Əzizağa Əzizov

Vikipediya, azad ensiklopediya
Jump to navigation Jump to search
Əzizağa Əzizov
Əzizağa Əzizov.jpg
Doğum tarixi 20 oktyabr 1960 (1960-10-20) (59 yaş)
Doğum yeri Hacıqabul, Azərbaycan SSR, SSRİ
Peşəsi Aktyor
Təhsili
Mükafatları "Azərbaycan Respublikasının əməkdar artisti" fəxri adı — 2015

Əzizağa Ağayar oğlu Əzizov (d. 20 oktyabr 1960, Hacıqabul, Azərbaycan SSR, SSRİ) — Azərbaycan aktyoru,[1] Azərbaycanın əməkdar artisti (2015).

Həyatı[redaktə | əsas redaktə]

20 oktyabr 1960-cı ildə Hacıqabul rayonunda anadan olmuşdur. Hərbi dənizçilik sahəsinə üz tutmaq istəsə də, təsadüf nəticəsində incəsənət sahəsinə gəlmişdir. 1983-cü ildə M.A.Əliyev adına Azərbaycan Dövlət İncəsənət İnstitutunun Musiqili Komediya aktyoru fakültəsini bitirib.

İş fəaliyyətinə 1985-ci ildə Gəncə Dövlət Dram teatrına II kateqoriyalı aktyor kimi başlayıb.

1986-cı ildən Azərbaycan Dövlət Opera və Balet Teatrında işləyib.

1999-cu ildən Azərbaycan Dövlət Musiqili Komediya Teatrında aktyor vəzifəsində çalışır. Teatrda çalışdığı illərdə Ə.Əzizov özünü epizodik və əsas rolların bacarıqlı ifaçısı kimi göstərib. Azərbaycan dramaturqlarının eləcə də, xarici ölkə yazıçılarının əsərlərində onlarla yadda qalan surətlər yaradıb. "O olmasın, bu olsun"da Qoçu, "Bankir adaxlı"da Zaur, "Əlin cibində olsun"da 1-ci adam, "Volqalı canan"da Doymarov, "Səhnədə məhəbbət"də Şvartseneger, "Aldın payını, çağır dayını"da Məzarov, "Bir günlük xəlifəlik"də şah və s. kimi yaddaqalan obrazları yaratmış Ə.Əzizov, həmçinin televiziya tamaşalarında və verlişlərində də duzlu, məzəli obrazlar yaratmaqda davam edir.

14 sentyabr 2015-ci ildə Azərbaycanın əməkdar artisti fəxri adına layiq görülmüşdür.[2] 1 may 2017-ci ildə[3], 9 may 2018-ci ildə[4]10 may 2019-cu ildə[5] Prezident Mükafatına layiq görülmüşdür.

Evlidir, 2 övladı var.

Filmoqrafiya[redaktə | əsas redaktə]

İl Film Rol Qeyd
2002 Yaşıl eynəkli adam-3 (film, 2002)
2003 Dəvətnamə (film, 2003)
2004 Şans (film, 2004)
2006 Hərənin öz payı+tayı (film, 2006)
2008 Ci-Mi (film, 2008) Maxmud Baș rol
2008 Qovğalı kəndinin gecələri (film, 2008)
2011 Aramızda qalsın (film, 2011-2013) Azad Bəy Orta rol
2012 Varlı qız, kasıb oğlan (teleserial, 2012) Azad Epizodik rol
2013 Bir ailəm var (teleserial, 2013) Kərim
2016 2 ömür (film, 2016-2017) Azad
2017 Baldız (teleserial, 2017) Müşfiq Hüseynov

İstinadlar[redaktə | əsas redaktə]

  1. Əzizağa Əzizov: “Bu mənim üçün gözlənilməz sürpriz oldu”: [Əməkdar artistlə müsahibə] /müsahibəni apardı Xəyalə Rəis //Kaspi.- 2015.- 18 sentyabr.- S.12.
  2. Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı
  3. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-05-02.
  4. President.Az (09.05.2018). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-10.
  5. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10.

Mənbə[redaktə | əsas redaktə]

Xarici keçidlər[redaktə | əsas redaktə]