Əli Ömərov

Vikipediya, azad ensiklopediya
Jump to navigation Jump to search
Əli Ömərov
Əli Ömər oğlu Ömərov
Əli Ömərov 01.jpg
bayraqAzərbaycan Respublikasının Baş Prokurorubayraq
03 iyul 1993[1] — 08 oktyabr 1994[2]
Sələfi İxtiyar Şirinov
Xələfi Eldar Həsənov
bayraqGəncə Şəhər Nəqliyyat Prokurorubayraq
1983 — 1993[4]
bayraqAzərbaycan Respublikası Ali Sovetinin və Milli Məclisinin deputatıbayraq
1990 — 1995
Şəxsi məlumatlar
Təhsili
Doğum tarixi (73 yaş)
Doğum yeri Göllü kəndi, Amasiya rayonu, Ağbaba mahalı, Ermənistan SSR
Vətəndaşlığı SSRİ SSRİ
Azərbaycan Azərbaycan SSR
Azərbaycan Azərbaycan
Həyat yoldaşı Evlidir
Uşağı 3 övladı var
Hərbi xidmət
Rütbəsi Adliyya ordu generali.jpg
Həqiqi Dövlət Ədliyyə Müşaviri[3]

Əli Ömər oğlu Ömərov (10 sentyabr 1947(1947-09-10), Göllü, Amasiya rayonu) — Azərbaycan Respublikasının Baş Prokuroru (1993-1994), Həqiqi Dövlət Ədliyyə Müşaviri

Həyatı[redaktə | əsas redaktə]

1947-ci ilin 10 sentyabr tarixində Ermənistan SSR-nin Ağbaba mahalının Amasiya rayonunun Göllü kəndində anadan olub.

1973-cü ildə Azərbaycan Dövlət Universitetinin hüquq fakültəsinin qiyabi şöbəsini bitirib.

1966-1973-cü illərdə Ermənistan SSR Amasiya rayonunun Göllü kəndində orta məktəb müəllimi işləyib.

1973-cü ildə Sovet Ordusu sıralarına çağırılaraq Çita vilayətinin Dauriya hərbi prokurorluğunda hərbi müstəntiq vəzifəsini icra edib. 1974-cü ildə ordu sıralarından tərxis olunaraq, həmin ildən 1976-cı ilədək Amasiya rayonunun DİŞ-nin müəssisədən kənar mühafizə şöbəsinin və xalq drujinası şöbəsinin rəisi vəzifələrində işləmişdir.

1976-cı ildə Azərbaycan Respublikasına köçərək DQMV prokurorluğunda prokuror köməkçisi və baş müstəntiq vəzifələrində çalışmışdır.

1980-1983-cü illərdə Gəncə şəhər prokurorluğunun baş müstəntiq vəzifəsində çalışmışdır.

1983-1993-cü illərdə Gəncə şəhər nəqliyyat prokuroru işləyib.

Əli Ömərov 1992-ci ilin payızında Naxçıvan Ali Məclisinin sədri Heydər Əliyevin Azərbaycanda hakimiyyət uğrunda açıq və fəal mübarizəyə səsləyən 91 nəfər ziyalının sıralarında olan, yeganə vəzifə sahibi və iqtidar üzvü idi.

1990-cı ildə Azərbaycan Respublikası Ali Sovetinin Deputatı seçilib, 1993-cü ildə Milli Məclisin üzvlüyünə qəbul olunub. Xocalı faciəsinə dair yaradılmış komissiyanın məsul katibi olub və faciənin törədilməsi, əmələ gəlməsi və nəticələri barədə əsas məruzəçi kimi çıxış etmişdir ki, bununla da Xocalı faciəsi birbaşa canlı yayımla bütün dünyaya bəyan edilmişdir.

Əli Ömərov 3 iyul 1993-cü il tarixində Azərbaycan Respublikasının Baş Prokuroru vəzifəsinə təyin olunub. 8 oktyabr 1994-cü il tarixində öz ərizəsi ilə vəzifəsindən vaxtından əvvəl azad olunub. Əli Ömərov Azərbaycan Respublikasında prokurorluq orqanları yaranan gündən, yəni 1 oktyabr 1918-ci il tarixindən etibarən tək və yeganə Baş Prokurordur ki, fəaliyyətdə olan Daxili işlər və Müdafiə nazirlərinə qarşı cinayət işləri başladıb və onların vəzifələrindən uzaqlaşdırılmasına nail olub.

Azərbaycan Respublikasının Konstitusiyasının hazırlanmasına dair yaradılmış komissiyanın üzvü olub.

23 yanvar 1991-ci ildən etibarən Azərbaycan Milli Yaradıcılıq Akademiyasının Hüquq doktorudur.

9 noyabr 1993-cü il tarixindən etibarən nəinki Azərbaycanda, hətta bütün Qafqazda tək və yeganə Həqiqi Dövlət Ədliyyə Müşaviri (Ədliyyə Ordu Generalı) ali xüsusi rütbəyə malik şəxsdir.

1993-cü ildən etibarən Beynəlxalq İnterpol Bürosunun İcraiyyə Komitəsinin Həqiqi üzvüdür.

2010-cu ildə Azərbaycan Deportasiya Qurbanları Cəmiyyətinin təsisçilərindən biri olmuş və həmin ildən cəmiyyətin üzvüdür. 2015-2017-ci illərdə Azərbaycan Deportasiya Qurbanları Cəmiyyətinin dönəm sədri olub.

Beynəlxalq Prokurorlar Assosiasiyasının üzvüdür (ing. {{{1}}} International Association of Prosecutors).

Evlidir. 3 övladı: 2 oğlu, 1 qızı var.

Mənbə[redaktə | əsas redaktə]

İstinadlar[redaktə | əsas redaktə]

  1. ↑ [1]
  2. ↑ [2]
  3. ↑ [3]
  4. ↑ [4]

Həmçinin bax[redaktə | əsas redaktə]

Xarici keçidlər[redaktə | əsas redaktə]

Mənbə — "https://az.wikipedia.org/w/index.php?title=Əli_Ömərov&oldid=5715068"