Məzmuna keç

Əziz Alpoud

Vikipediya, azad ensiklopediya
Əziz Alpoud
Mir Əbdüləziz Mir Seyfəddin oğlu Seyidov
Doğum tarixi 27 iyul 1895(1895-07-27)
Doğum yeri
Vəfat tarixi 17 iyun 1988(1988-06-17) (92 yaşında)
Vəfat yeri
Fəaliyyəti vəkil, publisist
Partiyası

Əziz Alpoud (türk. Aziz Alpout; əsl adı: Mir Əbdüləziz Mir Seyfəddin oğlu Seyidov; 27 iyul 1895, Dilican, Qazax qəzası – 17 iyun 1988, Ankara) — Azərbaycanın dəmir yolları üzrə baş hakimi (1918–1920).[1]

Həyatı

[redaktə | vikimətni redaktə et]

Mirəbdüləziz Seyidov 27 iyul (və ya 25 iyul[2]) 1895-ci ildə Dilicanda anadan olub.[3] Əvvəlcə Tiflisdəki 1-ci kişi gimnaziyasında oxuyub, daha sonra təhsilinə Stavropol şəhərindəki 1-ci gimnaziyada davam edib, 1 may 1915-ci ildə tamamlayıb. Həmin il Tartu (Dorpat) İmperator Universitetinə daxil olub,[4] əvvəlcə tibb üzrə təhsil alıb, ilin sonundan etibarən isə öz istəyi ilə hüquq fakültəsinə keçirilib. Daha sonra o, Xarkov Universitetinin hüquq fakültəsində təhsilinə davam edib.[2]

Əziz Alpoud Əhrar Partiyası üzvü olmuşdur.[5][6]

O, 1988-ci il iyunun 17-də Ankarada dünyasını dəyişib.[2]

Fəaliyyəti

[redaktə | vikimətni redaktə et]

Əziz Alpautun Türkiyədə ixtisası ilə bağlı 4 kitabı işıq üzü görüb. Ən genişhəcmli kitabı 1957-ci ildə Ankarada çıxan "Tətbiqi dəriçilik" adlı əsəridir. 1945-ci ildə Ankarada "Dilək çubuğu", 1954-cü ildə xam qoyun dəriləri ilə bağlı, 1960-cı ildə isə qaragül qoyunları və kürklük qoyunların yetişdirilməsi ilə bağlı əsəri çap olunub. O, Türkiyədə 1946-1957-ci illərdə Mixail Saltıkov-Şedrinin bir neçə əsərini türk dilinə qazandırıb. 1966-cı ildə Dr. Fethi Tevetoğlu ilə onun tərcüməsində Gerhard von Mendenin "Kommunist blokda milliyyət və məfkurə" kitabı Ankarada türk dilində işıq üzü görüb. 1967-ci ildə isə Fridrix Şillerin "Turandot, Çin şahzadəsi" əsərini türk dilində çap etdirib.[2]

Əsərləri

[redaktə | vikimətni redaktə et]
  • Dilkeçubuğu. Yeraltında bulunan madenler akan sular çubukla nasıl bulunur. Ankara: Alaeddin Kral Basımevi, 1945.
  • Türkiye Ham Koyun Derilerinin Bünye Dayanıklılığı ile İçkürklük Kaabiliyetinin İncelenmesi ve Bunlar Üzerinde Sepi ve Bitkisel Boya Maddeleri ile Mukayeseli Araştırmaları. Ankara: Ziraat Vekaleti Neşriyatı, 1954.
  • Tatbiki Dericilik. Ankara: İstiklal Matbaası, 1957.
  • Həyatımın hekayətləri. (Əlyazmanı üzə çıxaran, Türkiyə türkcəsindən dilimizə çevirən, tərtibçi və ön sözün müəl. Zakir Sadatlı). Bakı: Qanun, 2011.
  • Hayatımın Hikayeleri. İstanbul: Bengü Yayınları, 2012.

Xarici keçidlər

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ Tahirli, Abid. "İstiqlala inamın bədii-publisistik təcəssümü (I yazı)". 525-ci qəzet. 2024-05-14. 2024-06-21 tarixində arxivləşdirilib. İstifadə tarixi: 2025-02-21.
  2. ↑ 1 2 3 4 Əhməd, Dilqəm. "Əziz Alpautun elmi və publisistik irsi". "Ədəbiyyat" qəzeti. 2025-02-25. İstifadə tarixi: 2025-02-25.
  3. ↑ "Doktor Aziz Alpaut 1939 Alman kimlik kartı". Phebus Müzayede. 2021-11-29. 2025-02-21 tarixində arxivləşdirilib. İstifadə tarixi: 2025-02-21.
  4. ↑ Alpoud, Əziz. "Sibirə sürgün edilən zaman ailəmdən heç kimlə görüşə bilməmişdim". sozcu.az. 2023-11-07. İstifadə tarixi: 2025-02-25.
  5. ↑ Tahirli, Abid. "İstiqlala inamın bədii-publisistik təcəssümü (II yazı)". 525-ci qəzet. 2024-05-15. 2024-06-21 tarixində arxivləşdirilib. İstifadə tarixi: 2024-06-21.
  6. ↑ Tahirli, Abid. "İstiqlala inamın bədii-publisistik təcəssümü (III yazı)". 525-ci qəzet. 2024-05-15. 2025-01-13 tarixində arxivləşdirilib. İstifadə tarixi: 2025-02-21.
Mənbə — "https://az.wikipedia.org/w/index.php?title=Əziz_Alpoud&oldid=8067493"