İrakli Baqration-Muxraneli

Vikipediya, azad ensiklopediya
Jump to navigation Jump to search
İrakli Baqration-Muxraneli
gürc. ირაკლი ბაგრატიონ-მუხრანელი
Irakly.jpg
Doğum tarixi 21 mart 1909(1909-03-21) və ya 3 aprel 1909(1909-04-03)[1]
Doğum yeri
Vəfat tarixi 30 oktyabr 1977(1977-10-30) (68 yaşında)
Vəfat yeri
Dəfn yeri
Vətəndaşlığı
Fəaliyyəti siyasətçi
Vikianbarın loqosu Vikianbarda əlaqəli mediafayllar

İrakli Baqration-Muxraneli (gürc. ირაკლი ბაგრატიონ-მუხრანელი; 21 mart 1909 və ya 3 aprel 1909[1], Tiflis30 oktyabr 1977, Madrid) — keçmişdə Gürcüstanın hakim sülalələrindən biri olan Baqrationilər sülaləsinin davamçısı.[2] O, Baqrationilərin Muxraneli qoluna mənsub idi.

Həyatı[redaktə | mənbəni redaktə et]

İrakli 21 mart 1909-cu ildə hazırda Gürcüstanın paytaxtı, 19-cu əsrdə isə Rusiya imperiyasının tərkibində olan Tiflis şəhərində anadan olmuşdur. Onun atası Muxraneli knyazı Georq Baqrationi (1884–1957), anası isə Yelena Siqismundovna adlı qadın olmuşdur. 1921-ci ildə Qırmızı Ordunun Gürcüstanı işğal etməsindən sonra onun ailəsi Gürcüstanı tərk etmək məcburiyyətində qaldı. İrakli ilk təhsilini Almaniyada almışdır. Daha sonra o, İtaliyada yaşamağa başlamışdır. İtaliyada yaşadığı dövrdə Mariya Belayeva ilə evlənmiş, lakin sonradan boşanmışdır. İkinci evliliyi 1940-cı ildə, Roma şəhərində Mariya Antonietta ilə baş tutmuşdur. 1944-cü ildə Mariya Antoniettanın ölümündən sonra İrakli kiçik yaşda olan oğlu Georgi ilə birlikdə İspaniyada yaşamağa başladı. Həmçinin İspaniyada yaşadığı dövrdə ölkənin vətəndaşlığını da qəbul etdi. Onun üçüncü evliliyi 1946-cı ildə, San Sebastyan qalasında Dona Mariya de las Mersedes Raymunda adlı qadın ilə baş tutmuşdur. Bu qadın İspaniya kralı XIII Alfonsunun qardaşı qızı idi. Dona Mariya de las Mersedes Raymunda 1953-cü ildə vəfat etdi. İraklinin 3-cü evliliyindən Məryəm[3] və Baqrat[4] adlı uşaqları olmuşdur. Onun 4-cü evliliyi isə 1961-ci ildə Dona Maria del Pilar Paskual i Roiq adlı qadınla baş tutmuşdur.

İrakli Baqration-Muxraneli Gürcüstanın siyasi həyatında da mühüm yer tutmuşdur. 1939-cu ildə Gürcüstan Qartalı ordeni onun tərəfindən bərpa edildi.[5] Həmçinin Gürcüstanın SSRİ-dən ayrılaraq müstəqil olmasını və konsitutsiyon-monarxiya idarəetmə formasını dəstəkləyən Gürcü Ənənəçilər Birliyinin qurulmasına onun tərəfindən dəstək verilmişdir. Həmin cəmiyyətin mərkəzi Almaniyada yerləşirdi. 1957-ci ildə atasının vəfatından sonra onun yerinə keçdi və əlahəzrət titulunu qəbul etdi.

İrakli Baqration-Muxraneli 1977-ci ildə vəfat etdi və Madriddə dəfn edildi. 1994-cü ildə cənazəsinin qalıqları Gürcüstandakı Svetitsxoveli kafedralının qəbirstanlığına aparıldı və orada yenidən dəfn edildi.

İstinadlar[redaktə | mənbəni redaktə et]

  1. 1 2 Lundy D. R. Irakli Georgeievich Bagration-Moukhransky, Prince Bagaration-Moukhransky // The Peerage (ing.).
  2. შარაძე გ., ენციკლოპედია "საქართველო", ტ. 1, გვ. 319, თბ., 1997 წელი.
  3. Профиль Maria de la Paz, princesa Bagration-Mukhransky, на Geneall.net
  4. Профиль Bagrat, príncipe Bagration-Mukhransky. на Geneall.net
  5. History of the Order of the Eagle of Georgia and of the Tunic of Our Lord Jesus Christ Arxivləşdirilib 2007-09-28 at the Wayback Machine (PDF). The official website of the Royal House of Georgia.  (isp.)

Ədəbiyyat[redaktə | mənbəni redaktə et]

  • Мамулиа Г. Грузинский легион в борьбе за свободу и независимость Грузии в годы Второй мировой войны. — 2-е изд. — Тбилиси, 2007.

Xarici keçidlər[redaktə | mənbəni redaktə et]