Şumey Okava

Şumey Okava
yap. 大川周明
Doğum tarixi	6 dekabr 1886(1886-12-06)
Vəfat tarixi	24 dekabr 1957(1957-12-24) (71 yaşında)
Vəfat yeri	Tokio[d], Tokio, Yaponiya
Vəfat səbəbi	bronxial astma
Təhsili	Tokio Universiteti
Fəaliyyəti	dilçi, tarixçi, tərcüməçi, yazıçı, universitet müəllimi[d], jurnalist
Vikianbarda əlaqəli mediafayllar

Şumey Okava (大川 周明, Şumey Okava, 6 dekabr 1886 – 24 dekabr 1957, Tokio^[d]) – Yaponiya milliyətçisi, aktivisti, panasiyanist yazıçısı.

Həyatı

1886-cı ildə Yaponiyanın Yamaqata prefekturasında doğulmuşdur. Tokio Universitetində konfusiçilik və Qərb dünyasının dinləri üzrə təhsil almış, 1911-ci ildə universitetdən məzun olmuşdur. 1910-cu illərdə Hindistanın müstəqillik hərəkatı iştirakçıları ilə əlaqələr yaratmış, Qərb müstəmləkəçiliyinə qarşı mövqe almışdır. 1910-cu illərin sonuna doğru Yaponiyanın ənənəvi dəyərlərinin üstünlüyünü müdafiə etməyə başlamışdır.

Sağa doğru meyl edən Okava 1919-cu ildə İkki Kita və digərləri ilə Dözüm Cəmiyyətinə üzv olmuşdur. Bu təşkilat Yaponiya cəmiyyətinin ənənəvi xəttlər üzrə yenidən təşkil olunmasını müdafiə edirdi. Okava 1920-cu illərdə Kita ilə əlaqələrini kəssə də, milliyətçi ideyalar ətrafında yazmağa və mühazirələr verməyə davam etmişdir. Aktivistlər Cəmiyyəti kimi bir neçə sağçı cəmiyyətin yaradılmasına iştirak etmişdir. 1926-cı ildə nəşr olunmuş "Yaponiya və yaponların yolu" kitabını yazmışdır.

Okava 15 may 1932-ci ildə hökumətə qarşı planlaşdırılmış çevriliş cəhdindəki iştirakına görə 2 il həbsdə olmuşdur. İkinci Dünya müharibəsində başlamasına bir neçə il qalmış Cənubi Mancuriya Dəmiryolunun Tədqiqat Bölməsinə qoşulmuş, Hosey Universitetində dərs demiş və Yaponiyanın Asiyadakı lider ölkə olmalı olduğunu müdafiə edən əsərlər yazmışdır.

Okava İkinci Dünya müharibəsindən sonra müharibə cinayətləri ilə ittiham olunmuş iki mülki şəxsdən biri olmuşdur. Zehni problemləri olduğu əsas gətirilərək azad edilmişdir.