Mübariz Qurbanlı

Vikipediya, azad ensiklopediya
Jump to navigation Jump to search
Mübariz Qurbanlı
Mübariz Qəhrəman oğlu Qurbanlı
Mübariz Qurbanlı.jpg
bayraqAzərbaycan Respublikasının Dini Qurumlarla İş üzrə Dövlət Komitəsinin 4-cü sədribayraq
21 iyul 2014 — dən
Sələfi Elşad İskəndərov
bayraqAzərbaycan Respublikası Milli Məclisinin deputatıbayraq
1995 — 2014
Şəxsi məlumatlar
Doğum tarixi 7 yanvar 1954 (1954-01-07) (65 yaş)
Doğum yeri SSRİ SSRİ
Azərbaycan Azərbaycan SSR
Şəmkir rayonu, Koltəhnəli

Mükafatları "Şöhrət" ordeni (Azərbaycan)
Commons-logo.svg Vikianbarda əlaqəli mediafayllar

Qurbanlı Mübariz Qəhrəman oğlu (7 yanvar 1954(1954-01-07), Mahmudlu, Şəmkir) — Azərbaycan Respublikası Milli Məclisinin I, II, III, IV çağırış deputatı; Azərbaycan Respublikasının Dini Qurumlarla İş üzrə Dövlət Komitəsinin sədri (21 iyul 2014-cü ildən[1]).

Həyatı[redaktə | əsas redaktə]

Mübariz Qurbanlı 7 yanvar 1954-cü ildə Şəmkir rayonunun Koltəhnəli kəndində anadan olub.

Azərbaycan Dövlət Universitetinin Tarix fakültəsini fərqlənmə diplomu ilə bitirib. 1978-1982-ci illərdə Şəmkir rayon Koltəhnəli kənd orta məktəbində müəllim işləyib. 1982-1985-ci illərdə Bakı Dövlət Universitetinin aspiranturasında əyani təhsil alıb. Aspiranturada təhsilini başa vurduqdan sonra Azərbaycan Dövlət Mədəniyyət və İncəsənət Universitetində müəllim, baş müəllim, dosent, kafedra müdiri, prorektor vəzifələrində çalışıb.

1995-2010-cu illərdə birinci, ikinci, üçüncü və dördüncü çağırış Azərbaycan Respublikasının Milli Məclisinə deputat seçilib. Milli Məclisin Hüquq siyasəti və dövlət quruculuğu komitəsinin üzvü, Hesablayıcı Komissiyanın sədri olub.

1996-2014-cü illərdə Qara Dəniz İqtisadi Əməkdaşlıq Təşkilatının Parlament Məclisində Azərbaycan nümayəndə heyətinin üzvü və komitə sədrinin müavini kimi fəaliyyət göstərib.

Yeni Azərbaycan Partiyası Siyasi Şurasının və İdarə Heyətinin üzvü, partiyanın icra katibinin müavinidir.

Respublikanın ictimai-siyasi həyatında fəal iştirakına görə Azərbaycan Respublikası Prezidentinin 06 yanvar 2014-cü il tarixli Sərəncamı ilə “Şöhrət” ordeni ilə təltif edilib. Azərbaycan Respublikası Prezidentinin 21 iyul 2014-cü il tarixli Sərəncamı ilə Azərbaycan Respublikasının Dini Qurumlarla İş üzrə Dövlət Komitəsinin sədri təyin edilib[1].

Mübariz Qurbanlı tarix üzrə fəlsəfə doktorudur.

27 dekabr 2018-ci ildən Azərbaycan İlahiyyat İnstitutunun Himayəçilər Şurasının sədridir[2].

Çoxsaylı elmi, elmi-publisistik, nəzəri, politoloji məqalələrin və bir neçə kitabın müəllifidir.

Ailəlidir, iki övladı var.

Mükafatları[redaktə | əsas redaktə]

İstinadlar[redaktə | əsas redaktə]

Mənbə[redaktə | əsas redaktə]

Xarici keçidlər[redaktə | əsas redaktə]

Vikianbarda Mübariz Qurbanlı ilə əlaqəli mediafayllar var.