Əmrah Aslanov

Vikipediya, açıq ensiklopediya
Jump to navigation Jump to search
Əmrah Aslanov
Əmrah Qara oğlu Aslanov
Əmrah Aslanov.jpeg
Doğum tarixi 1 iyun 1920(1920-06-01)
Doğum yeri Təzəkənd, Marneuli rayonu, Gürcüstan Demokratik Respublikası
Vəfat tarixi 19 aprel 1982 (61 yaşında)
Vətəndaşlıq SSRİ SSRİ
Qoşun növü Mühəndis qoşunları
Xidmət illəri 19391946
Rütbə Baş serjant
Döyüşlər
Təltifləri Tam Şöhrət Ordeni kavaleri

Əmrah Aslanov (1 iyun 192019 aprel 1982) — "Qızıl Ordu"nun baş serjantı, 28-ci qvardiya süvari alayının istehkamçısı (mina təmizləyən). Döyüş yolu Moskvadan Berlinədək davam etmişdir.[1] Şöhrət Ordeninin hər üç dərəcəsinin kavaleri olub.[1]

Bioqrafiya[redaktə | əsas redaktə]

Əmrah Aslanov 1 iyun 1920-ci ildə Gürcüstanın Marneuli rayonunun Təzəkənd kəndində kəndli ailəsində anadan olmuşdur. O, 3 sinif bitirmişdi və kolxozda briqadir işləyirdi.[1]

1939-cu ildə "Qızıl Ordu"nun sıralarına qoşulub. 102-ci atıcı alayda xidmət edib. 1941-ci ilin iyun ayından Böyük Vətən müharibəsində iştirak edib. Döyüş yolu Moskvadan Berlinədək davam etmişdir.[1]

20 mart 1944-cü ildə Vitebsk şəhərindən cənubda 18 ədəd minanı təmizləmiş və tankları minalanmış sahədən keçirtmişdir. Sonradan, Hitlerçilərin mövqeləri ələ keçirildikdən sonra isə 40 ədəd mina quraşdırmış və bununla da düşmənlərin ləngiməsinə səbəb olmuşdur.[1]

20 may 1944-cü ildə, döyüş zamanı göstərdiyi igidliyə görə 199-cu atıcı diviziya komandirinin əmri ilə "3-cü Dərəcəli Şöhrət Ordeni"ilə təltif edilmişdir.[1]

1945-ci il yanvarın 22-də 28-ci qvardiya süvari alayının istehkamçısı Əmrah Aslanov Allenştayn şəhəri (indiki Olştın, Polşa) yaxınlığında gedən döyüşlərdə düşmənin 4 əsgərini məhv edir və üç nəfərini əsir götürür. Yolun minalardan təmizlənməsi zamanı isə 8 ədəd tank əleyhinə olan minanı zərərsizləşdirir.[1]

Əmrah Aslanov 6 mart 1945-ci ildə "2-ci Dərəcəli Şöhrət Ordeni" ilə təltif edilmişdir.[1]

27 aprel 1945-ci ildə Angermyunde yaşayış məntəqəsinin şimal qərbində döyüşən Əmrah Aslanov öz döyüş yoldaşları ilə birlikdə düşmənin 3 ədəd tank əleyhinə olan qurğusunu və 6 ədəd meşə pusqusunu sıradan çıxarır, şəxsən 33 mərmini zərərsizləşdirir.[1]

SSRİ Ali Sovetinin Rəyasət Heyətinin 1945-ci il 29 iyun tarixli qərarına əsasən Əmrah Qara oğlu Aslanov göstərdiyi igidliklərə görə "1-ci Dərəcəli Şöhrət Ordeni"nə layiq görülür.[1]

Baş serjant Əmrah Aslanov 1946-cı ildə ordu sıralarından ayrılaraq vətəninə dönmüşdur. Burada o, südçülük və tərəvəzçilik kolxozunda mühafizə rəisi vəzifəsində çalışmışdır.[1]

Əmrah Aslanov 19 aprel 1982-ci ildə vəfat etmişdir. Təzəkənd orta məktəbinə onun adı verilmişdir.[1]

İstinadlar[redaktə | əsas redaktə]

Ədəbiyyat[redaktə | əsas redaktə]

  • Loboda V.F. Солдатская слава. — Moskva, 1967. — 2 cild. — Səh.: 27-28. 
  • Кавалеры ордена Славы трёх степеней. — Moskva: Воениздат, 2000.
  • A.A. Hüseynov. . — Bakı, 2014. — Səh.: 8-11.  — 2.000 nüs.

Xarici keçidlər[redaktə | əsas redaktə]