Natavan Hacıyeva
| Natavan Hacıyeva | |
|---|---|
 | |
| Doğum tarixi | 1942 |
| Doğum yeri | |
| Vəfat tarixi | 1 may 2019 |
| Vəfat yeri | |
| Vəfat səbəbi | xərçəng xəstəliyi |
| Atası | Əsgər Hacıyev |
| Anası | Şölə Hacıyeva |
| Təhsili | |
| Mükafatları |
 |
Natavan Əsgər qızı Hacıyeva (1942, Bakı – 1 may 2019, Bakı) — Azərbaycan diktoru, televiziya aparıcısı, Azərbaycan SSR əməkdar artisti (1990), prezident təqaüdçüsü[1].
Bioqrafiyası
[redaktə | mənbəni redaktə et]Natavan Hacıyeva 1942-ci ildə Bakıda ziyalı ailəsində dünyaya gəlmişdir. Atası Əsgər Hacıyev hüquqşünas, anası Şölə xanım ali təhsilli evdar xanım olub. "Axırıncı aşırım" filmində obrazı yaradılan tarixi şəxsiyyət Kərbəlayi İsmayıl onun ata babasıdır. O, 5 qardaşın böyük bacısı idi. Məktəbi qızıl medalla bitirmişdir.[1]
|
Əslində mən ərəb dili üzrə mütəxəssis olmaq istəyirdim. Amma qismət ayrıymış. Həmin il Bakı Dövlət Universitetində şərqşünaslıq fakültəsi yaradıldı, avropa dilləri üzrə isə ayrıca institut yaradıldı. Rus dili, ədəbiyyat isə Pedoqoji İnstitutda qaldı. Fikirləşdim, sənədlərimi götürüb verim universitetə, ya yox? İmtahana bir həftə qalmışdı. Fikrimi dəyişdim. | 
|
Pedaqoji Universitetinə qəbul olundu.[1]
1959-cu ilin qışında elan olunan diktorluq müsabiqəsində bəxtini sınadı, ancaq onu seçmədilər. 1960-cı ildə keçirilən müsabiqədə isə qalib gəldi. Rejissor Kamil Rüstəmbəyovun "Aygün" filmində epizodik rolda çəkildi. Xurşidbanu Natəvanın heykəlinin açılışında öz yazdığı şeiri oxudu.
|
|
Özü də həmişə deyirəm ki, mən gözəl qız olmamışam. Qarayanız, sadə qız idim. Kosmetika çəkmirdim. Buna baxmayaraq diktor seçildim. |
|
170 nəfər arasında təkcə o qəbul olundu. Beləliklə, 1960-cı il avqustun 22-də ilk dəfə efirə çıxdı. Həmin vaxt ilk peşəkar diktor ştatı onun üçün açılmışdı.[1]
"Dünya” Ana və Uşaq İctimai Birliyinin və Dünya Azərbaycanlıları Konqresi Qadınlar Şurasının sədri Dünyaxanım Əliyevanın təşəbbüsü və Azərbaycan Mədəniyyət və Turizm Nazirliyinin dəstəyi ilə 2010-cu il sentyabr ayının 27-də Gənc Tamaşaçılar Teatrında yaradıcılığının 50 illiiyi ilə yubiley gecəsi keçirilib.[2]
Mükafatları
[redaktə | mənbəni redaktə et]2010-cu ilin avqustun 25-də KİV Həmkarlar İttifaqının "Qızıl qələm" mükafatına layiq görülüb.
Ailəsi
[redaktə | mənbəni redaktə et]1 qızı, 2 nəvəsi var idi.[1]
Vəfatı
[redaktə | mənbəni redaktə et]Xərçəngdən əziyyət çəkən aparıcı 1 may 2019-cu ildə Bakıda vəfat etmişdir.[3]
İstinadlar
[redaktə | mənbəni redaktə et] | Bu məqalədəki istinadlar müvafiq istinad şablonları ilə göstərilməlidir. |
- ↑ 1 2 3 4 5 Xəyalə MURADLI. "Natəvan Hacıyeva" (az.). lent.az. 2019-05-01 tarixində orijinalından arxivləşdirilib. İstifadə tarixi: 2019-04-17.
- ↑ "Tanınmış əfsanəvi diktor Natavan Hacıyevanın Yaradıcılıq Gecəsi keçiriləcək". 2019-05-01 tarixində arxivləşdirilib. İstifadə tarixi: 2019-05-01.
- ↑ "Natavan Hacıyeva vəfat etdi". 2019-08-21 tarixində arxivləşdirilib. İstifadə tarixi: 2019-05-01.
Xarici keçidlər
[redaktə | mənbəni redaktə et]- 1942-ci ildə doğulanlar
- Bakıda doğulanlar
- 1 mayda vəfat edənlər
- 2019-cu ildə vəfat edənlər
- Bakıda vəfat edənlər
- Azərbaycan Dövlət Pedaqoji Universitetinin məzunları
- Azərbaycan SSR əməkdar artistləri
- Azərbaycan Respublikasının əməkdar artistləri
- "Qızıl qələm" mükafatı laureatları
- Azərbaycanda xərçəng xəstəliyindən ölənlər