Fərhad Qəribov

Fərhad Qəribov
Fərhad Qəribov
Şəxsi məlumatlar
Doğum tarixi	20 iyun 1952
Doğum yeri	Muradxan, Kürdəmir rayonu, Azərbaycan SSR, SSRİ;
Vəfat tarixi	25 dekabr 2024 (72 yaşında)
Vəfat yeri	Bakı, Azərbaycan;
Partiya	Yeni Azərbaycan Partiyası;
Təhsili	Azərbaycan Texniki Universiteti;
Fəaliyyəti	siyasətçi

Fərhad Qəribov (20 iyun 1952, Muradxan, Kürdəmir rayonu – 25 dekabr 2024, Bakı) — Azərbaycan Respublikası Milli Məclisinin III çağırış^[1] və IV çağırış deputatı.

Həyatı

Fərhad Həsən oğlu Qəribov 1952-ci il iyunun 20-də Kürdəmir rayonunun Muradxan kəndində anadan olmuşdur. Azərbaycan Politexnik İnstitutunun hidromeliorasiya fakültəsini bitirmişdir. 1 kitabın müəllifidir.

1974-cü ildən Azərbaycan Meliorasiya və Su Təsərrüfatı Nazirliyi Şirvan qışlaqlarının su ilə təminatı sisteminin istismarı idarəsində mühəndis işləyib.

1977-ci ildən "Muğanmeliorasiyasutikinti" Trestinin tikinti-quraşdırma idarəsində usta, iş icraçısı, böyük iş icraçısı, rəis müavini, rəis, 1985-ci ildən "Kəndtikinti" Trestinin tikinti-quraşdırma sahəsində iş icraçısı, baş mühəndis vəzifələrində çalışmışdır.

1986-cı ildən "Azərneft" Birliyinin "Azərneftlayihətikinti" Birliyində tikinti-quraşdırma idarəsinin rəisi, mənzil-kommunal kontorunun rəis müavini, 1989-cu ildən Azərbaycan Meliorasiya və Su Təsərrüfatı Nazirliyində mexanikləşdirilmiş səyyar dəstənin baş mühəndisi, rəisi, 1991-ci ildən tikinti-quraşdırma idarəsinin rəisi vəzifələrində işləmişdir.

2002–2004-cü illərdə "Debüt" Səhmdar Kommersiya Bankının məsləhətçi müşaviri işləmişdir. 2004–2005-ci illərdə "Azəri-Holdinq" maliyyə-sənaye qrupuna rəhbərlik etmişdir.

2024-cü il 25 dekabrda Bakı şəhərində vəfat etmişdi.^[2]

Ailəsi

Evlidir. Zöhrab, Elnur, Rəşad, Anar, Elmin adlarında 5 oğlu Aytən Qəribova adında 1 qızı, 16 nəvəsi və 2 nəticəsi var.

İctimai-siyasi fəaliyyəti

1995-ci ildən "Azərneftlayihətikinti" Birliyinin rəisi, "Neftlayihətikinti" Açıq Səhmdar Cəmiyyəti İdarə Heyətinin sədri olmuşdur.

Yeni Azərbaycan Partiyasının üzvüdür.

İstinadlar

↑ Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az Arxivləşdirilib 2017-08-09 at the Wayback Machine (az.)
↑ "Fərhad Qəribov vəfat etdi". 2024-12-25 tarixində arxivləşdirilib. İstifadə tarixi: 2024-12-25.

[IIIç-1] Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az Arxivləşdirilib 2017-08-09 at the Wayback Machine (az.)

[2] "Fərhad Qəribov vəfat etdi". 2024-12-25 tarixində arxivləşdirilib. İstifadə tarixi: 2024-12-25.

[1]

[2]