Əldarağı sümükləri

Vikipediya, açıq ensiklopediya
Keçid et: naviqasiya, axtar
Əldarağı sümükləri
Metacarpals numbered-en (left hand).svg
Əl sümükləri
Latınca os metacarpalia
Qrey subyekt 55 227
MeSH Metacarpus
Dorlands
/ Elsevier
    
[1]

Əldarağı sümükləri (lat. ossa metacarpalia) — əlin obuc nahiyəsinə aid sümüklərdir. Əldarağı skleti beş uzun əldarağı sümüklərindən ibarətdir. Hərbirinin bir cismi (lat. corpus) və iki ucu: yuxarı ucu və ya əsası — lat. basis və aşağı ucu və ya başı — lat. caput (capitulum — BNA) vardır. Uclardan ancaq biri (başı) həqiqi epifiz hesab edilir, ona görə də daraq sümükləri monoepifizar uzun sümüklərdən hesab olunur. Bu sümüklərin arxa səthi yastı, ovuc səthi isə basıqdır. Onların uzunluğu müxtəlifdir. Ən uzunu III sayılır, ondan qısası növbə ilə II, IV, V daraq sümüyüdür. Daraq sümükləri öz əsaslarının şəkilləri üzrə ayırd edilirlər. I daraq sümüyü çox qısa və canlıdır, cismi öndən arxaya doğru basıqdır və əsası üzərində olan yəhərəbənzər oynaq səthi böyük, bayır və kiçicik içəri hissəyə bölünmüş olur. II daraq sümüyünün əsası qarmaq kimi ikihaçalıdır və və içəri tərəfində III daraq sümüyünə məxsusoynaq səthi vardır. III daraq sümüy əsasının arxa səthində baş barmaq tərəfdə biz çıxıntı — lat. pocessus styloideus olur. IV daraq sümüyünün əsası dördbucaqlıdır, bayır tərəfində II daraq sümüyünə məxsus kiçicik səth və içəri tərəfində V daraq sümüyünə məxsus səth vardır. V daraq sümüyünün əsasının içəri tərəfində IV daraq sümüyünə məxsus oynaq səth və bayır tərəfində qabarıqlıq olur. Daraq sümüklərinin başları barmaqların proksimal falanqaları ilə calanır.


Mənbə[redaktə | əsas redaktə]

  • Prof. K.Ə. Balakişiyev, İnsanın Normal Anatomiyası, I cild, "MAARİF" Nəşriyyatı, Bakı - 1971