Əbləkim Qafarov

Vikipediya, azad ensiklopediya
Naviqasiyaya keç Axtarışa keç
Əbləkim Qafarov
Şəxsi məlumatlar
Doğum tarixi 23 sentyabr 1907(1907-09-23)
Doğum yeri Danilov müsəlman qəbiristanlığı
Vəfat tarixi 5 fevral 1976(1976-02-05) (68 yaşında)
Vəfat yeri
Partiya
Təhsili Ümumittifaq Sənaye Akademiyası
Hərbi xidmət
Mənsubiyyəti Sovet Sosialist Respublikaları İttifaqı
Təltifləri "Lenin" ordeni, "Lenin" ordeni, "Qırmızı əmək bayrağı" ordeni,1-ci dərəcəli "Vətən müharibəsi" ordeni,"Əmək igidliyinə görə" medalı,"Vladimir İliç Leninin anadan olmasının 100 illiyi münasibətilə" yubiley medalı,"Moskvanın müdafiəsinə görə" medalı,"Yaponiya üzərində qələbəyə görə" medalı,"1941–1945-ci illər Böyük Vətən müharibəsində rəşadətli əməyə görə" medalı,"Əmək veteranı" medalı

Əbləkim Səlim oğlu Qafarov (krımtat. Ablâkim Selim oğlu Ğafarov, Абляким Селим огълу Гъафаров, rus. Абляки́м Сели́мович Гафа́ров; 23 sentyabr 1907 – 5 fevral 1976, Moskva) — sovet hərbi, partiya, dövlət və təsərrüfat lideri. General-leytenant hərbi rütbəsini qazanmışdır.[1][2]

Evpatoriya qəzasının Çaygöz kəndində anadan olmuşdur. Milliyyətcə krım tatarlarından idi.

N.K. Krupskaya adına uşaq evində böyümüşdür. 1926-cı ildə Karatöbe kəndində kənd təsərrüfatı məktəbini bitirmişdir, bundan sonra Krım MSSR-nın Evpatoriya komsomolunun katibi olmuş və partiya vəzifələrində çalışmışdır.

24 yaşında, Orjonikidzenin şəxsi istəyi ilə Saq bromzavodun direktoru təyin edildi (1931-1934). Eyni zamanda 1930-1935-ci illərdə Ümumittifaq Mühəndislik və Sənaye Akademiyasında oxuyaraq fərqlənmə diplomu qazandı.

1935-1938-ci illərdə SSRİ Kimya Sənayesi Nazirliyinin Ximsoltrest idarəçisi idi. 1938-ci il avqustun 14-dən 1940-cı il oktyabrın 10-dək Sovet Nəzarəti Komissiyasının bürosunun səlahiyyətli katibi və sədr müavini olmuşdur, 1940-cı ildən SSRİ Dövlət Nəzarət Xalq Komissarlığının baş nəzarətçisi vəzifəsinə keçdi.

20 iyun 1941-ci ildə Xalq Komissarları Soveti yanında dövlət ştat komissiyası sədrinin müavini təyin edildi. 1942-ci ildən Ümumittifaq Kommunist Partiyası Mərkəzi Komitəsi kadrlar şöbəsi müdirinin müavini oldu, aviasiya və metallurgiya ilə əlaqəli işlərlə məşğul idi.

İki "Lenin", "Qırmızı Əmək Bayrağı" və I dərəcli "Vətən müharibəsi" ordenləri ilə təltif edilmişdir.

1956-cı ildən sonra Krım tatarlarının Krıma qaytarılması hərəkatında iştirak edir.[3]

5 fevral 1976-cı ildə Moskvada vəfat etdi. Danilov müsəlman qəbiristanlığında dəfn olunmuşdur.

Simferopolda bir küçə onun şərəfinə adlandırılmışdır.

İstinadlar[redaktə | mənbəni redaktə et]

  1. ↑ "Архивированная копия". 2015-12-22 tarixində arxivləşdirilib. İstifadə tarixi: 2015-12-16.
  2. ↑ "Мы помним: Крымские татары в Великой Отечественной войне | Крым сегодня - информационно-аналитический портал новостей Крыма". 2015-05-13 tarixində arxivləşdirilib. İstifadə tarixi: 2020-06-13.
  3. ↑ "Архивированная копия" (PDF). 2016-03-04 tarixində arxivləşdirilib (PDF). İstifadə tarixi: 2015-05-15.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Əbləkim_Qafarov&oldid=6908397"