Şandor Demyan

Vikipediya, azad ensiklopediya
Jump to navigation Jump to search
Şandor Demyan
Demján Sándor cropped.jpg
Doğum tarixi 14 may 1943(1943-05-14)
Vəfat tarixi 26 mart 2018(2018-03-26)[1] (74 yaşında)
Vəfat yeri
Dəfn yeri
Vətəndaşlığı
Fəaliyyəti biznesmen[d], iqtisadçı
Mükafatları Macarıstan Dövlət Mükafatı
Vikianbarın loqosu Vikianbarda əlaqəli mediafayllar

Şandor Demyan (mac. Demján Sándor; 14 may 194326 mart 2018[1], Budapeşt) — Macarıstan sahibkarı, ölkənin ən varlı insanlarından idi. TriGránit şirkətinin rəhbəri olmuşdur.

Həyatı[redaktə | mənbəni redaktə et]

Macarıstan krallığının Berven kommunasında (indiki Rumıniya) anadan olmuşdur. Sekellər subetnosundan olan atası 1940-cı ildə Macarıstana köçdü, ancaq II Dünya Müharibəsi zamanı öldürüldü. Dunay şvablarından olan anası müharibə köçkünü kimi Bervenə gəldi.[2] 1965-ci ildə Demyan Budapeşt Ticarət və Turizm Kollecini bitirdi. Sonradan Gorsium ÁFÉSZ şirkətinin prezidenti oldu (1968–1973), 1973–1986-cı illərdə isə onların birgə müəssisəsinin həmsədri oldu. 1986–1990-cı illərdə Macarıstan Kredit Bankının təsisçilərindən biri və rəhbəri idi. 1990-cı ildən Mərkəzi Avropa İnkişaf Korporasiyasının təsisçisi və tərəfdaşı idi, 1991-ci ildə isə Mərkəzi Avropa İnvestisiya Şirkətinin rəhbəri oldu. 1996-cı ildə TriGránit şirkətinin baş direktoru oldu. 1999-cu ildə Budapeştdə WestEnd City Center, 2000-ci ildə Bratislavada Polus City Center, 2005-ci ildə Katovitsedə Silesia City Center ticarət mərkəzlərini açmışdır.[3]

2008-ci ildə sərvəti 300 milyard macarıstan forintində qiymətləndirilirdi. O vaxt üçün Macarıstanın ən varlı adamı idi. 2006-cı ildə onun aktivləri 80 milyard təşkil etmişdi, bununla da iki il ərzində sərvətini dörd qat artırdı.[4] 2003-cü ildə o, Macarıstan elminin inkişafına verdiyi töhfələrə və mədəniyyət və incəsənət nailiyyətlərinə görə təqdim olunan Prima Primissima Award mükafatını təsis etdi.[5]

2012-ci ildə xeyriyyəçilik üçün böyük bir ianə etdi.[6]

2014-cü ildə Demyan, yaşına görə təqaüdə çıxmaq məcburiyyətində qaldığını bildirdi.[7] Elə həmən il Macarıstanda ən nüfuzlu altıncı şəxs olaraq tanıdıldı.[8]

26 mart 2018-ci ildə 74 yaşında vəfat etdi.[9]

İstinadlar[redaktə | mənbəni redaktə et]

  1. 1 2 Meghalt Demján Sándor.
  2. "Demján Sándor portréja - I. rész: A városalakító". magyarnarancs.hu (macar). 2018-08-15 tarixində arxivləşdirilib. İstifadə tarixi: 2017-03-26. (#parameter_ignored_suggest)
  3. "Arxivlənmiş surət". 2007-10-13 tarixində orijinalından arxivləşdirilib. İstifadə tarixi: 2020-05-17.
  4. "Архивированная копия". 2007-10-29 tarixində arxivləşdirilib. İstifadə tarixi: 2016-02-28. (#parameter_ignored_suggest)
  5. "Prima Primissima". Prima Primissima. İstifadə tarixi: 2017-03-26.
  6. Origo. "Demján Sándor: Szegényekre és művészekre hagyom a vagyonom". http://www.origo.hu/ (macar). İstifadə tarixi: 2017-03-26.
  7. www.napi.hu. "Milliárdos bukás és elképesztő osztalék Demján cégbirodalmában". Napi.hu. İstifadə tarixi: 2017-03-26.
  8. www.napi.hu. "Itt a lista! Ők a leggazdagabbak és a legbefolyásosabbak Magyarországon". Napi.hu. İstifadə tarixi: 2017-03-26.
  9. Meghalt Demján Sándor