İzoxinolin alkaloidləri

Salsolin C₁₁H₁₅O₂N, 1933-cu ildə A.P.Orexov və İ.F.Proskurin tərəfindən Salsola Richteri bitkisindən alınmışdı. 1934-cü ildə isə Orexov və Şpet onu sintetik üsullarla almağa müvəffəq olmuşlar.

Rasemik salsolin 218-221^o-də əriyən bərk maddədir, periferik qan damarlarını genişləndirir və qan təzyiqini aşağı salır. Təbabətdə hipertoniya xəstəliyinə qarşı işlədilir.

Papaverin C₂₀H₂₁O₄N, tiryəkdə 1%-ə qədər olur; 147^o-də əriyən, suda çox pis həll olan kristal maddədir. Papaverin təbabətdə HCl duzu şəklində antispazmatik maddə kimi işlədilir.

Narkotin C₂₂H₂₃O₇N, tiryəkdə 5%-ə qədər olur, 176^o-də əriyir, suda həll olmur, zəif zəhərdir, təbabətdə işlədilmir. Narkotini nitrat turşusu ilə oksidləşdirib, HCl ilə emal etməklə ondan kotarnin-xlorid alırlar. Kotarnini təbabətdə qanaxmanın qarşısını almaq üçün işlədirlər.

Mənbə

• M.Mövsümzadə "Üzvi kimya", 1966.