Aşağı Kartli diyarı

Vikipediya, açıq ensiklopediya
(Aşağı Kartli səhifəsindən istiqamətləndirilmişdir)
Keçid et: naviqasiya, axtar
Aşağı Kartli diyarı

ქვემო ქართლის მხარე

Location of Kvemo Kartli within Georgia

İxtisarı: GE-KK
Sahəsi: 6 527.6[1][2] km²
Əhalisi: 511 100[3][4] (2013)
Mərkəz şəhəri: Rustavi
Qubernator: Zurab Melikişvili

Aşağı Kartli diyarı (gürc. ქვემო ქართლის მხარე) — Gürcüstanda I dərəcəli inzibati – ərazi vahidlərindən biri. 1994–1996–cı illərdə həyata keçirilmiş inzibati islahatlar nəticəsində təşkil edilmişdir. Diyarın inzibati mərkəzi Rustavi şəhəridir.

İnzibati bölgü[redaktə | əsas redaktə]

İnzibati cəhətdən respublika tabeli Rustavi şəhərindən və altı bələdiyyədən (Başkeçid, Bolnisi, Marneuli, Qarayazı, Tsalka, Tetri Tskaro) ibarətdir. Aşağı Kartlinin inzibati mərkəzi Rustavi şəhəridir. Ətraflı olaraq bax: Borçalı

Əhalisi[redaktə | əsas redaktə]

17-24 yanvar 2002-ci il ümumrespublika əhali siyahıyaalınmasının yekunlarına əsasən diyarın ümumi əhalisi 497.530 nəfər olmuşdur. Onlardan 186.505 nəfəri şəhərlərdə, 311.025 nəfəri isə kəndlərdə yaşayırdı. Kənd əhalisinin 152.456 nəfəri kişilərdən, 158.569 nəfəri isə qadınlar təşkil edirdi. Sayımın yekunlarına əsasən kənd əhalisinin 62.50%-i azərbaycanlılardan, 28.40%-i gürcülərdən, 6.70%-i ermənilərdən, 1.50%-i urumlardan, 0.40%-i ruslardan və 0.50%-i digərlərindən ibarət idi. Siyahıyaalınma vaxtı diyarın tərkibinə 6 rayon (2006-cı ildən sonra "bələdiyyə"), 7 şəhər, 8 qəsəbə, 104 sakrebulo və 348 kənd daxil idi. 348 kənddən 147-sində azərbaycanlılar, 128-ində gürcülər, 31-ində ermənilər, 25-ində urumlar, 2-sində isə osetinlər əksəriyyət təşkil edirdi, qalan 15 kənddə isə əhali yaşamırdı.

Gürcüstan əhalisinin 2013-ci il rəsmi təxmininə əsasən diyarın əhalisi 511 100 nəfər təşkil edib və bu göstəriciyə görə Aşağı Kartli Gürcüstanda 3-cü yeri tutur. Əhalinin 45%-ni azərbaycanlılar, 44%-ni isə gürcülər təşkil edir. Diyarın qubernatoru David Kirkitadzedir. Gürcüstanın daxili işlər nazirinin verdiyi məlumata görə 2012-ci ildə Aşağı Kartli diyarında baş verən cinayətin 35%-i azərbaycanlılarla bağlı olub. [5]

İstinadlar[redaktə | əsas redaktə]

  1. National Statistics Office of Georgia: ტომი I - საქართველოს მოსახლეობის 2002 წლის პირველი ეროვნული საყოველთაო აღწერის შედეგები
  2. About Georgia: Home: Regions and Cities: Divisions: Kvemo Kartli
  3. National Statistics Office of Georgia: Number of Population as of January 1, 2013
  4. National Statistics Office of Georgia: Number of Population is Increasing. Published on 31 May, 2012
  5. Gürcüstanın daxili işlər naziri: “Kvemo-Kartli bölgəsində baş verən cinayətin 35%-i azərbaycanlılarla bağlı olub”