Şahin Həsənov

Vikipediya, açıq ensiklopediya
Jump to navigation Jump to search
ŞAHİN HƏSƏNOV
Şahin Hümmət oğlu Həsənov
Shahin Hesenov islenmis.jpg
Doğum tarixi 30 sentyabr 1962 (1962-09-30) (56 yaş)
Doğum yeri Laçın, Kəlbəcər rayonu, Azərbaycan SSR
Vətəndaşlıq Flag of Azerbaijan.svg Azərbaycan
İş yeri Azərbaycan Texniki Universiteti
Elmi dərəcəsi Texniki elmləri doktoru
Elmi adı Professor
Təhsili Azərbaycan İnşaat Mühəndisləri İnstitutu
Mükafatları Fəxri yol işçisi

Şahin Hümmət oğlu Həsənov — Texniki elmləri doktoru, professor.

Həyatı[redaktə | əsas redaktə]

Şahin Hümmət oğlu Həsənov 30 sentyabr 1962-ci ildə Azərbaycan Respublikasının Kəlbəcər rayonunun Laçın kəndində anadan olmuşdur.1969-cu ildə Laçın kənd ibtidai məktəbinin birinci sinfinə qəbul  edilmişdir.1979-cu ildə Zülfüqarlı kənd orta  məktəbinin onuncu sinfini bitirmişdir.Həmin ildə  Azərbaycan İnşaat Mühəndisləri  İnstitutunun “ Avtomobil yolları üzrə mühəndis-inşaatçı” fakültəsinə qəbul olmuşdur və müvəffəqiyyətlə bitirmişdir. YAP-nın üzvüdür.

Fəaliyyətləri[redaktə | əsas redaktə]

1984-1985 –ci illərdə Azərbaycan Respublikası Meşə Təsərrüfatı Nazirliyi sistemində məsul vəzifədə işləmişdir.

1985-1993-cü illərdə Avtomobil Yollarının Tikintisi və İstismarı Nazirliyində texniki idarənin  eksperti, Yol hərəkətinin təşkili və təhlükəsizlik texnikası şöbəsinin böyük mühəndisi, Nəzarət-Təftiş İdarəsində  mühasib-təftişçisi, aparıcı mütəxəsis, rəis müavini, rəis və digər rəhbər vəzifələrdə işləmişdir.   

1993-2003-cü illərdə ”Azəravtoyol” Dövlət Şirkətinin birinci vitse-prezidenti vəzifəsində çalışmışdır.

Avtomobil Yollarının Tikintisi və İstismarı Nazirliyində və “Azəravtoyol” Dövlət Şirkətində işlədiyi illərdə Texniki Şuranın, Tender Komissiyasının, Avtomobil yollarının və körpülərin mühafizəsi və istismarı zamanı fövqəladə hallar üzrə komissiyanın sədri, uzun müddət (12 il ərzində) Kollegiya üzvü,Azərbaycan Respublikası Nazirlər Kabinetinin üzvü kimi, Baş nazirin yanında yol hərəkətinin təhlükəsizliyi üzrə komissiyasının üzvü olmuşdur.

1994-1996-cı illərdə Azərbaycan İnşaat Mühəndisləri İnistitutunda Dövlət İmtahan Komissiyasının sədri olmuşdur.

1996-cı ildə “Avtomobil yollarında çatların inkisafının kostruktiv dayandırılması mexanikası məsələləri” mövzusunda namizədlik disertasiyasını müdafiə etmişdir. Rusiya,Finlandiya,AlmaniyaYaponiyada Ali inşaat tədris kursları keçirmişdir.

2010-cu ildə “Yol örtüyünün gərgin deformasiya vəziyyətinin və dağılmasının modernləşməsi” mövzusunda doktorluq dissertasiyasını müdafiə etmişdir.Ali Attestasiya komissiyasının Rəyasət Heyətinin 04.02.2011-ci il tarixli qərarı ilə təsdiqi alınmışdır.Texniki elmlər doktorudur.

AzVirt” Almaniya Azərbaycan şirkətində Beynəlxalq layihələr üzrə məsləhətçi və Birləşmiş Millətlər Təşkilatının (BMT) İnsan Haqqları İnstitutunun Azərbaycan üzrə koordinatorudur.

TACİS VƏ TRASECA proqramlarının Azərbaycanda ilk koordinatoru olmuşdur.

Hal-hazırda Azərbaycan Texniki Universitetində “Avtomobil daşımaları və yol hərəkətinin təhlükəsizliyi” kafedrasında professor vəzifəsində işləyir.

Kitabları[redaktə | əsas redaktə]

  • 9 səmərələşdirici təklifin, 111 elmi əsərin (bunlardan 92-si elmi məqalə, 19-si kitab, dərslik, fənn proqramı və dərs vəsaitləridir) və bir neçə fənn proqramının müəllifidir.
  • 55 elmi məqaləsi bir sıra xarici ölkələrin (52 yerli nəşr) Ali Attestasiya Komissiyalarında qeydiyyatdan keçmiş nüfuzlu jurnallarında (İnfofacts) dərc edilmişdir ( Qeyd: 04 yanvar 2019-cu ilə olan məlumat ).

Mükafatları[redaktə | əsas redaktə]

  • 16.06.2011-ci il tarixində Azərbaycan Respublikasının Fəxri Yol İşçisi adına layiq görülmüşdür.
  • 28 noyabr 2012-ci ildə avtomobil yollarının tikintisi və istismarı sahəsində çoxillik səmərəli fəaliyyətinə görə Müstəqil Dövlətlər Birliyinin Hökumətlərarası yol işçiləri Şurasının fəxri Şəadətnaməsi ilə təltif edilmişdir.
  • “Xudafərin” Ali Yol Mükafatı ilə təltif olunub.
  • Azərbaycanın Fəxri Yol inşaatçısıdır.
  • 2018-ci ildə "Azərbaycan avtomobil yolları – 100 il (1918-2018)” Azərbaycan Respublikasının yubiley medalı ilə təltif olunub.

Mənbə[redaktə | əsas redaktə]