərbdən Bağçalar, Saca, Valgem (Kirovisi), Dağ Arıxlı kəndləri, şimaldan Çataqla (Xram SES) həmsərhəddir. Ormeşən kəndinin kənddə 200 hektardan çox əkin və biçənək, Şindi dağında 540 hektar biçənək. Şam düyədə 640 hektar otlaq, Sərxanda 500 hektara kimi otlaq, Marneuli şəhəri ilə Rustavi şəhəri arasında Yağılcada qışlağı olmuşdur. Bu torpaqlardan Ormeşən kəndi lazımi qaydada istifadə edirdi. Ormeşən kəndində köhnə məktəb 1936-cı ildə, təzə məktəb isə 1980-ci ildə tikilib istifadəyə verilmişdir. Bu məktəblər ziyalılar, dövlət qulluqcuları və müxtəlif sahələr üzrə mütəxəssislər yetişdirmişdir. Ormeşən kənd əhalisinin əsas məşğuliyyəti ağac ustalığı, bağçılıq, əkinçilik, kartofçuluq, heyvandarlıq, arıçılıq və ovçuluq olmuşdur.

Tanınmış şəxsləri

• Əlləz Vəliyev — AYB və AJB-nin üzvü. Prezident təqaüdçüsü.
• Zakir Bəkir oğlu Qaralov — Azərbaycan Respublikasının keçmiş Baş Prokuroru, I dərcəli dövlət ədliyyə müşaviri.

Mənbə

• Vəliyev Ə. N. Borçalıda qədim Ormeşən eli. Bakı: "Nərgiz-R" NPf, 2011, 356 s.
• Ulu baban kim olub ?. V kitab (Zol-Göyəc, Abdallı, Aşağı və Yuxarı Güləvər, Dəmirli, Qaradaş, Babakişilər, Dəllər, Sarıməmmədli, Örmeşən və Qızılkilsə kəndləri — XIX yüzilə aid kameral təsvirlər). Tərtib edənlər: V. Hacılar, F. Valehoğlu. Bakı: "Kooperasiya" nəşriyyatı, 2019, 64 s.