Şövkət Səlimova

Şövkət Səlimova
Doğum tarixi	25 dekabr 1920(1920-12-25)
Doğum yeri	Lahıc, İsmayıllı rayonu, Azərbaycan SSR
Vəfat tarixi	2 iyul 1999(1999-07-02) (78 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Mükafatları

Şövkət Şahbaz qızı Səlimova — iqtisad elmləri namizədi (1964); Qadın gəmi kapitanı; İkinci dünya müharibəsi dövründə dünyada iki qadın gəmi kapitanından biri olmuşdur.

Həyatı

Səlimova Şövkət Şahbaz qızı 25 dekabr 1920-ci ildə İsmayıllı rayonunun Basqal kəndində anadan olmuşdur.

1940-cı ildə Bakı Dənizçilik məktəbini bitirmişdir.

1999-cu ildə Bakı şəhərində vəfat etmişdir.

Ailəsi

Neftçi ailəsində böyümüş və 10 uşaqdan ən böyüyü olmuşdur.

Müharibə illəri

İkinci dünya müharibəsi illərində Xəzər gəmiçiliyi idarəsində gəmi kapitanı müavini və gəmi kapitanı işləmişdir. Müharibə illərində Aralıq, Mərmərə, Egey və Qara dəniz limanlarına qədər gedib çıxmışdı. Gəmi ilə neft, silah daşınmasında böyük əməyi olmuşdur.

Elmi-pedaqoji fəaliyəti

1954-1974-cü illərdə Azərbaycan Dövlət Neft və Kimya İnstitutunda siyasi iqtisad kafedrasının dosenti, tərbiyə üzrə prorektor və kafedra müdiri, 1974-1989-cu illərdə Azərbaycan Dövlət Konservatoriyasında ictimai elmlər kafedrasının müdiri vəzifəsində işləmişdir.

1964-cü ildə iqtisad elmləri namizədi alimlik dərəcəsini almışdır.

Mükafatları

• "Azərbaycan SSR əməkdar iqtisadçısı" fəxri adı — 1971
• "Qırmızı Ulduz" ordeni
• II dərəcəli "Vətən Müharibəsi" ordeni
• "Qafqazın müdafiəsi uğrunda" medalı
• "1941-1945-ci illər Böyük Vətən müharibəsində Almaniya üzərində qələbəyə görə" medalı

Xarici keçidlər

• Azərbaycan tarixində iz qoyan qadınlar - SİYAHI