Kola fətvası
Kola fətvası — müfti Həsənəyn Məxluf tərəfindən "Coca-Cola" və "Pepsi"nin islam qanunlarına görə icazəli olması ilə əlaqədar verilmiş fətva. Fətva 11 sentyabr 1951-ci ildə Misirin "əl-Əhram" qəzetində dərc olunmuşdur.[1] Keysin əsas səbəbi "Coca-Cola" loqosunun güzgüdə əks olunan formasının ərəbcə "Məhəmməd yoxdur, Məkkə yoxdur" ifadələrini əks etdirməsi ilə əlaqədar şayiələr və konspirasiya nəzəriyyələri idi.[2]
"Pepsi" və "Coca-Cola"nın islam qanunları ilə qadağan edilib-edilməməsi ilə bağlı dəqiq cavab almaq üçün Misir Fətva İdarəsi Xalq Səhiyyə Nazirliyindən iki qazlı içkinin tərkibini dəqiqləşdirməyi xahiş etmişdir. 25 avqust 1951-ci ildə Xalq Səhiyyə Nazirliyi nə "Pepsi-Cola", nə də "Coca-Cola"nın tərkibində narkotik, spirt və ya pepsin olmadığını müəyyən etmişdir.[3] Narkotik və spirtli içkilərin istifadəsi islam qanunlarına görə haramdır. Pepsin donuz mədəsinin membranından yaradılır və müsəlman şəriət qanunlarına görə donuzdan gələn hər hansı bir məhsula icazə verilmir.[4] Səhiyyə Nazirliyi içkilərin tərkibində zərərli mikrobların da olmadığını izah etmişdir. Səhiyyə Nazirliyinin verdiyi məlumata əsasən, Fətva İdarəsi içkiləri islam şəriətinə görə icazəli elan etmişdir.[3]
İstinadlar
[redaktə | mənbəni redaktə et]- ↑ Skovgaard-Petersen, Jacob. Defining Islam for the Egyptian State: Muftis and Fatwas of the Dār Al-Iftā. Leiden: Brill. 1997. səh. 172. ISBN 9789004450608. 2024-03-21 tarixində arxivləşdirilib. İstifadə tarixi: 2024-07-28.
- ↑ Kamdar, Ismail. "Of Wa-Hubbies and Conspiracies". Muslim Matters. March 23, 2011. March 21, 2024 tarixində arxivləşdirilib. İstifadə tarixi: July 28, 2024.
- ↑ 1 2 Liebesny, Herbert J. The Law of the Near and Middle East Readings, Cases, and Materials. Albany: State University of New York Press. 1975. səh. 42-43. ISBN 9781438410869. 2024-03-21 tarixində arxivləşdirilib. İstifadə tarixi: 2024-07-28.
- ↑ "Pepsin from Hog Stomach" (PDF). Food and Agriculture Organization of the United Nations. 1972. 2013-08-10 tarixində arxivləşdirilib (PDF).