Əlvan Əliyev

Vikipediya, azad ensiklopediya
Jump to navigation Jump to search
Əlvan Əliyev
Əlvan Mədət oğlu Əliyev
Əlvan Əliyev (Kəbirli).jpg
Gəncə şəhər Nizami rayon İcra hakimiyyətinin başçısı
26 noyabr 1992 — 30 noyabr 1993
Sələfi Saleh Əhmədov
Xələfi Vilayət Məmmədov
Şəxsi məlumatlar
Doğum tarixi 25 iyul 1947(1947-07-25)
Doğum yeri Salmanbəyli, Ağcabədi rayonu, Azərbaycan SSR
Vəfat tarixi 3 mart 2014(2014-03-03) (66 yaşında)
Elmi fəaliyyəti
İş yeri

Əlvan Mədət oğlu Əliyev (Əlvan Kəbirli) (25 iyul 1947(1947-07-25), Salmanbəyli, Ağcabədi rayonu3 mart 2014(2014-03-03)) — Gəncə şəhər Nizami rayonu İcra Hakimiyyətinin başçısı (1991 – 1993–cü illər), Azərbaycan Respublikasının qabaqçıl təhsil işçisi, Azərbaycan Yazıçılar BirliyininAzərbaycan Jurnalistlər Birliyinin üzvü.

Həyatı[redaktə | əsas redaktə]

1947-ci ilin 25 iyulunda Ağcabədi rayonunun Salmanbəyli kəndində doğulub. İlk təhsilini Salmanbəyli kənd yeddiillik məktəbində alıb. 1964-cü ildə Ağcabədi şəhər 2 nömrəli onbirillik məktəbini bitirib.1964-cü ildə S.M.Kirov adına Azərbaycan Dövlət Universitetinin (indiki Bakı Dövlət Universiteti) tarix fakültəsinə daxil olub və 1968-ci ildə oranı fərqlənmə diplomu ilə bitirib.1968-ci ildə dövlət təyinatı ilə Kirovabad Dövlət Pedaqoji İnstitutuna (indiki Gəncə Dövlət Universiteti) müəllim göndərilib.

1968-ci ilin noyabrından 1969-cu ilin dekabrınadək Sovet ordusu sıralarında hərbi xidmətdə olub. 1974-1977-ci illərdə S.M.Kirov adına ADU-nun (indiki BDU) fəlsəfə elmləri üzrə əyani aspiranturasında təhsil alıb və H.Zərdabi adına KDPİ-yə (indiki GDU) qayıdıb. 5 fevral 1975-ci ildə ailə həyatı qurub, 3 övladı var. 1982-ci ilin sentyabrından 1983-cü ilin fevralınadək Rostov Dövlət Universitetində (Rusiya Federasiyası) ixtisasartırma kursu keçib. Ömrünün sonuna kimi Gəncə Dövlət Universitetinin sosial fənlər kafedrasında baş müəllim vəzifəsində çalışıb.

Əmək fəaliyyəti[redaktə | əsas redaktə]

  • 1968–ci ildə H.Zərdabi adına Kirovabad Dövlət Pedaqoji İnstitutunun (indiki Gəncə Dövlət Universiteti) “Fəlsəfə və elmi kommunizm” kafedrasında (indiki “Sosial fənlər” kafedrası) müəllim kimi əmək fəaliyyətinə başlayıb
  • 1987–ci ildən həmin kafedrada baş müəllim vəzifəsində çalışıb
  • 1983 – 1989–cu illərdə institut partiya komitəsi katibinin müavini və Xalq Nəzarəti Qrupunun sədri vəzifəsində çalışıb
  • 1990–cı ildə Gəncə şəhər Xalq Deputatları Sovetinin deputatı seçilib
  • 1991 – 1993–cü illərdə Gəncə şəhər Nizami rayonu İcra Hakimiyyətinin başçısı vəzifəsində çalışıb
  • 2009–cu ildə Azərbaycan Respublikası Təhsil Nazirliyinin “Qabaqcıl Təhsil İşçisi” döş nişanına layiq görülüb
  • 2007–ci ildən Azərbaycan Jurnalistlər Birliyinin üzvü olub
  • 2010–cu ildən Azərbaycan Yazıçılar Birliyinin üzvü olub
  • 2012-ci ildə Azərbaycan Kütləvi İnformasiya Vasitələri İşçiləri Həmkarlar İttifaqı Rəyasət Heyətinin qərarı ilə "Qızıl Qələm" Media Mükafatı ilə təltif edilib
  • Bir kitabın, 42 elmi məqalənin və yüzlərlə elmi – populyar məqalənin müəllifidir

İctimai-siyasi fəaliyyəti[redaktə | əsas redaktə]

Əlvan Kəbirli elmi-pedaqoji fəaliyyətlə bərabər 1980-ci illərin sonlarında vüsət almış milli-azadlıq hərəkatının də ön sıralarında mübarizə aparıb. 1989-cu ilin dekabr ayında Moskvadan olan göstərişə əsasən Respublika Dövlət Təhlükəsizliyi Komitəsinin Sabirabad rayonunda keçirilən regional müşavirəsində dərhal həbs olunması tələb olunan milli-azadlıq hərəkatının 100 nəfərdən ibarət ən fəal iştirakçısının adları qeyd olunmuş siyahıda Əlvan Kəbirlinin adı xüsusi olaraq vurğulanmışdı. Əlvan Kəbirlinin 1990-cı ilin qanlı yanvar hadisələrinin Gəncədə baş verməsinin qarşısının alınmasında, həmçinin Gəncənin tarixi adının bərpasında müstəsna rolu olmuşdur.

Elmi-publisist fəaliyyəti[redaktə | əsas redaktə]

1975-ci ildən qəzet və jurnallarda elmi, elmi-publisist və publisist yazılarla çıxış edib. 1988-ci ilin fevralından etibarən bu sahədə fəaliyyəti daha intensiv şəkil alıb. “Mərhəmət”, “İnsan və qanun” və “Ruzigar” jurnallarının, “Gəncənin səsi”, “Novosti Qyandji”, “Gəncəbasar” və “Ruzigar” qəzetlərinin redaksiya heyətinin üzvü olub. Azərbaycan Yazıçılar Birliyinin və Azərbaycan Jurnalistlər Birliyinin üzvü olub. “Azərbaycan Respublikasının qabaqçıl təhsil işçisi” döş nişanı ilə təltif olunub.

Tədqiqat sahəsi[redaktə | əsas redaktə]

Azərbaycan Respublikasında milli münasibətlərin inkişafı

İstinadlar[redaktə | əsas redaktə]

1. Süleyman Kəbirli," Kəbirli mahalı-tarixi elat", Bakı,2013

2. Süleyman Kəbirli, "Kəbirlilərin geneologiyası tarixinə dair,Bakı,2017

3. http://www.anl.az/down/meqale/525/2016/aprel/488029.htm

4. http://musavat.com/news/son-x%C9%99b%C9%99r/El%C3%A7ib%C9%99y-hakimiyy%C9%99tinin-icra-ba%C5%9F%C3%A7%C4%B1s%C4%B1-v%C9%99fat-etdi_185737.html

5. http://525.az/site/?name=xeber&news_id=56101#gsc.tab=0

Əsərləri[redaktə | əsas redaktə]

  • Siyasət naşıları sevmir. Bakı , “Elm” nəşriyyatı, 2008, 375 s.