Əlisəmid Kür
| Əlisəmid Kür | |
|---|---|
| Doğum tarixi | |
| Doğum yeri | Salyan, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | Azərbaycan Dövlət İncəsənət İnistutu, teatrşünaslıq fakültəsi |
| Fəaliyyəti | şair |
Əlisəmid Kür — Azərbaycan şairi.
Həyatı[redaktə | mənbəni redaktə et]
Əlisəmid Kür 2 fevral 1954-cü ildə Salyan şəhərində müəllim ailəsində doğulub.
1971-ci ildə Salyan şəhər 3 saylı orta məktəbini fərqlənmə attestatı ilə bitirib. 1981-ci ildə Mirzəağa Əliyev adına Azərbaycan Dövlət İncəsənət İnstitutunun teatrşünaslıq fakültəsini fərqlənmə diplomu ilə bitirib.
Azərbaycan Dövlət Teleradio Verilişləri Komitəsində redaktor, Cəfər Cabbarlı adına "Azərbaycanfilm" kinostudiyasında və Azərbaycan Teatr Muzeyində müxtəlif vəzifələrdə çalışıb.
1988-ci ildən Azərbaycan Yazıçılar Birliyinin üzvüdür.
1989-cu ildə AYB-nin Ədəbiyyatı Təbliğ və Müəllif Hüquqları bürosunda şöbə müdiri, Azərbaycan Bədii Tərcümə və Ədəbi Əlaqələr Mərkəzinin "Yol" ədəbiyyat qəzetində şöbə müdiri, 1991-1994-cü illərdə "Yol" ədəbiyyat qəzetinin baş redaktoru vəzifəsində işləyib.
1989-1995-ci illərdə AYB-nin idarə heyətinin üzvü olub.
Şeirləri dünyanın müxtəlif dillərinə tərcümə olunub, şeir almanaxlarında, ədəbi dərgilərdə dərc olunub. 20 il ərzində dünyanın bir çox şəhərlərində təşkil edilən şeir toplantılarında Azərbaycanı təmsil edib.
Hazırda Azərbaycan Respublikası Nazirlər Kabineti yanında Tərcümə Mərkəzinin "Xəzər" dünya ədəbiyyatı dərgisinin məsul katibidir.
Aktyor Qorqud Cəfərlinin atasıdır
Kitabları[redaktə | mənbəni redaktə et]
1. "Rəngli kölgələr", Bakı, "Yazıçı" - 1989
2. "Əlisəmid və qırx tanış üz", "İşıq"- 1991
3. "Kentavr", Bakı,"Sabah" - 1995
4. "Çaylar məcrasından çıxanda", Bakı, "Vektor", 2004
5. "Sonuncu dua", Təbriz, "Dənizçin", 2013
Ədəbi mükafatları[redaktə | mənbəni redaktə et]
1. "Qızıl çələng" poeziya mükafatı, Türkiyə, Antaliya, 1992
2. "Vektor" Beynəlxalq Elmi Mərkəzinin poeziya mükafatı, 2003
3. Beynəlxalq Rəsul Rza mükafatı laureatı, 2004
4. "Türk ədəbiyyatına xidmətlərinə görə" ədəbiyyat ödülü, Ankara, 2014
 | Şair ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
Həmçinin bax[redaktə | mənbəni redaktə et]
Xarici keçidlər[redaktə | mənbəni redaktə et]
- Əlisəmid KÜR Arxivləşdirilib 2011-09-23 at the Wayback Machine
- Əlisəmid Kür - XəzərJurnalı.az