Yırğançay

Yırğançay
Yırğançay
	ირგანჩაი
	41°12′22″ şm. e. 44°08′28″ ş. u.HGYO
Ölkə	Gürcüstan;
Tarixi və coğrafiyası
İlk məlumat	1870
Mərkəzin hündürlüyü	1.660 m
Əhalisi
Əhalisi	2.014 nəf. (2014);
Rəqəmsal identifikatorlar
Telefon kodu	+995 (360)
Poçt indeksi	1707
	Xəritəni göstər/gizlə Yırğançay

Yırğançay — Gürcüstan Respublikasının Dmanisi (Başkeçid) rayonunun tabeliyində kənd.

Coğrafi mövqeyi

Yırğançay kəndi Qaraxaç silsiləsinin şərq ətəklərində, dəniz səviyyəsindən 1630–1680 m. yüksəklikdə, Ermənistanla sərhəddə yerləşir. Yüksək dağlıq və az əlverişli fiziki-coğrafi mövqeyə malikdir. Qışı sərt, yayı sərin keçir. Rayon mərkəzindən 24 km., paytaxt Tiflisdən 95 km. cənub-qərbdədir. Ağ çay və Qaranlıq dərə adlı dağ çayları kəndin içərisindən keçir.

Əhalisi

2002-ci il əhali siyahıyaalmasının nəticələrinə əsasən Yırğançay kəndində 3000 nəfər sakin (rayon əhalisinin 9,6%-i) yaşayır.^[1] Əhalinin 50,3%-i kişilər, 49,7%-i qadınlardır. Əhalisinin sayına və ərazi bütövlüyünə görə Yırğançay bağlı olduğu rayondan və digər kəndlərdən böyükdür. Rəsmi statistikaya əsasən əhalinin 100%-i azərbaycanlılardan ibarətdir.^[2]

Təsərrüfatı

Yüksək dağlıq zonada yerləşən Yırğançayda əhalinin əsas məşğuliyyət sferası südlük-ətlik heyvandarlıq, xüsusilə maldarlıqdır. Torpaq örtüyünün zəif inkişafı və iqlimin əlverişsizliyi ilə əlaqədar olaraq kartofçuluq istisna olunmaqla, əkinçilik çox zəif inkişafı ilə səciyyələnir. Ermənistanla sərhəd xəttinin cəmisi 1 km. olması və Dmanisi rayonunun ən yaxın kəndinin buradan 13 km. məsafədə yerləşməsi, habelə infrastrukturun "yox" səviyyəsində olması təsərrüfat əlaqələrinin inkişafına ciddi maneəçilik törədir.

Mədəniyyəti

Yırğançayda hal-hazırda azərbaycandilli bir orta məktəb, bir ambulator tipli xəstəxana,^[3], bir xalçaçılıq sexi^[4] fəaliyyət göstərir. Kənddə Gürcüstan sərhəd qoşunlarının hərbi hissəsi yerləşir. Marneuli və Dmanisi şəhərləri ilə gündəlik, Tiflis və Bakı şəhərləri ilə qeyri-müntəzəm avtobus marşrutları işləyir.

İstinadlar

↑ "Gürcüstanda kənd əhalisinin statistik icmalı" (PDF). 24 noyabr 2007 tarixində orijinalından (PDF) arxivləşdirilib. İstifadə tarixi: 5 noyabr 2007.
↑ "2002-ci ildə Gürcüstanda keçirilmiş əhali siyahıyaalmasının nəticələri" (PDF). 6 mart 2009 tarixində orijinalından (PDF) arxivləşdirilib. İstifadə tarixi: 5 noyabr 2007.
↑ [http://www.borchali.net/old/index.php?s=xeberler&id=18^{[ölü keçid]} Borçalı haqqında internet saytı
↑ Arxivləşdirilib 2016-03-13 at the Wayback Machine Azərbaycan diasporasının rəsmi internet saytı]

Həmçinin bax

[1] "Gürcüstanda kənd əhalisinin statistik icmalı" (PDF). 24 noyabr 2007 tarixində orijinalından (PDF) arxivləşdirilib. İstifadə tarixi: 5 noyabr 2007.

[2] "2002-ci ildə Gürcüstanda keçirilmiş əhali siyahıyaalmasının nəticələri" (PDF). 6 mart 2009 tarixində orijinalından (PDF) arxivləşdirilib. İstifadə tarixi: 5 noyabr 2007.

[3] [http://www.borchali.net/old/index.php?s=xeberler&id=18^{[ölü keçid]} Borçalı haqqında internet saytı

[4] Arxivləşdirilib 2016-03-13 at the Wayback Machine Azərbaycan diasporasının rəsmi internet saytı]

[1]

[2]

[3]

[4]