2017 Qətər diplomatik böhranı

Vikipediya, açıq ensiklopediya
Jump to navigation Jump to search

2017 Qətər diplomatik böhranı — 2017-ci ilin iyun ayının ilk həftəsində Səudiyyə Ərəbistanının liderliyi ilə bir neçə ölkənin Qətər ilə diplomatik əlaqələrini kəsməsi hadisəsi[1][2]

Diplomatik əlaqələri kəsən ölkələr arasında Səudiyyə Ərəbistanı ilə eyni koalisiyada Bəhreyn, Misir, Yəmən (Hadi liderliyindəki hökumət)[3], BƏƏ, Liviya (Milli Hökumət)[4][5][6]Maldiv adaları yer almışdır. Bir gün sonra onlara İordaniya da qoşulmuş, bu ölkə "Əl-Cəzirə" kanalının lisenziyasını da ləğv etmişdir.[7]

Səudiyyə Ərəbistanının rəhbərlik etdiyi koalisiya Qətəri terrorizmi dövlət səviyyəsində dəstəkləməkdə və Fars körfəzi ölkələrinin əməkdaşlıq şurasının 2014-cü ildə qəbul etdiyi razılaşmanı pozmaqda günahlandırdı.[8] Səudiyyə Ərəbistanı və digər ölkələr "Əl-Cəzirə" kanalını və Qətərlə İran arasındakı münasibətləri tənqid etdi. Qətər isə terrorizmlə mübarizə və hal-hazırda da davam edən İŞİD-ə qarşı hərbi əməliyyatlarda ABŞ-a dəstək verdiyini bildirdi.[9]

İlkin təchizatın pozulması İran və Türkiyədən əlavə idxalın daxil olması ilə yüngülləşdirildi və Qətər Səudiyyə Ərəbistanının başçılıq etdiyi koalisiyanın heç bir tələbi ilə razılaşmadığını açıqladı.[10] Koalisiyanın Qətər qarşısında qoyduğu tələblərə İranla əlaqələri dərhal kəsmək, Türkiyə ilə hərbi əməkdaşlığı dayandırmaq və "Əl-Cəzirə"nin bağlanması daxil idi.

27 iyul 2017-ci ildə Qətərin Xarici işlər naziri Məhəmməd bin Əbdülrəhman əl-Sani müxbirlərə açıqlaması zamanı Misir, Səudiyyə Ərəbistanı, Birləşmiş Ərəb Əmirlikləri və Bəhreynin "inadkarlıq" nümayiş etdirdiyini və böhranı həll etmək məqsədilə heç bir addımın atılmadığını bildirdi. Əl-Sani Təhlükəsizlik Şurası, Baş Assambleya və "bütün BMT mexanizmlərinin" mövcud situasiyanı həll etmək üçün mühüm rol oynadığını da vurğulamışdır.[11] 24 avqust 2017-ci ildə Qətər hökuməti İranla diplomatik münasibətləri tam şəkildə bərpa edəcəklərini açıqlamışdır.[12]

İstinadlar[redaktə | əsas redaktə]

  1. "Saudi Arabia, Bahrain and Egypt Cut Ties With Qatar". Bloomberg.com. 5 iyun 2017. https://www.bloomberg.com/politics/articles/2017-06-05/saudi-led-alliance-cuts-qatar-ties-as-gulf-crisis-escalates.
  2. "Qatar row: Six countries cut links with Doha" (en-GB). BBC News. 5 iyun 2017. http://www.bbc.com/news/world-middle-east-40155829.
  3. "Saudi Arabia, UAE, Egypt, Bahrain cut ties to Qatar". www.aljazeera.com.
  4. "Libya's eastern-based government cuts diplomatic ties with Qatar" (5 iyun 2017).
  5. "Libya Breaks Off Diplomatic Relations With Qatar". sputniknews.com.
  6. https://english.alarabiya.net/en/News/middle-east/2017/06/01/Accord-government-shuts-down-Dar-al-Ifta-in-Libya.html
  7. Daha bir ölkə Qətərlə əlaqələrini kəsdi - 8-ə çatdı. qafqazinfo.az, 07.06.2017  (azərb.)
  8. "Doha's Actions May Destabilize the Region: Saudi Minister". Newsweek ME. 14 iyun 2017. http://newsweekme.com/dohas-actions-may-destabilize-region-saudi-minister/. İstifadə tarixi: 14 avqust 2018.
  9. "Sheikh Tamim denies Qatar has links to terrorism". Khaleej Times. 25 may 2017. http://www.khaleejtimes.com/region/qatar/sheikh-tamim-denies-qatar-has-links-to-terrorism. İstifadə tarixi: 14 avqust 2018.
  10. "Anti-Qatar Embargo Grinds Toward Strategic Failure". Rice University’s Baker Institute for Public Policy.
  11. "Qatar says UN should play a role in resolving Gulf crisis". Fox News Channel. 27 iyul 2017. http://www.foxnews.com/world/2017/07/27/qatar-says-un-should-play-role-in-resolving-gulf-crisis.html.
  12. "Qatar To Reinstate Ambassador To Iran Amid Gulf Crisis". 24 avqust 2017. http://www.ndtv.com/world-news/qatar-to-reinstate-ambassador-to-iran-amid-gulf-crisis-1741557.