Əzizxan Tanrıverdi

Vikipediya, açıq ensiklopediya
Jump to navigation Jump to search
Picto Info sciences exactes.png
Əzizxan Tanrıverdi
Fotoqrafiya
Doğum tarixi
1 yanvar 1959(1959-01-01)
Doğum yeri Gürcüstan,Başkeçid rayonunun Aşağı Qarabulaq kəndi
Vəfat tarixi 19 iyul 2018 (59 yaşında)
Vətəndaşlıq Azərbaycan Respublikası
Milliyyəti Azərbaycanlı
Elm sahəsi Filologiya
İş yeri ADPU
Elmi dərəcəsi Elmlər doktoru
Elmi vəzifəsi Professor
MükafatlarıTürk dünyasının ulu atası Korkut

Əzizxan Tanrıverdi - professor, Azərbaycan Dövlət Pedaqoji Universitetinin Azərbaycan dili və onun tədrisi metodikası kafedrasının müdiri, filologiya elmləri doktoru.[1][2]

Həyatı[redaktə | əsas redaktə]

Əzizxan Vəli oğlu Tanriverdi 1959-cu il yanvarın 1-də Gürcüstan Respublikasının Başkeçid rayonunun Aşağı Qarabulaq kəndində anadan olub. 3 övladı var.

Təhsili[redaktə | əsas redaktə]

1973-cü ildə Aşağı Qarabulaq natamam orta məktəbi, 1975-ci ildə isə Kirovisi kənd orta məktəbini fərqlənmə ilə bitirib. 1981-ci ildə ADPU-nun filologiya fakültəsini fərqlənmə diplomu ilə bitirib.

Elmi fəaliyyəti[redaktə | əsas redaktə]

Türk mənşəli Azərbaycan şəxs adlarını ilk dəfə olaraq tarixi-linqvistik müstəvidə tədqiq etmişdir. “Kitabi-Dədə Qorqud” daşəxs adları, dağ kultu, at kultu, obrazlar sistemi, assonans və alliterosiya kimi məsələləri ilk dəfə olaraq kompleks və sistemli şəkildə araşdırmışdır. “Dəli Kür” romanının poetik dilini tarixiliklə müasirliyin sintezində təhlil etmişdir. 23 kitabın, 180 elmi məqalənin müəllifidir. Dil tarixi, onomastika, ədəbi tənqid sahəsində elmi-tədqiqat işi aparmışdır.[3]

2 elmlər namizədinin elmi rəhbəri olmuşdur.

ADPU-da Azərbaycan dili və Linqivistik təhlil fənnlərindən dərs keçmişdir.

19 iyul 2018-ci il tarixində Bakı şəhərində vəfat edib.

Əmək fəaliyyəti[redaktə | əsas redaktə]

Əmək fəaliyyətinə Eqrisi sovxozunda fəhlə kimi başlamışdır. Sonradan isə Şabran rayonunda müəllim işləmişdir. 1985-1987-ci illərdə Azərbaycan dili ixtisası üzrə əyani aspirant olmuşdur. Həmçinin ADPU-da baş laborant kimi çalışmışdır. 1990-1995-ci illərdə ADPU-da müəllim kimi çalışmışdır. 1995-1998-ci illərdə isə ADPU-da dosent olmuşdur. 1999-cu ildə isə professor olmuşdur.[1] 2011-ci ildən etibarən Azərbaycan Dövlət Pedaqoji Universitetinin Azərbaycan dili və onun tədrisi metodikası kafedrasının müdiri vəzifəsində işləmişdir.

İctimai əsaslarla apardığı vəzifələr[redaktə | əsas redaktə]

  • Azərbaycan Respublikasının Prezidenti yanında Ali Attestasiya Komissiyasının filologiya elmləri üzrə ekspert Şurasının üzvü (2003-2005-ci illər)
  • Pedaqoji elmlər üzrə Azərbaycan Respublikası Təhsil Problemləri İnstitutunda fəaliyyət göstərən V.02.191 dessertasiya şurasının üzvü (2007-2009-cu illər)
  • Pedaqoji elmlər üzrə ADPU-da fəaliyyət göstərən №02.191 dissertasiya şurasının üzvü (2011-2016-cı illər)[1]

Kitabları[redaktə | əsas redaktə]

  • “Türk mənşəli Azərbaycan antroponimləri” (Bakı, 1996)
  • “Kitabi-Dədə Qorqud”da şəxs adları (Bakı, 1999)
  • “XVI əsr qıpçaq (poloves) dilinin qrammatikası (Bakı, 2000)
  • “Kitabi-Dədə Qorqud və qərb ləhcəsi” (Bakı, 2002)
  • “Kitabi-Dədə Qorqud”un obrazlı dili (Bakı, 2006)
  • “Kitabi-Dədə Qorqud”un söz dünyası (Bakı, 2008)
  • “Dilimiz, mənəviyyatımız (Bakı, 2008)
  • “Poeziyanın dili, dilin poeziyası” (Bakı, 2008)
  • “Qədim türk mənbələrində yaşayan şəxs adları (Bakı, 2009)
  • Azərbaycan dilinin tarixi qrammatikası (Bakı, 2010)
  • “Dədə Qorqud kitabı”nda at kultu (Bakı, 2012)
  • “Dəli Kür” romanının poetik dili” (Bakı, 2012)
  • “Dədə-Qorqud kitabı”nda dağ kultu” (Bakı, 2013)
  • “Dədə Qorqud kitabı”nın obrazlar aləmi”.(Bakı, 2013)

Orta məktəb üçün[redaktə | əsas redaktə]

  • Azərbaycan dilində ədəbiyyatdan testlər. (Z.Məmmədov, İ.İsmayılov və İ.Abbasovla birlikdə). Bakı, 1995

Mükafatları[redaktə | əsas redaktə]

  • 2014. “Türk dünyasının ulu atası Korkut”

İstinadlar[redaktə | əsas redaktə]

   4. “Kitabi-Dədə Qorqud”un söz dünyası (Bakı, 2008) http://anl.az/el/t/te_dq-sd.pdf
   5.Əzizxan Tanrıverdi-60. http://anl.az/el/Kitab/2018/11/cd/2018-1698.pdf

Xarici keçidlər[redaktə | əsas redaktə]