Əsəd bəyin əzabları (film, 2013)

Vikipediya, açıq ensiklopediya
Jump to navigation Jump to search
Film şablonu üçün illüstrasiya.png
Əsəd bəyin əzabları
Rejissor Ralf Marschallek
Baş rollarda Nuridə Atəşi
Texniki məlumat104 dəqiqə

Əsəd bəyin əzablarıMəhəmməd Əsəd bəy (Qurban Səid) haqqında film. Filmin rejissoru Ralf Marschallekdir.[1]

Məzmun[redaktə | əsas redaktə]

Filmdə Əsəd bəyin “Qurban Səid” təxəllüsü ilə yazdığı son əlyazması olan “Sevgidən bixəbər kişi” romanında əks olunan Azərbaycan sevgisi, vətən həsrəti, üzləşdiyi haqsızlıqlar, çəkdiyi əzablar onun öz dili, şahidlərin müsahibələri və kadr arxası səslərlə verilib.

Əsəd bəyin İçərişəhərdə keçən uşaqlığı, Berlindəki şagirdlik və tələbəlik həyatı, Avstriyada yazdığı "Əli və Nino" romanı, Vyana ilə bağlı xatirələri və nəhayət İtaliyanın Positano şəhərində ev dustağı edildiyi son mənzili filmdə maraqlı kadrlarla əks olunub.[2]

Haqqında[redaktə | əsas redaktə]

İki seriyalı, 104 dəqiqəlik bədii-sənədli filmin çəkilişlərinə 2004-cü ildə başlanıb, çəkilişlər Almaniya, Avstriya, İtaliya və Azərbaycanda aparılıb.

Filmi Almaniya Federal Mədəniyyət və Mətbuat Nazirliyi (BKM) Berlin Mədəniyyət Fondu, Neapol Film Kompaniyası , N.Gəncəvi adına Almaniyada fəaliyyət göstərən Mədəniyyət İnstitutu və digər beynəlxalq qurumlar maliyyələşdirib və dəstəkləyib.

Um Velt Film Berlin studiyasının çəkdiyi filmin rejissoru Ralf Marschallekdir.[3]

Təqdimatları[redaktə | əsas redaktə]

Almaniya[redaktə | əsas redaktə]

2013-cü il mayın 2-də Berlinin “Babylon” kinoteatrında “Əsəd bəyin əzabları” filmi Almaniya ictimaiyyətinə təqdim edilib.

Premyeraya İtaliya, AvstriyaAlmaniyanın müxtəlif şəhərlərindən Əsəd bəyin tədqiqatçıları, naşirləri, Almaniyanın görkəmli mədəniyyət və kino xadimləri, mətbuat nümayəndələri, Əsəd bəysevərlər, Almaniyada yaşayan azərbaycanlılar və Azərbaycanın Almaniyadakı səfiri Pərviz Şahbazov qatılıblar.

Tamaşaçılar, film tənqidçiləri və media mənsubları filmi yüksək qiymətləndiriblər. Premyerada iştirak edən Almaniya (Berlin) Jurnalistlər Birliyinin sədri Bernd Lammel Əsəd bəyi Almaniya və Azərbaycan arasında ilk mədəniyyət körpüsünün qurucusu adlandırıb, bu böyük yazarın dünya ədəbiyyatında, eləcə də alman və Azərbaycan ədəbiyyatında əhəmiyyətli yeri olduğunu xüsusi vurğulayıb.

İstinadlar[redaktə | əsas redaktə]

  1. “Əsəd bəyin əzabları” filminin premyerası: [rejissoru Ralf Marschallek olan eyniadlı filmin Berlinin “Babylon” kinoteatrında təqdim edilməsi haqqında] //Xalq qəzeti.- 2013.- 4 may.- S. 7.
  2. "“Əsəd bəyin əzabları” filminin premyerası". Xalq qəzeti. 4 may 2013. http://anl.az/down/meqale/xalqqazeti/2013/may/307984.htm. İstifadə tarixi: 29 fevral 2016.
  3. Atəşi, N. “Əsəd bəyin əzabları” bitdi: BERLİN UM VELT FİLM studiyasının çəkmiş olduğu ikiseriyalı sənədli film tamamlandı: [Əsəd bəyin həyatına həsr olunmuş eyniadlı filmin rejissoru Ralf Marşallekdir] //Ayna.- 2013.- 12 yanvar.- S.19.