Şahsuvarovlar
| Şahsuvarovlar | |
|---|---|
| Titul | Bəy |
| Əcdadı | Şahsuvar bəy |
| Mənşəyi | Dərələyəz mahalı, Paşalı |
| Təbəəliyi |
 İrəvan xanlığı,  Rusiya imperiyası |
Şahsuvarovlar — Azərbaycan xalqının tanınmış soylarından biri.
Soyun yaranması[redaktə | mənbəni redaktə et]
Soy kürd mənşəlidir.[1][2] Bu soyun ulu babası Şahsuvar bəydir. Şahsuvar bəy 1802-ci ildə Dərələyəz mahalının Paşalı kəndində anadan olmuşdur. Atası Kərbəlayi İsmayıl bəy, anası Kərbəlayi Əzət xanım idi. 1825-ci ildə Abbas mirzə Qovanlı-Qacar Mehdiqulu xan Cavanşiri Dərəlyəz mahalına başçı təyin еtmişdi. Orda yaşayan obalardan bir nеçəsini də xanın sərəncamına vеrmişdi. Bu obalardan biri də Şahsuvar yüzbaşının idarə еtdiyi Şahsuvarlı obası idi. Mеhdiqulu xan 1827-ci ildə Rusiya tərəfə kеçəndə Şahsuvar bəyin obasını da Qarabağa gətirib, Qaraçorlu mahalının Hacısamlı nahiyəsinin Minkənd ərazisində yеrləşdirdi. Beləliklə Şahsuvar bəy həyat yoldaşı Pəri xanımla burada yaşamalı olur.
Şahsuvar bəy 7 dəfə müqəddəs Kərbəla şəhərini ziyarət etmişdir. Axırıncı ziyarətdən vətənə qayıtmaq ona nəsib olmamış və Kərbəlada dəfn olunmuşdur. Kərbəlayi Pəri xanım isə zəvvarlarla obaya qayıtmışdır.
Şahsuvar bəyin bir nеçə oğlu, qızı vardı.
Soyun məşhur nümayəndələri[redaktə | mənbəni redaktə et]
- Nurməmməd bəy Şahsuvarov — AXC-nin, Dağlılar Respublikasının maarif naziri, Azərbaycanın istiqlal hərəkatı və Azərbaycan Xalq Cümhuriyyəti dövlət xadimlərindən biri, maarifçi.
- Mürsəl bəy Şahsuvarov — Cümhuriyyət tələbəsi, həkim, professor.
- Surxay bəy Şahsuvarov — Cümhuriyyət tələbəsi, Frayberq Dağ-Mədən Akademiyasının tələbəsi, mühəndis.
- Tofiq Şahsuvarov — Geologiya-mineralogiya elmləri doktoru, professor.
- Rauf Şahsuvarov — Azərbaycanın kino və teatr aktyoru.
Mənbə[redaktə | mənbəni redaktə et]
İstinadlar[redaktə | mənbəni redaktə et]
- ↑ Həmid, Tural. "Azərbaycan kürdləri". AzLogos. 12 iyun 2020. 2022-03-31 tarixində arxivləşdirilib. İstifadə tarixi: 30 avqust 2021.
- ↑ Paşayeva, M.; Qurbanov, A. "Kürdlər". Bakı Beynəlxalq Multikulturalizm Mərkəzi. 23 sentyabr 2019. 2022-07-07 tarixində arxivləşdirilib. İstifadə tarixi: 16 mart 2023.
Ədəbiyyat[redaktə | mənbəni redaktə et]
- Ənvər Çingizoğlu, Şahsuvarovlar, "Soy" dərgisi, 3 (11) 2008.