Etibar Əliyev (deputat)

Vikipediya, azad ensiklopediya
Jump to navigation Jump to search
Etibar Əliyev
Etibar Əliyev (siyasətçi).jpg
bayraqAzərbaycan Milli Məclisinin VI çağırış deputatıbayraq
Vəzifədədir
10 mart 2020-ci ildən
Sələfi Fərəc Quliyev
Seçki dairəsi 202031 saylı Suraxanı
Şəxsi məlumatlar
Doğum tarixi 1 mart 1963(1963-03-01) (59 yaş)
Doğum yeri
Partiya
Təhsili

Etibar Qasım oğlu Əliyev (1 mart 1963, Şirazlı, Vedi rayonu) — Azərbaycan Milli Məclisinin VI çağırış deputatı.

Həyatı[redaktə | mənbəni redaktə et]

Etibar Əliyev 1 mart 1963-cü il tarixində Ermənistan Sovet Sosialist Respublikasının Vedi rayonunun Şirazlı kəndində doğulmuşdur. O, Azərbaycan Dövlət Universitetinin Fizika fakültəsini bitirmişdir. Etibar Əliyev 1986–1991-ci illərdə Kosmik Tədqiqatlar Elm-İstehsalat Birliyində mühəndis, 1991–1992-ci illərdə «Bakı fəhləsi» zavodunda mühəndis-konstruktor, 1992–2002-ci illərdə Təhsil Nazirliyində aparıcı mütəxəssis vəzifələrində çalışmışdır.

Rus dilini bilir.

Elmi fəaliyyəti[redaktə | mənbəni redaktə et]

Etibar Vəliyev 2004–2009-cu illərdə AMEA Fəlsəfə və Siyasi-Hüquqi Tədqiqatlar İnstitutunun, 2010–2020-ci illərdə Fəlsəfə və Hüquq İnstitutunun böyük elmi işçisi olmuşdur. O, fəlsəfə üzrə fəlsəfə doktorudur. 7 kitabın və 30-dan çox elmi məqalənin müəllifidir.

Siyasi fəaliyyəti[redaktə | mənbəni redaktə et]

Etibar Əliyev 2010-cu il tarixində keçirilmiş parlament seçkilərində 31 saylı Suraxanı ikinci seçki dairəsindən Böyük Quruluş Partiyası üzvü olaraq İslahat Blokunun deputatlığa vahid namizəd olmuşdur.[1] O, seçkilərdə 404 səs və ya 5.02% səs toplayaraq seçkiləri Milli Dirçəliş Hərəkatı Partiyası sədri Fərəc Quliyev, AXCP-Müsavat Blokunun deputatlığa vahid namizədi, Azərbaycan Xalq Cəbhəsi Partiyasının sədri Əli Kərimli, bitərəf namizəd Sevda Həsənova, Yeni Azərbaycan Partiyası üzvləri Əhəd AbıyevƏziz Ələkbərlinin ardınca 6-cı sırada tamamlamışdır.[2]

Etibar Əliyev 9 fevral 2020-ci il tarixində keçirilmiş növbədənkənar seçkilərdə 31 saylı Suraxanı ikinci seçki dairəsindən bitərəf olaraq deputatlığa namizəd olmuşdur.[3] O, seçkilərdə 4925 səs[4] və ya ümumi səslərin 40.7%-ni toplayaraq[5] deputat seçilmişdir. Hal-hazırda Etibar Əliyev Milli Məclisin Gənclər və idman komitəsinin, Elm və təhsil komitəsinin üzvüdür. Azərbaycan-Albaniya parlamentlərarası əlaqələr üzrə işçi qrupunun rəhbəri, Belarus, Finlandiya, İsveç, Qazaxıstan, Norveç parlamentləri ilə əlaqələr üzrə işçi qruplarının üzvüdür.

Partiya fəaliyyəti[redaktə | mənbəni redaktə et]

Etibar Əliyev 2009-cu ilədək Müsavat Partiyasının üzvü olmuş, 2009-cu ildə partiyadan istefa verərək Böyük Quruluş Partiyasına üzv olmuşdur. O, Böyük Quruluş Partiyasının sədri Fazil Mustafanın müşaviri vəzifəsinə təyin olunmuşdur. Lakin 31 may 2012-ci il tarixində Etibar Əliyev partiya sədri Fazil Mustafa ilə fikirləri arasında ziddiyyət yarandığını və qurultay prossesinə cəlb edilmədiyini iddia edərək müşavirlik postundan və partiya üzvlüyündən istefa vermişdir.[6]

Mənbə[redaktə | mənbəni redaktə et]

İstinadlar[redaktə | mənbəni redaktə et]

  1. "Arxivlənmiş surət". 2021-11-07 tarixində arxivləşdirilib. İstifadə tarixi: 2022-06-08.
  2. "Arxivlənmiş surət". 2021-11-05 tarixində arxivləşdirilib. İstifadə tarixi: 2022-06-08.
  3. "Arxivlənmiş surət". 2021-11-05 tarixində arxivləşdirilib. İstifadə tarixi: 2022-06-08.
  4. "Arxivlənmiş surət". 2022-02-11 tarixində arxivləşdirilib. İstifadə tarixi: 2022-06-08.
  5. "Arxivlənmiş surət". 2020-08-19 tarixində arxivləşdirilib. İstifadə tarixi: 2022-04-25.
  6. "Arxivlənmiş surət". 2022-06-08 tarixində arxivləşdirilib. İstifadə tarixi: 2022-06-08.