Şahin Zəkizadə

Vikipediya, açıq ensiklopediya
Keçid et: naviqasiya, axtar
Şahin Zəkizadə
Şahin Həsən oğlu Zəkizadə
Şahin Zəkizadə.jpg
Doğum tarixi: 5 mart 1978(1978-03-05)
Doğum yeri: Bakı, Flag of the Azerbaijan Soviet Socialist Republic.svg Azərbaycan SSR, Flag of the Soviet Union.svg SSRİ
Vəfat tarixi: 16 fevral 2017 (38 yaşında)
Vəfat yeri: Bakı, Flag of Azerbaijan.svg Azərbaycan
Vəfat səbəbi: xərçəng xəstəliyi
Həyat yoldaşı: Səbinə Allahverdiyeva
Uşaqları: Fatimə
Seyyid Əli
Peşəsi: rejissor

Şahin Həsən oğlu Zəkizadə — Azərbaycanlı rejissor.

Həyatı[redaktə | əsas redaktə]

Şahin Zəkizadə 5 mart 1978-ci ildə Bakı şəhərində ziyalı ailəsində dünyaya gəlib. Atası Həsən Zəkizadə görkəmli aktyor və rejissor Əlisəttar Məlikovun nəvəsi idi. Həsən Zəkizadə uzun müddət müəllim və məktəb direktoru kimi çalışmışdır. Şahin məktəbi bitirəndən sonra Mədəniyyət və İncəsənət Universitetində təhsil almışdır. Müəllimi Tariyel Vəliyev olmuşdur. Daha sonra təhsilini Moskvada kino üzrə davam etdirmişdir.[1] Rejissor fəaliyyətinə reklam və klip sahəsində başlamışdır. Azərbaycanın ən məşhur ifaçıları üçün kliplər çəkmişdir. Ən məşhurları Röya və Samir Cavadzadənin «Deyin ona», Elariz Məmmədoğlunun “Doroqa”, Faiq Ağayevin «Sən elə bilirdin», tamamilə animasiyadan ibarət «Biləydin kaş», Tünzalə Ağayevanın “Gülbahar” mahnısı, Sevda Ələkbərzadənin “Salam Allahım” klipləri idi. [2] Bundan başqa, rejissor Lider TV və Yurd TV televiziyalarında çalışmışdır.[3] Həyatı boyu sosial reklam, siyasi çarx, həmçinin sənədli filmlər çəkən Şahin 2003-cü ildə "Dünənə ehtiramla, sabaha ümidlə" və Əminə Dilbazidən bəhs edən "Tənha bülbülün rəqsi" sənədli filmləri ilə film sektoruna girmişdir.[4] 2015-ci ildə rejissoru və ssenari müəllifi olduğu "100 Kağız" filmi ekranlara çıxmışdır.

Ölümü[redaktə | əsas redaktə]

Şahin Zəkizadədə 2016-cı il sentyabr ayında ağır xəstəlik - qan xərçəngi xəstəliyi aşkarlandı.[5][6] O zamandan rejissor Azərbaycan Tibb Universitetinin Tədris Terapevtik Klinikasında intensiv müalicə almışdır. Amma bir neçə aylıq müalicəyə baxmayaraq, xəstəlik şiddətlənmişdir. İstedadlı rejissor 12 fevral 2017-ci ildə komaya düşmüş, 16 fevralda dünyasını dəyişmişdir.[7] Rejissor Maştağada yerləşən "Seyidlər" qəbiristanlığında dəfn olunmuşdur.

Ailə həyatı[redaktə | əsas redaktə]

Şahin Zəkizadə iki dəfə ailə həyatı qurmuşdur. İlk evliliyindən 2009-cu il təvəllüdlü Fatimə adlı qızı vardır. İkinci dəfə 2014-cü ildə Səbinə Allahverdiyeva ilə evlənən Şahinin 2015-ci il Seyyid Əli adında oğlu vardır.[8][9]

Filmoqrafiya[redaktə | əsas redaktə]

  1. Dünənə ehtiramla, sabaha ümidlə (film, 2003) (qısametrajlı sənədli film)
  2. Tənha bülbülün rəqsi (film, 2003) (qısametrajlı sənədli film)
  3. 100 kağız (film, 2015)

İstinadlar[redaktə | əsas redaktə]

  1. ŞAHİN ZƏKİZADƏ müsahibə
  2. Şahin Zəkizadə ailə, sevgi və xərçənglə mübarizə haqqında: “Tanrı mənə düşünmək üçün vaxt verib... bu, son deyil...”
  3. Rejissor Şahin Zəkizadə ilə söhbət
  4. http://teleqraf.com/news/49844
  5. Tanınmış rejissor ağır xəstəliyə tutulub
  6. http://news.milli.az/culture/475295.html
  7. Şahin Zəkizadə vəfat etdi
  8. http://axsam.az/?name=xeber&news_id=19062
  9. http://axsam.az/?name=xeber&news_id=65026

Xarici keçidlər[redaktə | əsas redaktə]

Şahin Zəkizadə Gəlin Danışaq ARB TV