Rəbiyyət Aslanova

Vikipediya, azad ensiklopediya
Jump to navigation Jump to search
Rəbiyyət Aslanova
Rəbiyyət Nurullah qızı Aslanova
Rabiyyat Aslanova.jpg
Şəxsi məlumatlar
Doğum tarixi 4 iyul 1951(1951-07-04) (71 yaş)
Doğum yeri
Vətəndaşlığı SSRİ SSRİAzərbaycan Azərbaycan
Partiya Yeni Azərbaycan Partiyasının loqosu.png Yeni Azərbaycan Partiyası
Təhsili Bakı Dövlət Universiteti
Elmi fəaliyyəti
Elm sahəsi Fəlsəfə, Mədəniyyətşünaslıq
Elmi dərəcəsi Fəlsəfə elmləri doktoru

Təltifləri "Şöhrət" ordeni "Bakı Dövlət Universitetinin 100 illiyi (1919-2019)" yubiley medalı
Vikianbarın loqosu Vikianbarda əlaqəli mediafayllar

Rəbiyyət Nurullah qızı Aslanova (4 iyul 1951, Kəlbəcər) — Azərbaycan Respublikası Milli Məclisinin (II, IIIIV çağırış) deputatı, Milli Məclisin İnsan Hüquqları Komitəsinin sabiq sədri.[1] Fəlsəfə elmləri doktoru, professor. BDU-nun fəlsəfə tarixi və mədəniyyətşünaslıq kaferasının müdiri. Yeni Azərbaycan Partiyasının üzvüdür.[2] ATƏT-in Parlament Assambleyasında və MDB Parlamentlərarası Assambleyasında Azərbaycan nümayəndə heyətlərinin üzvü olub.

Həyatı[redaktə | mənbəni redaktə et]

Rəbiyyət Aslanova 1951-ci il iyulun 4-də Kəlbəcər şəhərində anadan olmuşdur. Bakı Dövlət Universitetinin tarix fakültəsini bitirdikdən sonra 1973–1976-cı illərdə universitetin aspiranturasında oxumuş, 1977–1978-ci illərdə Bakı Dövlət Universitetində assistent olmuşdur. 1981-ci ildə namizədlik dissertasiyası müdafiə etmişdir. 1988-ci ildən baş müəllim, dosent vəzifələrində çalışmışdır. 2004-cü ildə "İslam mədəniyyət sistemində" mövzusunda doktorluq dissertasiyası müdafiə etmişdir. Fəlsəfə elmləri doktoru, 2004-cü ildən Bakı Dövlət Universitetinin Fəlsəfə tarixi və mədəniyyətşünaslıq kafedrasının professorudur. 2009-cu ildən həmin kafedraya rəhbərlik edir.

İkinci, üçüncü və dördüncü çağırış Azərbaycan Respublikası Milli Məclisinin deputatı olmuşdur.

2010-ci il noyabrın 7-də 109 saylı Balakən seçki dairəsindən deputat seçilmişdir.[3]

Evlidir, 3 övladı var.

Elmi fəaliyyəti[redaktə | mənbəni redaktə et]

Rəbiyyət Aslanova Azərbaycanda və xaricdə nəşr olunan 11 kitabın, 300-ə yaxın elmi məqalənin müəllifidir. O, fəlsəfə tarixi və mədəniyyətşünaslığın müvafiq istiqamətləri sahəsində tanınmış alimlərdəndir. Rəbiyyət Aslanovanın elmi yaradıcılığının ana xəttini Qərb və Şərq mədəni ənənələrinin sintezi təşkil edir. O, eyni zamanda din tarixi, sivilizasiyalar tarixi, mədəniyyət nəzəriyyəsi istiqamətində tədqiqatların müəllifidir.

R.Aslanovanın elmi məqalələri Türkiyədə, Kanadada, Ukraynada, Rusiyada, Misirdə, İordaniyada və başqa ölkələrdə mötəbər elmi jurnallarda nəşr olunmuşdur. R.Aslanova BDU-nun nəzdində namizədlik və doktorluq dissertasiyalarının müdafiəsini təşkil edən Dissertasiya Şurasının, BDU Elmi Şurasının, Azərbaycan Fəlsəfə və Sosial-Siyasi Elmlər Assosiasiyasının, Respublika Elmi Tədqiqatların Təşkili və Əlaqələndirilməsi Şurasının (RETTƏŞ) nəzdində Fəlsəfə, politologiya, sosiologiya, mədəniyyətşünaslıq və psixologiya elmləri üzrə Problem Şurasının, Dini Qurumlarla İş üzrə Dövlət Komitəsi (Azərbaycan)-nin münsiflər heyətinin üzvüdür.

Avrasiyanın siyasi, mədəni, iqtisadi, sosial, elmi və s. inkişaf problemləri ilə məşğul olan məşhur Türkiyə Mərmərə Qrupu Strateji və Sosial Araşdırmalar Mərkəzinin üzvüdür. MDB Parlamentlərarası Assambleyasının Elm və Təhsil Komissiyasının sədr müavinidir.

“METAFİZİKA” beynəlxalq fəlsəfi və fənlərarası araşdırmalar jurnalının 14-cü sayından jurnalın “Fəlsəfə, Sosiologiya və Psixologiya elmləri” üzrə redaksiya heyətinin üzvüdür.[4]

Elmi-pedaqoji fəaliyyəti[redaktə | mənbəni redaktə et]

Rəbiyyət Aslanovanın elmi-pedaqoji fəaliyyətini indiki Bakı Dövlət Universiteti ilə qırx ilə yaxın bir müddəti əhatə edən zaman bağlayır. O, fəlsəfə tarixindən mədəniyyət, etika və estetika elmlərini, Fəlsəfə tarixi, Fəlsəfə tarixində din problemi, Türk xalqlarının fəlsəfi fikir tarixi və Tarix fəlsəfəsi: tarixi dinamika fənnlərini tədris edir, islam fəlsəfəsi tarixindən dərs deyir.[5]

Azərbaycan televiziyasında "Mənəvi tərbiyə" proqramının müəllifi və aparıcısı olmuşdur.

Elmi əsərləri[redaktə | mənbəni redaktə et]

  • "İslam və mədəniyyət", elmi red. Y.Rüstəmov, Azərbaycan universiteti, 2002, 406 səh.
  • "Qloballaşma vә mәdәni müxtәliflik", I nəşr , Bakı 2004, 264 səh.
  • "XXI əsr.Yeni mədəniyyət məkanına inteqrasiya", Bakı, Nurlan, 2007, 440 səh.[6]
  • "Müasir dövlət və dövlətşünaslıq elmi" Azərbaycan Respublikasının Dövlət Müstəqilliyinin bərpasının 20 illik ildönümü işığında. Bakı, Azərnəşr, 2011,439 səh.
  • Əbədi müstəqillik,güclü dövlətçilik yolunda (Polemik məqalələr,çıxışlar,müsahibələr), Cild 1. Bakı 2014. 636 səh.
  • "Əbədi müstəqillik,güclü dövlətçilik yolunda" (Polemik məqalələr,çıxışlar,müsahibələr), Cild 2, Bakı, Avropa, 2014, 472 səh.
  • "Qloballaşma və mədəni müxtəliflik", Bakı, "Elm" nəşriyyatı, 2016, 340 səh.
  • "Tarixə fəlsəfi baxış", Bakı, "Elm və təhsil", 2021, 440 səh.
  • "Evrensel değerler sisteminde İslam kültürü", İstanbul, "Cinius yayınları", 2021, 376 səh.
  • "Tarihten günümüze devlet anlayışı", Ankara, Berikan yayınevi, 2021, 560 səh.[7]

Mükafatları[redaktə | mənbəni redaktə et]

2009-cu ilin 7 mart tarixində Azərbaycan Respublikasının Ailə, Qadın və Uşaq Problemləri üzrə Dövlət Komitəsi tərəfindən Dövlət qadın siyasətinin həyata keçirilməsində səmərəli fəaliyyətinə görə Diplom ilə, Türkiye Cumhuriyyet Universitetinin Fəlsəfə şöbəsinin rəhbəri tərəfindən ziyarət və Erasmus mübadilə layihəsi çərçivəsində fəlsəfə şöbəsinə verdiyi töhfələrə görə təşəkkürnamə ilə təltif edilib.

2011-ci ilin 18 oktyabr tarixində Moldova Azərbaycanlıların Kongresində "Azərbaycanın və Moldovanın müstəqilliyi - 20il. 1991–2011" adlı xatirə medalı ilə, həmin ilin 30 noyabr tarixində uzun müddət səmərəli elmi-pedaqoji fəaliyyətinə, gənc nəslin yetişdirilməsindəki xidmətlərinə görə və Sosial elmlər və psixologiya fakültəsinin 20 illik yubileyi münasibəti ilə Fəxri fərman ilə təltif edilib.

2012-ci ilin 27 mart MDB-in Parlamentarası Assambleya Şurasının fərmanı əsasında "MDB-in Parlamentarası Assambleyası 20 il" adlı medalı ilə təltif edilib.

2013-cu ilin 14 dekabr Azərbaycan müəllimlərinin XIV qurultayında mükafat ilə təltif edilib.

2016-cı ilin 19 dekabr Azərbaycan elminin və təhsilinin inkişafındakı xidmətlərinə, uzun müddət səmərəli elmi-pedaqoji fəaliyyətinə görə və Sosial elmlər və psixologiya fakültəsinin yaranmasının 25 illiyi münasibəti ilə təltif edilib.

Azərbaycan Respublikası Prezidentinin 2011-ci il 4 iyul tarixli Sərəncamına əsasən Rəbiyyət Aslanova Azərbaycanın ictimai-siyasi həyatında fəal iştirakına görə "Şöhrət" ordeni ilə təltif edilmişdir.[8]

2019-cu ildə "Bakı Dövlət Universitetinin 100 illiyi (1919-2019)" yubiley medalı ilə təltif olunub[9].

2019-cu il 11 dekabr tarixində Türk Dünyası Araştırmaları Uluslararası İlimler Akademisi tərəfindən akademik üzvlüyə seçilmiş, Türk dünyası elminə və təhsilinə üstün xidmətlərindən dolayı "Uluslararası Altın yıldız" medalı ilə təltif edilmişdir.[10]

2022-ci ilin 3 sentyabr tarixində Türkiyənin İstanbul şəhərində baş tutan “Altın Kalem Ödülleri” müsabiqəsində yazar olaraq xüsusi mükafata laiq görülmüşdür.

İştirak etdiyi konfranslar[redaktə | mənbəni redaktə et]

2007-ci il 20 avqust tarixində Şri-Lanka-da keçirilən Asiya və Sakit okean hövzəsi ölkələrinin qlobal problemlərə həsr olunmuş VIII beynəlxalq konqresdə iştirak və çıxış etmişdir.

2007-ci il “XXI əsr Yeni mədəniyyət məkanına inteqrasiya” adlı konfransda və “Keçid cəmiyyətlərinə demokratiya Bakı – 2007” elmi praktik konfranslarında çıxış etmişdir.

2008-ci il Mərakeşdə keçirilən “Qloballaşma və sivilizasiyaların dialoqu” adlı konfransda iştirak və çıxış etmişdir.

2008-ci il 7-14 yanvar tarixlərində Malayziya-nın Kuala-Lumpur şəhərində təşkil olunan “Genderin qlobalizasiyası: transmilli feminizm və yeni qanunvericiliyin qarşısında duran vəzifələr” adlı konfrasda iştirak və çıxış emtişdir.

2008-ci il 13-17 noyabr tarixlərində Türkiyədə təşkil olunan “Dialoq Avrasiya“ platformunun “Avrasiya məkanında fəlsəfi fikrin inkişaf perspektivləri” adlı VIII konfransında iştirak və çıxış etmişdir.

2008-ci il 21-22 noyabr tarixlərində İstanbulda Türkdilli dövlətlərin Parlament Assambleyasında “Ortaq türk fəlsəfi irsinin araşdırılması” mövzusunda çıxış etmişdir.

2010-cu ildə MDB Parlamentlərarası Assambleyasının Elm və Təhsil Komissiyasının sədr müavini kimi Türkiyənin İstanbul şəhərində Mərmərə Qrupu Strateji və Sosial Araşdırmalar Mərkəzinin təşkil etdiyi “Avrasiya İqtisadi Zirvəsi-2010” XIII zirvə forumunda məruzə etmişdir.

2016-cı ildə Bakı Dövlət Universiteti, Sosial elmlər və psixologiya fakültəsinin 25 illik yubileyinə həsr olunmuş “Çağdaş Dövr və sosial elmlərin aktual problemləri” mövzusunda ümumrespublika elmi-praktik konfransında iştirak və çıxış etmişdir.

2017-ci il 19-25 aprel tarixlərində Bakıda təşkil olunan “İslam həmrəyliyi 2017: Reallıqlar və perspektivlər” konfransında “İslam mədəniyyətində ümumbəşəri həmrəylik prinsipi” mövzusunda çıxış etmişdir.

2018-ci il 19-23 mart tarixlərində Erasmus proqramı ilə Türkiyənin Sivas Cumhuriyyet Universitetində 5 günlük mühazirə oxumuşdur.

2018-ci il 2-5 may tarixlərində Türkiyənin Akdeniz Universiteti ilə EJER-in birlikdə təşkil etdiyi “V Beynəlxalq Avrasiya Təhsil Araşdırma Konqresi” iştirak və çıxış etmişdir.

2018-ci il 5-7 may tarixlərində Türkiyədə ASEAD-ın təşkil etdiyi “III Beynəlxalq Sosial Elmlər Sempozyumu”nda iştirak və çıxış etmişdir.

2018-ci il 5-8 iyul tarixlərində Polşada “III Müasir Beynəlxalq təhsil-tədqiqat Kongresində” iştirak və çıxış etmişdir.

2018-ci il 13-20 avqust tarixlərində Çində “XXIV Dünya Fəlsəfə Konqresində” iştirak və çıxış etmişdir.

2018-ci ilin 1-5 oktyabr tarixlərində XVIII Türk Tarih Kongresində "Türk uygarlığının kendine özgünlüğü" mövzusunda çıxış etmişdir.

2019-cu il 14-17 fevral və 07-10 mart tarixlərində Türkiyənin Amasya şəhərində “Uluslararası ekonomi, toplum ve kültür sempozyumu”nda, 14-17 mart tarixlərində isə “Türk dünyası basın sempozyumu”nda iştirak və çıxış etmişdir.

2019-ci il 17-21 aprel tarixlərində Türkiyənin Alanya şəhərində təşkil olunan “İNES, İnternational Human and Civilization Congress from Past to Future”-də iştirak etmişdir.

2019-cu il 27-29 iyun tarixlərində “V Uluslararası Eğitim ve Sosyal Bilimler Kongresi”ndə “Globallaşma dövründə fəlsəfənin tədrisinin təhsil sistemində və cəmiyyətin inkişafında yeri və rolu” adlı mövzusu ilə çıxış etmişdir.

2019-cu il 25-27 iyul tarixlərində Almaniyanın Frankfurt şəhərində təşkil olunan “V İnternational Contemporary Educational Researh Congress”-də “Eğitimde Kuram ve Uygulama” adlı mövzusu ilə çıxış etmişdir.

2019-cu il 29 oktyabr-02 noyabr tarixlərində Türkiyədə “İnternational Congress of science culture and education”-da “Küresel gerçeklik ve insan hakları konusu felsefe açısından” mövzusu ilə çıxış etmişdir. [11]

İstinadlar[redaktə | mənbəni redaktə et]

  1. Rəbiyyət Aslanova: "Avropa Parlamentinin prezidentinin Azərbaycana qarşı bəyanatı beynəlxalq hüquq normasının pozulmasıdır"
  2. VƏZİFƏLİ KAFEDRA MÜDİRLƏRİ Arxivləşdirilib 2016-08-26 at the Wayback Machine  (az.)
  3. "Rəbiyyət Aslanova Balakəndə təhsil və idman sahəsində yüksək nəticə göstərən gəncləri mükafatlandırıb". 2016-03-04 tarixində orijinalından arxivləşdirilib. İstifadə tarixi: 2015-03-30.
  4. ""Metafizika" jurnalının redaksiya heyətinin üzvləri". 2022-03-12 tarixində orijinalından arxivləşdirilib. İstifadə tarixi: 2022-01-01.
  5. Milli Məclisin İnsan hüquqları komitəsinin sədri Rəbiyyət Aslanova
  6. XXI əsr: Yeni mədəniyyət məkanına inteqrasiya. felsefedunyasi.org, 01.02.2010 Şablon:İn lang
  7. Professor Rəbiyyət Aslanovanın Türkiyədə kitabı çap olundu. qafqazinfo.az, 13.10.2021 Şablon:İn lang
  8. "Rəbiyyət Aslanovanın Prezidentə müraciəti". 2017-01-31 tarixində arxivləşdirilib. İstifadə tarixi: 2015-03-30.
  9. ""Bakı Dövlət Universitetinin 100 illiyi (1919–2019)" yubiley medalı ilə təltif olunanlar" (PDF). 2019-11-27 tarixində arxivləşdirilib (PDF). İstifadə tarixi: 2021-10-02.
  10. "Uluslararası Altın Yıldız madalyası". İstifadə tarixi: 2 oktyabr 2021.
  11. ["Sosial elmlər və psixologiya". 2 oktyabr 2021.]

Mənbə[redaktə | mənbəni redaktə et]

Xarici keçidlər[redaktə | mənbəni redaktə et]

Vikianbarda Rəbiyyət Aslanova ilə əlaqəli mediafayllar var.

Vikikitabda Rəbiyyət Aslanova ilə əlaqəli kitablar var.