Əjdər Əlizadə
| Əjdər Əlizadə | |
|---|---|
| Əlizadə Əjdər Cəbrayıl oğlu | |
 | |
| Doğum tarixi | |
| Doğum yeri | Ağdam şəhəri |
| Vətəndaşlığı |
 Azərbaycan |
| Əsərlərinin dili | azərbaycanca |
Əjdər Əlizadə — şair, jurnalist. Azərbaycan Jurnalistlər Birliyinin üzvü (1993). 2001-ci ildən “Kirpi” satira yumor jurnalının feiyeton şöbəsinin redaktorudur.
Həyatı[redaktə | mənbəni redaktə et]
Əlizadə Əjdər Cəbrayıl oğlu 1953-cü ildə Ağdam şəhərində anadan olmuşdur. 1970-1976-cı illərdə Kirovabad Baza İnşaat texnikumu, 1976-1981 İnşaat mühəndisləri institutunda təhsil almışdır. 1982-1984 Moskva Dövlət Universitetinin nəzdində "Jurnalist Sənətkarlığı İnstitutu"nda Jurnalistika ixtisasına yiyələnmişdir. İxtisasca jurnalist, mühəndis, “Tibet” Şərq Təbabəti (Nəbzlə diaqnostika və təbii üsullarla müalicə) mütəxəssisidir. Beynəlxalq PULSE ACADEMY - nin üzvü, İSR PHARMACEUTİCALS Beynəlxalq Şirkətin 2009-dan bəri Azərbaycan Respublikası üzrə rəsmi nümayəndəsi.
Yaradıcılığı[redaktə | mənbəni redaktə et]
Yazıları “Trud”, “İnşaatçı”, “Xalq”, Ağdamın “Lenin Yolu” qəzetlərində dərc olunmuş, oçerk və reportajları Ağdam Yerli Radio Verilişləri Redaksiyasında mütəmadi səsləndirilmişdir. Gündəlik çıxan “İki Sahil” qəzetində işlədiyi 4 il ərzində 2 mindən çox məqalələri dərc olunmuşdur. 2001-ci ildən “Kirpi” Satira Yumor Jurnalında feiyeton şöbəsinin redaktorudur. 1983-cü ildən SSRİ Jurnalistlər İttifaqının, 1993-cü ildən isə Azərbaycan Jurnalistlər birliyinin üzvüdür. Həsənbəy Zərdabi adına Diplom (2003) və “Qızıl Qələm” Fəxri Media Mükafatı (1983, 2003) laureatıdır. Tikinti sahəsində Səmərələşdirici təkliflər müəllifidir. “Sevgi də bir dünyadır” – adlı sevgi şeirləri kitabının müəllifidir. “Qəzəllər” – müəllifin sayca ikinci kitabıdır. Sayca üçüncü - “Vətənimi sevə-sevə yaşadım” adlı kitabı çapa hazırdır.
Kitabları[redaktə | mənbəni redaktə et]
- "Sevgi də bir dünyadır" (şeirlər) - “Elm və Təhsil” nəşriyyatı, 2007, 200 səh.
- "Qəzəllər" - “Elm və Təhsil” nəşriyyatı, 2017, 104 səh.
- “Vətənimi sevə-sevə yaşadım”
Mükafatları[redaktə | mənbəni redaktə et]
Azərbaycan Jurnalistlər Birliyinin "Həsən bəy Zərdabi" mükafatı (2003)- Qızıl qələm mükafatı (1983, 2003)