İttifaqlar evi

İttifaqlar evi rus. Дом Союзов
Ölkə	Rusiya
Şəhər	Moskva
Yerləşməsi	Mərkəzi inzibati dairə, Tver rayonu, Böyük Dmitrovka küçəsi, ev 1.
Koordinatları	55/45/31.8/N/37/36/59/E
Memarlıq quruluşu	klassisizm
Sayt	Rəsmi sayt

İttifaqlar evi (rus. Дом Союзов) — Moskvada rus klassisizmi üslubunda tikilmiş (1775-ci ilədək, memar M. F. Kazakov) ictimai bina.

Tarixi

Bina 1784–1790-cı illərdə genişləndirilmiş, Korinf sırasütunlu məşhur Sütunlu salonu (sahəsi 24,8 m., x 39,5 m., hündürlüyü 14,5 m.) tikilmişdir. Salon qızıl suyuna çəkilmiş büllur çilçıraqlar və pəncərə formalı güzgülərlə bəzədilmişdir. Əvvəllər dvoryan yığıncaqları üçün istifadə edilimişdir. Oktyabr inqilabından sonra bina həmkarlar ittifaqlarına verilmişdir. Burada Kominternin, Kommunist Gənclər İnternasionalının konqresləri, ümumittifaq müşavirələri keçirilmiş, konsertlər, yığıncaqlar, ədəbi-bədii tədbirlər təşkil edilmişdir. İttifaqlar evinin Sütunlu salonunda Sovetlərin, həmkarlar ittifaqlarının qurultayları, Moskva şəhər və vilayət partiya təşkilatlarının konfransları, yazıçı və bəstəkarlar ittifaqlarının qurultayları və s. keçirilmişdir. 1918–1922-ci illərdə V. İ. Lenin burada 40 dəfədən artıq çıxış etmişdir. 1924-cü il yanvarın 23–27-də V. İ. Leninlə İttifaqlar Evinin Sütunlu salonunda vidalaşma mərasimi təşkil olunmuşdur. Sovet İttifaqının və beynəlxalq kommunist hərəkatının vəfat etmiş görkəmli xadimləri ilə son vida mərasimi çox vaxt Sütunlu salonda keçirilmişdir. 1978-ci ildə İttifaqlar evində bərpa işləri görülmüşdür.

Mənbə

• Иттифаглар еви // Азәрбајҹан Совет Енсиклопедијасы: [10 ҹилддә]. V ҹилд: Италија—Куба. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1981. С. 21.