274301 Vikipediya

Vikipediya, açıq ensiklopediya
Jump to navigation Jump to search
274301 Vikipediya
Orbit of 274301 Wikipedia.svg
274301 Vikipediya orbiti.
Kəşfi
Kəşf yeri Andruşevka rəsədxanası
Kəşf tarixi 25 avqust 2008 (10 il əvvəl) (2008-08-25)
Təyinlər
Alternativ adlar
2008 QH24, 2007 FK34, 1997 RO4
Orbital xarakteristikası
Dövr 1343,5568 gün
3.68 il
Afelisi 408.472.770 km
Perigelisi 304.479.540 km
Ekssentrisiteti 0.1458628
Orbital sürəti
19,197 km/san
Fiziki xarakteristikaları
Ölçüləri 1-2 km[1]

274301 Vikipediya (müvəqqəti adları: 2008 QH24, 2007 FK34, 1997 RO4) — asteroid qurşağında yerləşən asteroid. 2008-ci ilin avqustunda[2] Ukraynada yerləşən Andruşevka rəsədxanası tərəfindən kəşf edilmişdir. 2013-cü ilin yanvarında asteroidə onlayn ensiklopediya olan Vikipediyanın adı verilmişdir.[3]

Kəşfi[redaktə | əsas redaktə]

Andruşevka rəsədxanası.

Asteroid Ukraynanın yeganə özəl rəsədxanası olan Andruşevka rəsədxanasının[4] astronomları tərəfindən kəşf edilmişdir.[5] Bu rəsədxana 2003-cü ildən bu yana 90-dan çox asteroid kəşf etmişdir. Astronomlar asteroidi 2008-ci ilin 25 avqustunda, saat 22:47-də (UTC) müşahidə ediblər.[2] Asteroid növbəti gecə də müşahidə edilmiş və ona müvəqqəti olaraq 2008 QH24 adı verilmişdir.[6] 6 sentyabrda rəsədxananın işçiləri asteroidin orbitini dəqiqlikdə hesabladılar. Aparılan araşdırmalar bu asteroidin daha əvvəl ODAS (Fransa), Lemmon Dağı Müşahidə Sahəsi və Stüard rəsədxanası (hər ikisi Arizona, ABŞ)[2] tərəfindən müşahidə olunmuş 1997 RO4 və 2007 FK34 asteroidləri ilə eyni olduğunu göstərmişdir. 2011-ci ilin aprelində asteroidə 274301 nömrəsi verilmişdir.[7] Asteroidin quruluşu öyrənilməyib, lakin asteroid qurşağında yerləşən digər asteroidlər kimi metal və qayadan ibarət olduğu fərz edilir.[8]

[redaktə | əsas redaktə]

Səma cisimlərinə verilən adlarda məsul olan komitə tərəfindən verilən qərarla asteroidə "Vikipediya" adı verilmiş və 27 yanvar 2013-cü ildə bu haqda[3] "Minor Planet Circular" jurnalında xəbər yerləşdirilmişdir. Bu adın verilməsinin təşəbbüskarı Vikimedia Ukraynanın üzvü Andrey Makuxa olmuşdur.[4]

"
Vikipediya açıq, azad və hər kəs tərəfindən redaktə edilən, 2001-ci ildə yaradılmış onlayn ensiklopediyadır. 11 il ərzində yığdığı məlumatlarla ən böyük mənbəyə və internetdə ən çox ziyarət edilən saytlardan biri olmuşdur. Ensiklopediya bütün dünyadan olan entuziastlar tərəfindən 270 dildə inkişaf etdirilmişdir.[3]
"

İstinadlar[redaktə | əsas redaktə]

Xarici keçidlər[redaktə | əsas redaktə]