İsgəndər Səklikov

Vikipediya, azad ensiklopediya
Jump to navigation Jump to search
Səklikov İsgəndər Fərhad oğlu
İsgəndər Səklikov.jpg
Doğum tarixi 7 sentyabr 1955 (1955-09-07) (64 yaş)
Doğum yeri Səfikürd, Goranboy, Azərbaycan
Təhsili Gəncə Dövlət Universiteti
Fəaliyyəti Pedaqoq

Səklikov İsgəndər Fərhad oğlu (İsgəndər Fərhadoğlu)Azərbaycan Respublikasının əməkdar müəllimi (2006), "Ən yaxşı müəllim" müsabiqəsinin qalibi (2011)[1]

Həyatı[redaktə | əsas redaktə]

İsgəndər Səklikov 7 sentyabr 1955-ci ildə Goranboy rayonunun (keçmiş Qasım İsmayılov) Səfikürd kəndində anadan olub. 1961-1971-ci illərdə Goranboy rayonu Səfikürd kənd orta məktəbində oxumuşdur. 1971–1973-cü illərdə Naftalan 53 saylı tikinti idarəsində fəhlə işləmişdir.

1973-1978-ci illərdə Gəncə Dövlət Universitetində ali təhsil almışdır. 1978–1981-ci illərdə Göyçay rayonu Çaxırlı kənd orta məktəbində müəllim, 1981–1982-ci illərdə Goranboy rayon şahmat uşaq-gənclər idman məktəbində məşqçi-müəllim, 1982–1986-ci illərdə Goranboy Rayon Təhsil Şöbəsində metodist, 1986–1990-cı illərdə isə Səfikürd kənd tam orta məktəbində müəllim işləmişdir.

1990–2010-ci illərdə Goranboy rayonu Səfikürd kənd tam orta məktəbində tədris və təşkilati işlər üzrə direktor müavini, 2010-cu ildən isə Goranboy rayonu Səfikürd kənd tam orta məktəbində kimya-biologiya müəllimi işləyir.

2002-ci ildən Yeni Azərbaycan Partiyasının üzvüdür.

1978-ci ildən respublika mətbuatında təhsilə və ədəbiyyata aid xeyli elmi, publisistik və bədii yazıları, şeir və təmsilləri ilə çıxış etməkdədir. Məqalələri “Xalq qəzeti”, “Respublika”, “Azərbaycan müəllimi”, “Azərbaycan gəncləri”, “Təhsil problemləri”, “525-ci qəzet”, “Ədalət”, “Ekspress”, ”Şəfəq” (Quba), “Mübariz” və başqa qəzetlərdə, “Kimya məktəbdə” jurnalında çap olunmuşdur.

Goranboy rayonunda çıxan “Mübariz” qəzetində “Xalq pedaqogikasından bir damla” rubrikasının aparıcısıdır.

“Azərbaycan Respublikasında ümumi təhsilin Konsepsiyası (“Milli Kurikulum”) çərçivəsində Kimya fənn kurikulumu layihəsinə rəy və təklifləri “Kurikulum” mərkəzi tərəfindən qəbul edilmiş və “Kimya məktəbdə” jurnalında dərc olunmuşdur.

2013-cü ildə Məşhəd, 2017-ci ildə isə Həcc ziyarətində olmuşdur.

Ailəsi[redaktə | əsas redaktə]

Ailəlidir; 2 oğlu, 3 nəvəsi vardır.

Təltifləri[redaktə | əsas redaktə]

  • Şahmat üzrə SSRİ idman ustalığına namizəd (1978)
  • Metodist müəllim (1988).
  • Azərbaycan Respublikası Təhsil Nazirliyinin ikinci dərəcəli diplomu (2001).
  • Azərbaycan müəllimlərinin XII qurultayının nümayəndəsi (2003).
  • Azərbaycan Respublikasının Əməkdar müəllimi (2006).
  • “İlin ən yaxşı müəllimi” müsabiqəsinin qalibi (2011).
  • 2 müəlliflik şəhadətnaməsi vardır.
  • Goranboy Rayon İcra Hakimiyyətinin “Fəxri fərmanı” (2016)
  • "Əli Nəzmi" ədəbi birliyinin diplomu (2019)

Kitabları[redaktə | əsas redaktə]

  • "Arı kəşfi". Təmsillər. Bakı, 1993.
  • "Şagird üçün qısa izahlı kimya lüğəti" (Almaz Zeynalova ilə birlikdə), Bakı, 2004.
  • "Xalq təbabətindən bir damla", Bakı, 2004, 2006.
  • "İnsan zaman heykəlidir". Bakı, 2010.
  • "Xalq pedaqogikasından bir damla". Bakı, 2010.
  • "Şagird üçün qısa izahlı biologiya lüğəti". (Almaz Zeynalova və Azər Səklikovla birlikdə). Bakı 2013
  • "Heyvanlar aləmi və onların insan həyatında rolu".
  • "Babamın söz mücrüsündən". Bakı 2019

Keçdiyi kurslar[redaktə | əsas redaktə]

Bakı Pedaqoji Kadrların İxtisasartırma və Yenidənhazırlanma İnstitunda ixtisası üzrə tam ixtisaartırma kursu (1984, 1992 ci illər) Gəncə zona müəllimləri təkmilləşdirmə institutunda ixtisası üzrə tam ixtisaartırma kursu (1986, 2001, 2007)

Keçdiyi təlimlər[redaktə | əsas redaktə]

  • 1. İnteraktiv təlim metodları üzrə təlim. Azad Müəllimlər Birliyi Müəllim Resurs Mərkəzi, 2004.
  • 2. Müəllimlərin Peşəkarlıq Səviyyəsinin Təkmilləşdirilməsi, təlimçilər kursu. “Mədəd” Azərbaycan. 2010.
  • 3.”Demokratik İnkişaf Platforması”. Təbii maraqlı dərs layihəsi üzrə. Polşanın “Kopernik” mərkəzi, 2011, 2012.
  • 4. Fənn kurikulumları və fəal təlim metodları üzrə təlim Azad Müəllimlər Birliyi, Müəllim Resurs Mərkəzi, 2011.

Haqqında yazılanlar[redaktə | əsas redaktə]

Haqqında “Goranboy təhsili bu gün” jurnalında, “Goranboy bu gün” kitabında (2007) , “Azərbaycan müəllimi”, “Təhsil problemləri”, “Respublika”, “Mübariz” və başqa qəzetlərdə, həmçinin Azərbaycan Müəllimlər İnstitutunun xüsusi buraxılışında şəkilli, geniş məqalələr dərc olunmuşdur.

2000-ci ildə çap edilmiş “Goranboy” ensiklopediyasında şəkli və haqqında məqalə yer almışdır.

İstinadlar[redaktə | əsas redaktə]

  1. "Azərbaycan Prezidentinin Rəsmi internet səhifəsi - SƏNƏDLƏR » Sərəncamlar 2010/2011-ci tədris ilində keçirilmiş "Ən yaxşı müəllim" müsabiqəsinin qaliblərinin mükafatlandırılması haqqında Azərbaycan Respublikası Prezidentinin Sərəncamı". president.az. İstifadə tarixi: 11 avqust 2018.