Şamozit

Şamozit
Ümumi məlumatlar
Kateqoriya	Mineral
Formul (təkrarlanan vahid)	(Fe²⁺,Mg,Al,Fe³⁺)₆(Si,Al)₄O₁₀(OH,O)₈
Strunz təsnifatı	VIII/E.09d
Vikianbarda əlaqəli mediafayllar

Şamozit (Fe²⁺, Mg, Fe³⁺)₅ Al (Si₃ Al) O₁₀ (OH,O)₈ — Monoklinik sinqoniya. Rast gəlmə tezliyi şkalası: çox da tez-tez rast gəlməyən.

Növ müxtəliflikləri

Bavalit (dafnit) – mineralın maqnezial növ müxtəlifliyi.                              

Xassələri

Rəng – yaşılımtıl - tünd-bozdan qarayadək; Mineralın cizgisinin rəngi – yaşılımtıl-boz; Parıltı – tutqun, şüşə; Şəffaflıq – qeyri-şəffaf; Sıxlıq – 3,0-3,4; Sərtlik – 2-3; Kövrəkdir; Ayrılma – {001} üzrə tam mükəmməl; Sınıqlar – qeyri-hamar, tikanlı; Morfologiya – mineral aqreqatları: konsentrik-zonal quruluşlu oolitlər, radial-vərəqli, bütöv sıx, bəzən torpaqvari kütlələr.

Mənşəyi və yayılması

Çökmə mənşəli süxurların tipik mineralı olaraq, gilli laterit çöküntülərində və çökmə dəmir filizi yataqlarında, habelə qumdaşlarında sement şəklində rast gəlir. Birlikdə rast gəldiyi minerallar: dəmir sulfidləri, siderit, tyüringit, kaolinit. Mineralın tapıldığı yerlər: Lotaringiya (Fransa); Şamozon (İsveçrə); Tyüringiya (Almaniya); Uralda Xəlilov yatağı, Serov, Alapayev, Ayat rayonları (Rusiya) və b. Azərbaycanda bir sıra çökmə mənşəli dəmir filizi obyektlərinin yerləşdiyi Daşkəsən və Şəmkir rayonlarının titanlı-maqnetitli qumdaşlarında və Naxçıvan MR-nın boksitlərində qeyd edilir.

Tətbiqi

Kütləvi yığınları dəmir almaq üçün xammal kimi istifadə edilir.

Xarici keçidlər

• The Mineral Chamosite

Mənbə

• Azərbaycan mineralları. Bakı: Nafta-Press, 2004.