Vikipediya:Kənd meydanı

Village pump sections

Policy

post, watch, search
Discuss existing and proposed policies

Technical

post, watch, search
Discuss technical issues about Wikipedia

Proposals

post, watch, search
Discuss new proposals that are not policy-related

Idea lab

post, watch, search
Incubate new ideas before formally proposing them

WMF

post, watch, search
Discuss issues involving the Wikimedia Foundation

Miscellaneous

post, watch, search
Post messages that do not fit into any other category

View all village pump sections at once

1915 — I Dünya Müharibəsi

Salam. 9 maya aid olan "Tarixdə bu gün" bölməsində səhv cümlə verilib. "1915 — I Dünya Müharibəsi: Fransa və Almaniya qüvvələri arasında İkinci Artois Müharibəsi baş verdi" bu cümlə səhvdur. Çünki məntiqlə düşünsək də müharibə içində müharibə yox döyüş olar. Burata Artois müharibəsi yox Artois döyüşü olmalıdır. Bunu zəhmət olmasa redaktə edin. --RM-WaRRioR (talk) 12:24, 9 may 2012 (UTC)

Artıq bir həftəyə yaxındır ki, vaxt keçib amma heç kim iradıma münasibət bildirməyib. --RM-WaRRioR (talk) 16:24, 15 may 2012 (UTC)

Narahatçılığınıza əsas görmürəm. Məsələn SSRİ-Finlandiya müharibəsi Ikinci Dünya Muharibəsi deyilmi? --Aydın Məmmədov 04:03, 20 may 2012 (UTC)

Aydın. O tamam başqa şeydi axı. Burada sırf döyüşdən söhbət gedir. SSRİ-Finlandiya isə geniş anlamlıdır.Onda Çaldıran döyüşü Çaldıran Müharibəsidir? Yoxsa Stalinqrad döyüşü Stalinqrad müharibəsidir? Tarixi ədəbiyyatda hamıya çox gözəl məlumdur ki, Artois müharibə yox, döyüş adıdır! --RM-WaRRioR (talk) 20:14, 20 may 2012 (UTC)

Yəqin ki, türk dilindən tərcümə edilməsinin nəticəsidir. Türkcə "muharebe" sözü döyüş mənasında işlənir. Sovet-Fin münaribəsinin isə II Dünya müharibəsinə heç bir aidiyyatı yoxdur. Yəqin 1939-cu il Polşanın Sovet işğalı ilə səhv salırsınız. Wertuose (talk) 21:08, 20 may 2012 (UTC)

Hörmətli Werthouse! Onda zəhmət olmasa onu düzəldin bir admin olaraq.Həm də ki, aşağıdakı keçidlərə daxil olun. Orada mən fikir bildirmişəm amma görünür cavab vermək istyən yoxdur. http://az.wikipedia.org/wiki/Müzakirə:Cüdo http://az.wikipedia.org/wiki/Vikipediya_müzakirəsi:Tarixdə_bu_gün/may_5 http://az.wikipedia.org/wiki/Müzakirə:Əli_bin_Əbu_Talib http://az.wikipedia.org/wiki/Müzakirə:Sonuncu_şam_yeməyi_(Leonardo_da_Vinçi) --RM-WaRRioR (talk) 22:04, 20 may 2012 (UTC)

• Məsələ əvvəl belə qoyulmuşdu ki "...məntiqlə düşünsək də müharibə içində müharibə yox döyüş olar". Mən də bu fikrin səhv olduğunu göstərmək üçün Sovet-Fin müharibəsini misal çəkdim, yəni müharibənin içində müharibə ola bilər. O ki qaldı hörmətli Werthouse'nin Sovet-Fin mwharibəsini İkinci Dünya muharibəsi hesab etməməsinə, bu mövqeyində yanlız bir haqlıdırsa, daha çox haqlı deyil. Başqa sözlə, həmin müharibə, yalnız keçmiş SSRİ və indiki Rusiya tarixçiləri tərəfindən ayrıca müharibə hesab edilir, amma bütün dünyada bu müharibə İkinci Dünya müharibəsinin bir hissəsi hesab edilməkdədir və bu barədə elə RuVikidə yazılıb: По мнению ряда зарубежных историков, эта наступательная операция СССР против Финляндии относится ко Второй мировой войне[11]. В советской и российской историографии эта война рассматривается как отдельный двусторонний локальный конфликт, не являющийся частью Второй мировой войны.... Aydın Məmmədov 23:06, 20 may 2012 (UTC)

Hörmətli Aydın! Nəyə görə Sovet-Fin məsələsini belə qabağa apardınız? Biz burada İkinci Artoisdən danışırıq. Onda mənə bir etibarlı mənbə göstərin ki, orada yazılsın ki, Fransa və Almaniya arasında İkinci Artois müharibəsi adlı müharibə baş verib. Özüdə 1915-ci ildə. --RM-WaRRioR (talk) 07:39, 21 may 2012 (UTC)

Siz mənim yazdığımı diqqətlə oxumursunuz, ona görə də bir daha təkrar edirəm, "Məsələ əvvəl belə qoyulmuşdu ki "...məntiqlə düşünsək də müharibə içində müharibə yox döyüş olar". Mən də bu fikrin səhv olduğunu göstərmək üçün Sovet-Fin müharibəsini misal çəkdim, yəni müharibənin içində müharibə ola bilər. ", mən sizin yazdıqlarınıza yalnız bu nöqteyi-nəzərdən yanaşmışam. Artois müharibəsi, yaxud döyüşü haqqında isə mənim ümumiyyətlə məlumatım yoxdur. Onu da əlavə edim ki, müharibə dövlətlə dövlət arasında olur, dünya muharibəsi isə dövlətlər arasındakı müharibələrdən ibarətdir. Aydın Məmmədov 16:39, 24 may 2012 (UTC)

Məsələ elə qoyulmayıb. Siz elə anlamısınız. Məsələ qoyularkən orada olan misallara fikir bildirmək lazım deyil. Əsas konkret ideyaya fikir bildirmək lazımdır. Yoxsa məsələ belə qoyuldu, məsələ belə götürüldü. Bununla boş yerə mübahisə etməyə lüzum yoxdur. Məsələni bilmirəm amma əsas ideya ondan ibarət idi ki, Artois müharibə yox döyüşdür. Vəssalam. Yoxsa məsələni belə qoydum, elə götürdümə fikir bildirsək onda vahid nöqtəyə yumruq vura bilmərik. --RM-WaRRioR (talk) 21:31, 24 may 2012 (UTC)

Siz ürəyinizdə çox şey fikirləşə ilərsiniz, amma sizin ürəyinizdə nə fikirləşdiyinizi biz haradan bilək? Biz sizin yalnız yazdığınızı oxuyub, nə yazmısınızsa onu başa düşə bilərik. Birinci siz yazmısınız, yaxşı olardı ki nə yazdığınıza bir daha diqqət yetirərsiniz: "Çünki məntiqlə düşünsək də müharibə içində müharibə yox döyüş olar", məsələni belə qoymusunuz, mən də buna uyğun cavab yazmışam. Sonra əbəs yerə məni günahlandırmağa çalışırsınız ki, guya məsələni belə qoymamısınız?! İndi "məntiqlə götürsək" sizin bu hərəkətinizə nə ad vermək olar? Öz səhvinizə görə mənə niyə irad tutursunuz? Aydın Məmmədov 22:35, 24 may 2012 (UTC)

Məsələ qoymaq nədir? Diqqətlə oxusan görərsin ki, mən nə yazmışam: "Burata Artois müharibəsi yox Artois döyüşü olmalıdır. Bunu zəhmət olmasa redaktə edin." Vəssalam. Yoxsa məsələni necə qoydum götürdüm laızm deyil.Mən onu özüm redaktə edə bilsəydim burada heçnə yazmazdım. Heç kimi günahkar saymıram. Çünki mən səhv etməmişəm. İstisnalar həmişə olur. Bu məsələdə də Sovet-fin istisnadır. Vəssalam. Mən burada heç kimlə mübahisə etmək istəmirəm kompyuter arxasında. Əgər sözünüz varsa 050-503-66-92 zəng edə bilərsiniz.--RM-WaRRioR (talk) 06:50, 25 may 2012 (UTC)

RM-WaRRioR, bunu siz yazmamısınız: "Çünki məntiqlə düşünsək də müharibə içində müharibə yox döyüş olar"?! Mən də sizə cavab verdim ki müharibə içində müharibə ola bilər! Siz yalnız sonrakı izahatlarınızla fikrinizi tamamlaya bilmisiniz. Siz birinci nə yazmısınızsa mən də onu oxuyub cavab yazmışam. Mən sizin ürəyinizdə nə fikirləşdiyinizi haradan bilim? Siz fikrinizi düz yaza bilməmisinizsə, bunda məni niyə günahlandırmağa çalışırsınız? Sizin yerinizdə olsaydım, telefon nömrəsi vermək əvəzinə, belə yazardım: "Üzr istəyirəm, mən əvvəlcə fikrimi düz yaza bilmədim, mən əvvəl elə yox, əslində belə yazmalı idim..." - vəssəlam, qurtardı getdi. Yoxsa başlamısınız ki "siz anlamırsınız", nə bilim nə. Nəyi anlamırıq? "Çünki məntiqlə düşünsək də müharibə içində müharibə yox döyüş olar"- bu sizin cümlə deyil?! Burada demirsiniz ki müharibənin içində müharibə olmaz?! Bunu düz anlamamışıq? Nə yazmısınızsa, biz də onu oxumuşuq və cavab yazmışıq! Aydın Məmmədov 16:29, 26 may 2012 (UTC)

Sən deyəsən yazıları görmürsən. Diqqətlə oxu mən onun sonunda nə yazmışam. "Burata Artois müharibəsi yox Artois döyüşü olmalıdır. Bunu zəhmət olmasa redaktə edin" Əsas bu məsələni həll etmək lazım idi. İstisnanı gözümə soxmaq lazım deyil . Vəssalam. Burada daha heç kimdən cavab istəmirəm heç kimdən qorxmuram və çəkinmirəm. Artıq-əskik sözün olsa zəng elə birbaşa üzümə de kişi kimi danışaq. Vəssalam --RM-WaRRioR (talk) 17:17, 26 may 2012 (UTC)

Yaxşı, sonrakı cümləni də oxudum: "Burata Artois müharibəsi yox Artois döyüşü olmalıdır", - hə, sonra? - axı burada sual yaranır, nəyə görə Artois müharibəsi yox Artois döyüşü olmalıdır? - bunun da cavabını əvvəlki cümlədə verirsiniz: Çünki məntiqlə düşünsək də müharibə içində müharibə yox döyüş olar"! İndi nə istəyirsiniz? Yenədəmi iddia edəcəksiniz ki mən sizi başa düşməmişəm? Bəlkə artıq etiraf edəsəniz ki siz fikrinizi əvvəlcə düz yazmamısınız? Bir də ki səhvinizi etiraf etməkdən niyə belə qorxursunuz, başa düşmürəm? Əmin olun ki, səhvinizi etiraf etsəniz və üzr istəsəniz, istifadəçi kimi sizin nüfuzunuza heç bir xələl gəlməyəcək. Əksinə, digər istifadəçi ilə "sən" deyə danışmağınız və qeyri-etik ifadələr işlətməyiniz, istifadəçi kimi sizi hörmətdən salır. Siz mənə nə qədər hörmətsizlik etsəniz də mən hörmətdən düşməyəcəm, belə ki mən yalnız özüm elədiyim pis hərəkətlərə görə hörmətdən düşə bilərəm, gördüyünüz kimi mən də elə hərəkətə yol vermirəm. Başqa sözlə, siz öz "mədəniyyətinizi" göstərirsiniz, mən də öz mədəniyyətimi nümayiş etdirirəm.Aydın Məmmədov 18:05, 26 may 2012 (UTC)

1. Mən səhv etsəydim boynuma alardım. Mən səhv etməmişəm. Sən istisna bildirməklə mövzunu apardın başqa istiqamətə. Mən heç kimdən qorxmuram və çəkinmirəm. Səhv etsəydim kişi kimi boynuma alardım. Sən mənim fikrimdə əsas ideyaya yox orada olan sözlərə fikir bildirdin. Yuxarıdakı rəylərdə yazmışam ki, başqa ifadələrə yox əsas ideyaya fikir bildirmək lazımdır ki, məsəlçün "Oldu. Səhvi düzəldərik". Yoxsa Sovet-fin məsələsini ortaya atmaqla səhvi ört-basdır etmək istəyirsiniz? Yenə deyirəm. Mən səhv yazmamışam. Sən fikrimdə olan sözə istisna olan fakt bildirməklə əsas ideyadan uzaqlaşdın. Bu isə çürükçülükdür. Artıq rəylər yazmaq əvəzinə bir idarəçi (səhv etmirəmsə idarəçisən) olaraq səhvi düzəltsəydin daha yaxşı olardı. Yoxsa hər fikirdə bir istisna yazmaq və bir ifadəni qucaqlamaq lazım deyil. Yenə deyirəm. Heç kimdən qorxmuram və çəkinmirəm. Səhv mənim deyil sənindi. Üzr istəməyə qalınca Artois müharibəsininin dəyişilib döyüş olması elə sənin üzür istəməyin kimi qəbul olunacaq mənim tərəfimdən. --RM-WaRRioR (talk) 18:34, 26 may 2012 (UTC)

Əlbəttə ki siz əvvəlcə səhv eləməmişdiniz, bununla razıyam. Amma siz də nəhayət, razılaşın ki, əvvəlcə fikrinizi bitirə bilməmisiniz, başqa sözlə, fikrinizi istədiyiniz kimi yaza bilməmisiniz. Səhvləri isə onda etdiniz ki, əsasız olaraq, məni sizin yazdığınızı guya düz başa düşməməkdə günahlandırmağa çalışdınız?! O ki qaldı Artois müharibəsinə, mən axı yazmışam ki, ümumiyyətlə bu məni maraqlandırmır, mən heç bilmirəm bu nə vaxt olub, niyə olub! Sizin üçün yəqin aydındır ki məqalənin adının dəyişilib-dəyişilməməsi də mənim üçün maraqlı deyil. O ki qaldı idarəçı olmağıma, yox, mən də sizin kimi istifadəçiyəm. Aydın Məmmədov 18:57, 26 may 2012 (UTC)

Anladım. Söhbət bağlandı.--RM-WaRRioR (talk) 19:14, 26 may 2012 (UTC)

Ok. Etiraz etmirəm. Aydın Məmmədov 19:32, 26 may 2012 (UTC)

Şəkil

Salam. Mən telekörpü məqaləsini yaratmaq istəyirəm. Şəkil ilə bağlı problem var. Telekörpü ilə bağlı bu (http://www.lent.az/news.php?id=69082) xəbərdə şəkillər var. Həmin şəkillərdəndən heç olmasa bir ədədindən istifadə etmək istəyirəm. Bunun üçün sözügedən xəbər agentliyindən icazə almalıyam? Yoxsa mənbəni qeyd etməklə kifayətlənmək olar? --RM-WaRRioR (talk) 16:24, 15 may 2012 (UTC)

niyə sualıma cavab vermirsiniz? --RM-WaRRioR (talk) 16:24, 15 may 2012 (UTC)

Salam. Sözü gedən xəbər agentliyindəki şəkillərdən icazəsiz istifadə etmək olmaz. Çünki səhifənin sonunda "Müəllif hüquqları qorunuq" sözləri yazılıb. Hörmətlə, --Irada (talk) 16:33, 15 may 2012 (UTC)

Bəs həmin agentlikdən icazə almaq olar? Olarsa bunu necə etməliyəm? --RM-WaRRioR (talk) 17:10, 15 may 2012 (UTC)

Mən sizin yerinizə olsaydım, sayt ilə əlaqə saxlayar və şəkillər barədə icazə alardım. --Baskervill (talk) 17:15, 15 may 2012 (UTC)

İki ədalətsiz idarəçi

İlk öncə bütün vikipediyaçılara salam. Bu son vaxtlarda iki idarəçinin, hörmətli Acategorynin və hörmətli Sortilegusun istifadəçilərə qarşı etdikləri ədalətsizliklər artıq Az.Viki üçün mənfi nəticələrini göstərib. Xüsusi ilə məhsuldar istifadəçilərin bloklanması və Az.Vikidə olan problemlərə qeyri-ciddi yanaşmaları. Fikrimi əsaslandırmaq üçün hörmətli Acategorynin idarəçi olmasına baxmayaraq 81 gün fəaliyyət göstərməməsi, məhsuldar istifadəçi Мурад 97un cəzasının yarısını çəkməsinə baxmayaraq ona şans verməməsi, onun idarəçi işinə qeyri-ciddi yanaşmasının göstəricisidir. Hörmətli Sortilegusun isə digər məhsuldar istifadəçi Rovshan.95 bloklaması və ingilis dilini bilmədiyi halda 2 dəfə Az.Vikini Vikimaniyada təmsil etməsi. Həmin idarəçilərin istifadəçilərə qarşı etdikləri bu ədalətsiz hərəkətləri heç kəs rəğbətlə qarşılamır. Hörmətlə:--Qara xan 19:30, 11 may 2012 (UTC)

Qara xan siz nəyə əsasən Sortilegusun xarici dil bilmədiyini deyirsiz??--Baskervill (talk) 09:17, 12 may 2012 (UTC)

İstifadəçinin aktiv istifadəçi olması ona digər istifadəçilərlə ünsiyyətdə aşağılayıcı tonda danışmağa haqq vermir. Onda gərək burda redaktə sayı 50-100 mini keçən istifadəçilər kimi istəyirlər təhqir eləsinlər və heç kim onlara "gözün üstə qaşın var" deməsin. Burda digər aktiv istifadəçilər də bloklanıblar. Bizdə hətta bir neçə il bundan qabaq qeyri-müəyyən müddətə bloklanmasına baxmayaraq bu gün də redaktorların statistikasında ilk onluqda olan Uannis presedenti də var. Qanunu, qaydaları pozub və bloklanıb. Burda yuxarıda adları qeyd olunan hər iki istifadəçi haqlı olaraq bloklanıblar. Sadəcə onların müdafiəsi son vaxtlar kampaniya şəklini alıb. Bununla belə hər iki istifadəçinin blok müddətinin azaldılmasını bitərəflikləri məndə heç bir şübhə doğurmayan bəzi fəal istifadəçilərin də istəməsi və onlara güzəştə gedilməsini, son bir şans verilməsini xahiş etməsi məni problemi idarəçilərin müzakirəsinə çıxarmağa vadar etdi. Müzakirənin gedişi onu göstərir ki, bloklanan istifadəçilərdən birinin blok müddətinin 1/3-i ixtisar ediləcək. Digər istifadəçiyə isə fəaliyyət göstərməyə imkan yaradılacaq, amma o artıq uzun bir müddət idarəçilərdən birinin himayəsinə alınacaq. Yəni həmin istifadəçi bilməlidir ki, onun hər hansı bir yanlışlığına görə təkcə özü yox, həm də onu himayəyə götürən idarəçi cavabdeh olacaq.

P.S. Mənim ingilis dili bilgilərim orta səviyyədən bir qədər aşağıdır. Amma ünsiyyət qurmaq, söhbət etmək üçün bu mənə bəs edir. Sadəcə onu başa düşmədim ki, istifadəçilərin bloklanması ilə mənim Vikimaniyada azvikini təmsil etməyim arasında nə əlaqə var:)--Sortilegus (talk) 16:34, 12 may 2012 (UTC)

Sortilegus, yazırsan: "Burda yuxarıda adları qeyd olunan hər iki istifadəçi haqlı olaraq bloklanıblar. Sadəcə onların müdafiəsi son vaxtlar kampaniya şəklini alıb." Hansı kompaniyadan söhbət gedir? Kimlərdir kompaniya yaradan? Xahiş edirəm aydın və vikipediya qaydalarına uyğun, yəni sübut-dəlil göstərməklə qaranlıq məqamlara aydınlıq gətirəsən. --Irada (talk) 14:36, 13 may 2012 (UTC)

İstifadəçinin məhsuldar olması ona cəzasının yarısını çəkməklə məsuliyyətdən azad olmaq hüququnu vermir. Belə bir qayda varsa əvvəlcə onu təqdim etmək lazımdır. Yalnız ondan sonra hansısa müzakirə aparmaq məqsədəuyğun olar. --Thunder Storm (talk) 17:38, 13 may 2012 (UTC)

Heç kəs idarəçiyə əmr edə bilməz ki, verdiyi blok müddətini mütləq azaltsın. Bunu həmin idarəçidən xahiş etmək olar və ya ümumi konsensusa gələrək həll etmək olar. Digər məsələ blokun viki-qaydalara zidd olaraq qoyulmasıdır ki, bu məsələnin də ümumi razılığa gələrək həll olunmasının daha düzün olduğunu hesab edirəm.--Irada (talk) 18:16, 13 may 2012 (UTC)

Muradın bloklanması hansı viki-qaydaya ziddir? --Thunder Storm (talk) 17:50, 14 may 2012 (UTC)

Muradın bloklanması qaydalara zidd deyil. Mən yuxarıdakı şərhlərimdə Muradın adını çəkməmişəm. Amma əgər siz Muradın bloklanmasına mənim münasibətimi bilmək istəyirsinizsə, hesab edirəm ki, son 7-8 ay müddətində blokda qalması onu Vikipediya qaydalarına cidd əməl etməyə vadar edəcək. Baxmayaraq ki, bu qaydalara heç də hamı əməl etmir və onlara (mən ilk növbədə Ceklini nəzərdə tuturam) "gözün üstə qaşın var" deyən yoxdur. --Irada (talk) 05:41, 15 may 2012 (UTC)

"Muradın son 7-8 ay müddətində blokda qalması onu Vikipediya qaydalarına cidd əməl etməyə vadar edəcək" fikri son dərəcə subyektiv fikirdi. Vikipediya qaydalarında heç bir yerdə yazılmayıb ki, cəzasının bir hissəsini çəkməsi istifadəçini nəyəsə vadar edəcək. Ona qalsa başqa istifadəçilər də olub ki, bir müddət blokda qalsalar da bunun bir təsiri olmayıb. Qaydalar vahiddir və hamı ona əməl etməlidir. Cekli ilə sizin aranızda olan problemdən xəbərim yoxdur. O məsələnin bura daxil edilməsi düzgün deyil. İndiki halda Murad və Rövşənin blokundan söhbət gedir. Başqa problemləri bura daxil etməklə məsələni çürütmək heç bir nəticəyə gətirib çıxarmayacaq. --Thunder Storm (talk) 05:58, 15 may 2012 (UTC)

Vikipediyada yazılan qaydalara əməl olunmursa, yazılmayanlardan danışmağa dəyməz. Qaydaların hamı üçün olması fikri ilə isə tam razıyam. Elə mənim də istədiyim odur ki, qaydalar hamı üçün olsun. Amma təəssüf ki, Bəzən "görmədim, bilmədim, xəbərim olmadı" deməklə problemlərə göz yumanlar da az deyil. "məsələni çürütmək" ifadəsinə gəldikdə isə təhqir 100 il keçsə belə təhqir olaraq qalır. Amma nədənsə adi istehza müddətsiz bloklanmaya, təhqir isə "xəbərim olmadı"ya səbəb olur. --Irada (talk) 06:59, 15 may 2012 (UTC)

Yazılmayan hansı qaydaya əməl olunmamasından söhbət gedir? Əgər təhqir olunmusunuzsa bu barədə şikayət edin, buna aid ayrıca mövzu açılsın. Amma sizə olan təhqirə görə başqasının blokunun açılmasını tələb etmək doğru deyil. --Thunder Storm (talk) 08:50, 15 may 2012 (UTC)

Mənə olan təhqirə görə başqasının blokunun açılmasını tələb etmirəm (şikayətimi də çoxdan etmişəm - hamı bilir, hamı da susur siz də daxil olmaqla). Mən bloklama qaydalarına əməl olunmasını tələb edirəm - yuxarıda yazdığım ilk müraciətləri oxuyun [1] və Bloklama qaydasına nədən əməl olunmadığı sualıma da cavab verin.--Irada (talk) 10:11, 15 may 2012 (UTC)

Doğrudur, Rövşənin bloklanması zamanı qayda pozuntusuna yol verilib. Lakin bu, onun blokunun ədalətsiz olması anlamına gəlmir. Rövşən indiyə qədər etdiyi hərəkətlərlə qeyri-müəyyən müddətə bloku özü-özünə qazandırıb. Bu zaman yalnız bloklama qaydasına düzgün əməl etməyən idarəçiyə qarşı hansısa inzibati tədbir görülməsindən söhbət gedə bilər. Sizin Cekli ilə aranızda olan problemdən isə zamanında xəbərim olmayıb. Məni haqsız yerə etmədiyim bir şeyə görə günahlandırmayın. --Thunder Storm (talk) 12:05, 15 may 2012 (UTC)

Nəhayət ki..."Rövşənin bloklanması zamanı qayda pozuntusuna yol verilib" şərhiniz mənə bəsdir. Rövşənin günahları da göz qabağındadır. Yenə təkrar edirəm, yuxarıda da yazmışam bir günaha görə iki bloku dalbadal qoymazlar... Nə isə...Sizə "Yazılmayan qaydalar" haqqındada fikrimi bildirmək istəyirəm - Yazılmayan qaydalar dedikdə adi insanlıq nəzərdə tutulur. Həm də böyüyə, qadına hörmət, özündən kiçiklərə qayğı... Bəzi viki istifadəçilər yazır ki, bura Virtual layihədir və burada böyük-kiçik, qadın-kişi məsələlərinə baxılmır. Şəxsən mən belə düşünürəm ki, qadına, böyüyə hörmət (virtual aləmdə və ya real aləmdə fərqi yoxdur) adi etik normadır... Mən Sizi heç nədə günahlandırmıram. Əksinə, maraqlı müzakirəyə görə Sizə təşəkkür edirəm. Hörmətlə, --Irada (talk) 12:27, 15 may 2012 (UTC)

Minnətdaram. Əsas mövzudan kənara çıxmadan son fikrimi bildirirəm. Hər iki istifadəçi, həm Murad, həm də Rövşən aldıqları cəzaya layiq fəaliyyət göstəriblər. Konkret bu mövzuda danışsaq, siz də etiraf etdiniz ki, onların günahı var. Günah varsa, cəza da olmalıdır. Əks halda burada xaos yaranacaq. İndiki halda ideal seçim onların hər ikisinin cəzasının olduğu kimi saxlanılmasıdır. Bu, daha sonra baş verə biləcək mümkün qalmaqallar üçün də yaxşı presedent olacaq. İstifadəçi qaydaları pozmazdan qabaq ona qarşı qəti tədbir görüləcəyindən əmin olmalıdır. Əsas olan belə bir mühitin yaradılmasıdır. --Thunder Storm (talk) 12:38, 15 may 2012 (UTC)

Hörmətli Sortilegus zəhmət olmasa kompaniya məsələsinə aydınlıq gətirin.--Baskervill (talk) 18:01, 13 may 2012 (UTC)

Bir bloklanan istifadəçinin blokunun götürməsini istəyən istifadəçi özü idarəçilərdən biri ilə aşağılayıcı tonda danışdığına və bu hal artıq neçənci dəfədir ki, təkrar olunduğuna görə bloklanıb. Ümumiyyətlə, kampaniyanın aparılmasını sezməmək çətin məsələdir. Bizdə haradasa 7-8 istifadəçi var ki, bir qayda olaraq onların mövqeləri haqlı oldu, haqsız oldu bütün mübahisəli məsələlərdə, səsvermələrdə üst-üstə düşür. Say o qədər də çox olmadığına görə bu çox vaxt əhəmiyyətli olmur. Amma müəyyən məsələlərdə öz təsirini göstərir. Amma dediyim ki, bloklanma məsələsi idarəçilərin müzakirəsinə çıxarılıb və yəqin ki, müsbət həllini tapacaq. Buna görə kənd meydanında da artıq neçənci dəfədir ki, bu formada müzakirələr başlatmağa ehtiyac yoxdur.--Sortilegus (talk) 03:52, 14 may 2012 (UTC)

İstifadəçilərin fikirləri üst-üstə düşürsə bunu kompaniya adlandırmaq çox pis bir haldır. Hələ bunu idarəçi tərəfindən deyilməsi ümumiyyətlə yolverilməzdir. Amma az-vikidə o qədər viki qaydalarına zidd hallarla rastlaşıram ki, artıq yuxarıda dediyim kimi heç nəyə təəccüblənmirəm.--Irada (talk) 04:29, 14 may 2012 (UTC)

Yuxarıdakı müzakirələri oxudum. Mənzərə tam aydındır. Rovshan.95-in blokunu qaldıracam (onu bloklayan idarəçi kimi yəqin ki, bunu mən etməli olacam). Onun bloklanmasında heç bir qayda pozuntusu yoxdur. Bloku qaldırmaq da problem deyil - statistikadan görünür ki, bu istifadəçi qeyri-müəyyən və ya ən azı 1 illik müddətə bloklanmalıdır ki, azvikinin işinə mane olmasın. Əks halda, təxminən belə olacaq - 2 həftə bloklanacaq, sonra gəlib 50-100 redaktə edəcək, sonra yenə təhdid və təhqir - sonra yenə 2 həftə blok. Belə-belə blok almaq üzrə 1-ci yeri tutacaq (indi də elə səhv etmirəmsə 1-ci yerdədir). Bu istifadəçi digər istifadəçilərə qarşı kobud davranmaq, təhdid və təhqir üzrə artıq püxtələşib. İdarəçiləri də təhqir etməkdən, deyəsən, xüsusi zövq alır. Məsələn, idarəçilərə ismarıcı. Bilmirəm bunu yazanda Rovshan.95 idarəçilər siyahısında hörmətli xanım idarəçimiz Irada-nı da nəzərdə tutub, ya yox? Əgər nəzərdə tutubsa, mən bizim xanım idarəçimizin yuxarıda qeyd etdiyi - azvikidə tez-tez təhqir olunması ilə bağlı gileylərini anlayıram. Amma Rovshan.95-in burda bundan sonrakı fəaliyyəti ancaq ona görə mümkün olacaq ki, Irada onu öz himayəsinə götürüb. Ən kiçik qüsuruna görə himayəyə götürən idarəçi cavabdeh olacaq.--Sortilegus (talk) 14:35, 15 may 2012 (UTC)

Sortilegus, mən az-vikidə yalnız bir idarəçi tərəfindən tez-tez təhqir olunuram ki, sən də onu deyəsən öz himayənə almısan. Çünki belə olmasaydı heç olmasa ona xəbərdarlıq edərdin və belə istehzalı yazılar yazmazdın. Bütün bu olanların da günahını mən şəxsən səndə görürəm. Rövşən bütün bu olanları görür və cavan olduğuna görə böyüklərdən, əsasən də sizin kimi idarəçilərdən ibrət götürür. O düşünür ki, nədən idarəçi təhqir, istehza edə bilər mən yox? Mən sözümün üstündə dururam və yenə də bildirirəm ki, himayəmdə olan istifadəçi qaydaları pozarsa bloklanacaq. Bəs sən nə söz verirsən? Məni təhqir edən cavabını alacaq, yoxsa elə belə də davam edəcək? Əgər məni təhqir edənin etdiyi qələt sənə xoşdursa zəhmət çəkib cavab vermə!--Irada (talk) 16:23, 15 may 2012 (UTC)

Aydındır problem. Əvvəlcə onu yazım ki, yuxarıdakı "qələt" sözü təhqir deyil, "səhv", "yanlışlıq" mənasında başa düşülməlidir. Digər bir məsələ - mənim günahım nədədir? Konkret yaz ki, "bunu et-bunu et" - mən də edim. İdarəçi idarəçini himayəsinə ala bilməz. İdarəçi idarəçini bloklaya da bilməz (bizdə buna cəhd olub 1 dəfə - təbii ki, uğursuz). Burda bir vaxtlar mən 1 istifadəçini himayəmə götürməyi təklif etmişəm. Himayəçilik olmayıb, amma istifadəçi bu günə qədər normal, bloklanmadan fəaliyyət göstərir. Rovshan.95-in blokunu indi götürürəm. Ona fəaliyyətində uğurlar arzu edirəm - idarəçilərdən ancaq yaxşı nümunələri götürsün:)--Sortilegus (talk) 17:54, 15 may 2012 (UTC)

Rövşənin blokunun açılması buradakı onsuz da yüksək olan hərc-mərcliyin daha da artmasına gətirib çıxaracaq. Yəni qaş düzəldən yerdə vurub gözü də çıxaracağıq. --Thunder Storm (talk) 18:13, 15 may 2012 (UTC)

Rövşənin blokunun açılması tam düzgündür. Əgər bir şəxs birdə eyni hərəkətə yol verməyəcəyi barədə təminat verirsə, niyədə olmasın? Azvikidə onsuzda sayımız azdır. Olan qalan bir neçə nəfəridə bloklamağnan heç nə əldə etməyəcəyik. Rovshan.95 blokunun açılması münasibəti ilə təbrik edirəm və ümüd edirəm ki, bu şad xəbəri ən qısa zamanda Muraddanda eşidəcəyik.--Baskervill (talk) 18:24, 15 may 2012 (UTC)

Blok artıq götürülüb. Hərc-mərclik burda yüksək səviyyədə deyil. Yuxarıda yazmışdım - müəyyən kampaniya şəklində fəaliyyət olur, bəzi səsvermələrdə bu kampaniyanın effekti aydın sezilir, amma hər halda burda artıq 12 idarəçi var və onlardan da gündəlik 7-8-i azvikiyə baş çəkir, nəzarət edir. Rövşən də indi bizim ana səhifədə olan "Tarixdə bu gün" bölməsinin əsasını qoyan istifadəçilərdəndir. Amma mən çox təəssüf edirəm ki, belə bir istifadəçi indiki halda idarəçi himayəsi altında fəaliyyət göstərməli olacaq və fəaliyyət məsuliyyətini bölüşəcək. İstifadəçi onu bilməlidir ki, bundan geri yol yoxdur - uçurumdur. Və o yanlış fəaliyyət göstərsə həmin uçuruma özüylə birgə əlindən tutub bir nəfəri də yuvarlada bilər. --Sortilegus (talk) 18:40, 15 may 2012 (UTC)

Sayımızın az olması kimlərəsə qaydaları tapdalayaraq cəzasız qalmaq hüququnu vermir. --Thunder Storm (talk) 18:41, 15 may 2012 (UTC)

Verman1, Rövşənin blokunun açılmasını niyə bu qədər etirazla qarşılayırsınız? Baxıram burdakı müzakirələrə o qədər də qoşulan istifadəçi deyilsiniz. Yəni bu qədər önəmlidir sizin üçün bu blok məsələsi? Rövşənin blokunun açılması fəaliyyətinizə hər hansı bir təsir göstərəcək?--Emin | mesaj 18:47, 15 may 2012 (UTC)

Gəlin müzakirəni bitirək. Bəzi dəyərli və fəal istifadəçilərimizi belə müzakirələrə cəlb etməklə azvikinin inkişafına mane oluruq. Yuxarıda yazmışdım ki, 7-8 istifadəçi kampaniya şəklində fəaliyyət göstərir - müzakirələr bu tonda davam etsə mən 9-cu olacam:) 1 "sevimli" istifadəçinin bloku götürülüb, digərinin blokunun götürülməsi o biri "ədalətsiz" idarəçilikdir:)--Sortilegus (talk) 19:03, 15 may 2012 (UTC)

Hörmətli Sortilegus, son qərarınıza görə təşəkkür edirəm. İnşallah yaxın günlərdə hörmətli idarəçimiz Acategory-dən də Мурад 97 barəsində eyni addımı gözləyirəm.→Vago ^ms 07:15, 16 may 2012 (UTC)

Əzizlərim. Gəlin mehriban olaq. Hamı bir-birinə hörmət eləsin. Mən burada rəyləri oxudum. Sanki uşaq kimi davranırsınız. Yəni biri 1 cümlə yazır onun cümləsində 1-2 sözü açıb təhlil etmək, bu kinayədir, bu metaforadır, o bədii sualdır və s. kimi gülünc ifadələr işlətmək lazım deyil. Yazıda 1-2 sözə yox orada olan ideyaya fikir bildirək. Yoxsa mən sənin 10 cümlədən ibarət olan yazında 5-ci cümlənin, 3-cü sözünü bu təhiqrdi, bu nə deməkdir?, bu kinayədir və s. demək lazım deyil. Burada heç kim heç kimi təhqir etməz. Edən də cəzalanar. Ona görə də bir-birinizə hörmət edin. Kişi istifadəçilərin problemi varsa nömrələrin verib görüşüb özləri sivil qaydada həll etsinlər. Yoxsa kompyuter arxasında söyüş söymək, təhqir etmək nəyə lazım? Onsuzda çox balaca olan AzViki ailəsini bir az daratlmaq və orada mübahisələr yaratmaq bizə + yox + təsirlər göstərə bilər. Hamıya hörmət! --RM-WaRRioR (talk) 20:10, 15 may 2012 (UTC)

→Vago ^ms 07:15, 16 may 2012 (UTC)

İdarəçinin idarəçini bloklanması barədə

Rus və ingilis dillərindəki vikipediyalarda (türk və digər vikilərdəki vəziyyətdən xəbərim yoxdur) idarəçi başqa idarəçini bloklayırsa, bloklanmış idarəçi öz blokunu aça bilməz, əks halda səsvermə yolu ilə onu idarəçilikdən çıxarırlar. Bloklanmış idarəçinin bloku yalnız idarəçi forumunda problemi tam təhlil etdikdən sonra idrəçilərin ümumi razılığı və ya səsverməsi ilə vaxtından əvvəl açmaq olar. Amma bizdə...--Interfase (talk) 18:44, 15 may 2012 (UTC)

Hörmətli Interfase. AzVikidə fəaliyyət göstərdiyim müddətdə idarəçinin özü-özünün blokunu açmasına bir neçə dəfə şahid olmuşam:

1. İradə xanım özü-özünü bloklayıb, sonra da blokunu açıb (1 dəfə);
2. İradə xanım Cekli928-i bloklayıb, Cekli829 öz blokunu açıb (3 dəfə);
3. Cekli829 İradə xanımı bloklayıb, İradə xanım öz blokunu açıb. ((3 dəfə))

Mənə elə gəlir ki, köhnə hesabları qapadıb, AzVikinin inkişafı üçün bundan sonra nə etmək lazımdır, onu düşünmək daha yaxşı olardı. Siz necə fikirləşirsiniz?→Vago ^ms 07:42, 16 may 2012 (UTC)

Hörmətli, Vago! Mən öz-özümü 100 dəfə də bloklayıb aça bilərəm :) Bu bütün Vikilərdə adi haldır. Yəni çox zaman idarəçilər test xətrinə və ya müəyyən yoxlamalarla öz user adları üzərində test edirlər. Testə görə başqalarını bloklamayacaqlar ki :)). Sizi anlayıram :) Gələn seçkilərdə hər şey yaxşı olar, İnşaallah!--Irada (talk) 08:06, 16 may 2012 (UTC)

Hörmətli İradə xanım, hansısa seçkini qazanmayacağın təqdirdə bunu özünə dərd etməyib, intiqam hissi ilə alışıb-yanmasan, seçkilərin nəyi pis olur ki? ) Bir məsuliyyət boynuna qoyulmur! ) Ola bilsin idarəçi seçilməməyim Sizi kədələndirsin, amma bu seçki mənim üçün keçəndəfəkindən də əla keçdi! :)

Özünüzü bloklayıb, blokunuzu açmaq məsələsinə gəlincə, eyni fəaliyyətinizi, dediyiniz kimi, istəsəniz 100 dəfə də təkrar edə bilərsiniz, amma bloklanma səbəbindəki qeydlərinizi oxuyunca, bu, Sizi tanımayan istifadəçilərə təcrübəsiz idarəçi təsiri bağışlaya bilər. Üstündən sükutla keçilən digər 3 bloklanma səbəbi isə, hörmətli Interfeysin göstərdiyi səbəblərə tam müvafiq gəldiyinə görə, istəmirəm ki, Sizin kimi təcrübəli idarəçinin belə fəaliyyəti səbəbinə, hörmətli İnterfeysin təbirincə, vikipediya qaydalarına müvafiq olmadığına görə bloklanması məsələsi bu sevincli günlərimdə gündəmə gətirilsin. Interfeysdən də məsələnin qapadılmasını, bu şərhinə görə rica edirəm. →Vago ^ms 08:24, 16 may 2012 (UTC)

Digər blok məsələlərin üzərindən sükutla keçməyimin səbəbini elə bilirdim ki, siz xatırlayırsız. Amma indi ki, xatırlamırsız yada salım: ilk olaraq digər idarəçini mən bloklamışdım (səbəbi şərhdə) və onun bloku açaraq qisas blokunu qoymağa ixtiyarı yox idi. Budur məsələ. Təcrübəli idarəçi məsələsinə gəldikdə isə: insan ömrü boyu öyrənir və odur ki, mən özümü təcrübəli saymıram. O dərəcədə təcrübəli olsaydım stüardlığa iddialı olardım. Sizi narahat edən başqa bir sualınız yoxdur ki?--Irada (talk) 09:18, 16 may 2012 (UTC)

P.S. Köhnə hesabları qapatmaq istəyən blok arxivlərinə bu qədər vaxt sərf etməz. Bu müddətə neçə-neçə məqalə yarada bilərdiniz--Irada (talk) 09:23, 16 may 2012 (UTC)

İnterfeys həmin dövrlərdə fəaliyyət göstərməyib, onun üçün ona istinadları xatırladıram (mənə yazdığı şərhdən bu cür düşündüm ki, məsələnin kökündən deyəsən məlumatsızdır.). Sizcə həmin hadisələri xatırladıb, bunları bir kənara qoymağı, diqqəti vikipediyadakı fəaliyyətin bundan sonrakı yönlərini düşünüb-daşınmamağı təklif etməkdə səhv edirəm ki?!

İradə xanım, yuxarıdakı şərhinizlə özünüz zəminə yaradırsınız ki, məcbur oluram fikrimi izah etmək üçün keçmişdə baş vermiş bəzi hadisələri xatırlayam (təhqir olunduğum, yaxud hədə-qorxu gəlindiyim hadisələrlə işim yoxdur, çünki, həqiqətən bu məsələlərə son qoyulmasına tərəfdaram və bu barədə bur layihə də irəli sürmüşəm). Sizin bir-birinizi bloklamaq məsələniz hörmətli E-citizenin bloklanmasından sonra başladı və həmin gündə də sona yetdi... Elə şeylər vardır ki, onları yazmasaq da bir-birimizi gözəl başa düşürük. Stüardlıq məsələsinə gəlincə, mən heç bürokratlığa da iddialı olmamışam, qalmışdı stüardlıq. Əvvəldə narahat edən sualımın olmasına baxmayaraq, artıq bir sual narahat etməyə başlayıb: İradə xanım, məsələn, mən nə edə bilərəm ki, bu günə qədər olan məsələləri qatlayıb bir qırağa qoya bilək? Sizə qarşı vikipediya qaydalarından kənar davranmışamsa, üzr istəyim, başqaları bu cür davranıbsa, elə bilin ki, bunu mən eləmişəm və buna görə Sizdən üzr istəyim, yaxud da hansısa istifadəçiyə qarşı normal davranmayıblarsa, həmin istifadəçidən üzr istəyim (heç üzrümü də qəbul etməsin, bu səbəblərə görə məni bloklasınlar və s.) Xahiş edirəm ki, suala konkret cavab verəsiniz. Nəzərə alın ki, vaxtilə Barışıq layihəsi də təklif olunmuşdu, amma etinasız yanaşıldı. Müvəffəqiyətlər arzulayıram.

P.S.: Diqqətim başqa məsələlərə qarışdığında Vikipediyaya baş çəkə bilmirəm, o üzdən ola bilsin ayın 23-dən sonra fəaliyyət göstərdim (aha, 1 şərh yazmağıma "peşiman oldum", bu dar vaxtda şərhimə verilən cavablara 2-3 saatım getdi :) ). →Vago ^ms 10:18, 16 may 2012 (UTC)

İnzibatı təsir yolları ilə bağlı yeni təkliflər

Vikipediyada istifadəçilərin fəaliyyəti ilə bağlı mövcud qaydalar bugünkü vəziyyəti əsasən qane etsə də, onların müəyyən təkmilləşdirilməsinə ehtiyac vardır. Bunlardan birincisi, istifadəçilər qaydaları pozduqda onlara inzibatı təsir vasitələrinin tətbiqidir. Məqsədli surtdə cəzalandırma sözünü işlətmirəm. Burada hamı bərabərdir, bi baxımdan cəza sözü düzgün deyildir. Həmçinin nəzərə alınmalıdır ki,buraya qediyyata düşənlərin heç də hamısının həyat təcrübsəi və digərilərinin maraqlarını (yaxşı mənada) nəzərə almaq təcrübəsi yoxdur. İnanmıram ki, kimsə bura məqsədli surətdə ensiklopediya yaratmaq işini pozmağa gəlir (0istisnalar ola bilər). Sadəcə olaraq təcrübəsizlik və səbirsizlik bəzi dostlarımızı müəyyən, bəzən isə qeyri-müəyyən müddətə vikipediyadan kənarda qoyur.

Bu isə vaxtaşırı mübahisələrə, lazımsız qarşıdurmalara və enerji itkisinə səbəb olur. Bunların qarşısının alınması üçün aşağıdakıları təklif edirəm :

1. İllik və qeyri-müəyyən müddətə bloklamaq təsir vasitələri ləğv edilsin.
2. Ən ağır təsir vasitəsi - 6 aylıq bloklanmaq hesab edilsin.
3. Yeni təsir vasitəi - 3,7 günlük müzakirələrdə iştiraka qadağa metodu tətbiq edilsin.
4. İdarəçilərin tək halda ancaq bir həftə müddətinə bloklamasına icazə verilsin.
5. Bir həftə və ondan çox müddətə ancaq iki idarəşinin razılığı ilə bloklanması mümkün olsun.
6. İki idarəçi ancaq dalbadal üç dəfə birgə bloklamağa icazələri olsun.
7. Bloklanan istifadəçi azı bir həftədən (aydan) sonra bir idarəçinin əzmanəti ilə blokunun götürülməsi hüququna malik olsun. Vəziyyət təkrarlanarsa idarəçinin məsuliyyət məsləsinə baxıla bilər.

Təklifləri müzakirəyə çıxarıram və münasibət bildirməsini xahiş edirəm. Əksər istifadəçilər təklifləri bəyənərsə, onları müvafiq qaydalara dəyişiklik etmək üçün səsverməyə çıxarmaq olar.--Acategory (talk) 06:18, 15 may 2012 (UTC)

Hörmətli Acategory, əgər icazə versəniz mən yuxarıdakı təkliflərə müəyyən "redaktələr" edərdim:

• İllik və qeyri-müəyyən müddətə bloklamaq təsir vasitələrinin ləğv edilməsi məsələsidir ki, bu qayda bütün bölmələrdə var. Amma Yuxarıda da göztərdiyim kimi bizim "Bloklanma qaydaları"nda deyildiyi kimi İllik və qeyri-müəyyən müddətə bloklamağı müzakirələrdən sonra, idarəçilərin birgə razılığı ilə etmək daha düzgündür.
• Digər problem isə idarəçi özü qaydaları pozarsa və başqalarını təhqir edərsə ona hansı "cəzanın" verilməsidir. Bu məsələyə də aydınlıq gətirsəniz çox minnətdar olaram. --Irada (talk) 07:12, 15 may 2012 (UTC)

Hörmətli İradə xanım. Təkliflərinizlə bağlı aşağıdakıları bildirmək istəyirəm :

• İllik və qeyri-müəyyən müddətə bloklamaq təsir vasitələrini ləğv etmək mümükün deyilsə, onun istifadəsinə moratori (istifadə etməmək öhdəliyi) qoyaq və istifadəsi mümükün olmasın. Hesab edirəm ki, bunu etmək mümündür.
• Təklif edirəm ki, əvvəlcə yuxarıdakı məslələr üzrə razılığa gələk. Sonradan isə idarəçilərin məsuliyyət məsləsinə baxaq. Belədə iki məsələni bir-birinə qatmış oluruq və uzun-uzadı müzakirələrlə heç bir tərəfə çıxa bilməyəcəyik.--Acategory (talk) 10:25, 15 may 2012 (UTC)

Etiraz etmirəm. Hörmətlə, --Irada (talk) 10:27, 15 may 2012 (UTC)

Düşünürəm ki, qeyri-müəyyən müddətə bloklamaq məsələsi hökmən olmalıdır. Bu, bir növ real həyatda mövcud olan ömürlük həbs cəzasına bənzəyir. Hesab edirəm ki, hörmətli Acategory-nin təkliflərini də nəzərə almaq şərtilə tanınmış vikilərdən birinin təcrübəsindən istifadə etmək məqsədəmüvafidir. →Vago ^ms 07:52, 16 may 2012 (UTC)

İstifadəçilər haqqında məqalə

Yeni qeydiyyata düşən istifadəçilərə standart müraciət göndərilir. Oradakı bir abzas diqqətimi çəlb etdi. Bildirilir ki, "Vikipediya istifadəçiləri ensiklopedik şəxs deyillərsə, özləri haqqında məqalə yarada bilməzlər." Hesab edirəm ki, bu yanlış fikirdir. Belə ki, vikipediyada anonimlik prinsipi olduğuna görə istifadəçi haqqında ümumiyyətlə məqalə yaradıla bilməz. Onun ensiklopedik şəxs olması məsələsi isə mübahisəli məsələdir. Kim və hansı formada istifadəçinin məhz elan etdiyi şəxs olduğunu təsdiq edə bilər və ümumiyyətlə bu lazımdırmı ? Praktikada isə bu baş verir ki, istifadəçinin adı ilə yaratdığı məqalə adı üst-üstə düşdükdə onun silinməsi məsələsi qalxır. Buradakı hüquqi anlaşılmazlığı aradan qaldırmaq üçün təklif edirəm ki, yeni istifadəçilərə müraciətdəki sətir belə getsin "Vikipediya istifadəçiləri özləri haqqında məqalə yarada bilməzlər." --Acategory (talk) 06:03, 17 may 2012 (UTC)

Mənim isə bu məsələnin həlli ilə bağlı bir təklifim var. Təklif edirəm ki, həmin cümləni ümumiyyətlə oradan çıxaraq. Kim istəyirsə özü haqqında məqalə yaratsın. Bunun müsbət effektinin olduğunu düşünürəm. Əgər həmin məqalələrin vikidə saxlanılması mümkün olmazsa, o zaman silinsin. Əks halda isə saxlanılsın. --►CEKLİ^{de gəlsin} 06:29, 17 may 2012 (UTC)

Mən dəyişiklik edilməsinə ehtiyac görmürəm. Cümlənin məhzi eynidir. Başqaları haqda deyə bilmərəm amma şəxsən mən Az.Vikidə qeydiyyatdan keçəndə heç buna o qədər də fikir vermədim. Yəni bu cümlənin dəyişdirilməsi lazımsızdır.--Craig Rzayev 11:29, 17 may 2012 (UTC)

Dostlarımız fərq hiss etməyə bilər. Ancaq hüquqi cəhətcə istifadəçi özü haqqında, yəni vikipediya tanıdğı şərti şəxslər kateqoriyasında ad altında məqalə yarada bilməz. Ancaq biz bildirirk ki, o ensiklopedik şəxsdirdsə yarada bilər. Bu isə vikipediyanın anonimlik prinsipinə ziddir. Ona görə ki, istifadəçinin kim olduğunu özü istğməsə heç kim bilməməlidir. Eyni zamanda istifadəçi adı məqalə yaradılan şəxsin adı ilə üst-üstə düşürsə ona irad bildirilir. Ona görə də həmin abzasda düzəliş edilməsini təkluif edirəm. --Acategory (talk) 09:26, 17 may 2012 (UTC)

Mən də bir vaxtlar həmin bəndin "xoş gəldin" şablonundan çıxarılmasını təklif etmişdim. Amma xeyli iradlar oldu. Təəssüf ki, dəqiq tarix yadımda qalmadığından həmin müzakirəni tapa bilmədim. Ancaq iradlar arasında təxminən belə bir əsaslandırma vardı ki, "hətta Vikipediyanın qurucusu Cimmi Uels də nə vaxtsa envikidə özü haqqında olan məqalədə redaktə etdiyinə görə xəbərdarlıq alıb". Burda əsas o götürülür ki, şəxs özü haqqında olan məqaləni "bəzəyə" bilər. Mənim fikrim isə bu məsələdə olduğu kimi qalır - bu bənd lazımsızdır. İstifadəçi hesabı ilə şəxsin identifikasiyası (eyni adam olması) müəyyənləşdirilibsə də belə ona özü haqqında məqalə yaratmaq və həmin məqaləni redaktə etmək imkanı verilməlidir. Çünki bir adam haqqında ən dəqiq məlumatları o adam özü bilə bilər. Nəyisə səhv yazsa doğru olanla bağlı çox mənbə varsa, o mənbələr də təbii ki, istinad şəklində məqaləyə əlavə ediləcək. Digər tərəfdən isə - istifadəçi hesabı ilə şəxsliyinin eyniliyi müəyyənləşdirilmiş adam özü haqqında məqaləyə hansısa bir məlumatı əlavə etmək istəsə və ona bu qadağan edilsə, çox asan şəkildə digər istifadəçi adı ilə bunu edəcək (həmin iki istifadəçinin də IP-lərinin biri ala dağdan, biri qara dağdan olacaq). Hər halda əsaslandırılmış etiraz olmasa bəndi çıxararıq. --Sortilegus (talk) 18:53, 19 may 2012 (UTC)

Bəs başqa dildə olan vikipedialarda bu problem necə həll olunub? - hesab edirəm ki, əvvəlcə buna diqqət yetirmək lazımdır. Sonrası da ki, əgər mənim özüm haqqımda məqalə yaratmağıma icazə verilməzsə, mən hər şeyi hazırlayıb, başqa istifadəşiyə göndərə bilərəm ki, o mənim haqqımda məqaləni vikipediaya daxil etsin, - hərçənd ki mən hələlik özüm haqqımda məqalə yaratmaq fikrində deyiləm. Bir də ki istifadəçinin özü haqqında məqalə yaratmasına icazə verilməzsə, onun atası, anası, babası, qardaşı və qohum-qardaşı, iş yoldaşları, qonşuları, müdirləri haqqında məqalə yaratmasına nəyə görə icazə verilməlidir ki?! Mən sözgedən cümlədə mətnin saxlanılmasını və həmin cümlənin ardınca belə bir məzmunda daha bir cümlənin əlavə edilməsini təklif etmək istəyirdim: Vikipediya istifadəçilərinin yaxınları ensiklopedik şəxslər deyillərsə, o, onlar haqqında məqalə yaratmamalıdır. O ki qaldı kimin ensklopedik şəxs olmasına, bunu idarəçilər asanlıqla müəyyənləşdirə bilərlər, burada problem görmürəm. Məsul vəzifələr tutmuş adamlar, alimlər, şairlər və s. Amma bunları yazandan sonra daha bir problem gözümə dəydi; onda belə çıxacaq ki, istifadəçilər yaxını olmayan qeyri-ensklopedik şəxslər barədə məqlə yarada bilərlər?! Bu nöqteyi-nəzərdən, nəinki mənim təklif etmək istədiyim cümlə rədd edilməlidir, həm də barəsində daha əvvəl söhbət gedən cümlə də silinməlidir; necə ki istifadəçi özü ensklopedik şəxs deyilsə, özü barədə məqalə yaratmamalıdır, elə cə də, başqaları ensklopedik şəxslər deyillərsə, onlar barədə də məqalə yaratmamalıdır! Amma cümlə qalarsa, dolayı yolla belə çıxacaq ki, istifadəçi yalnız özü ensklopedik şəxs deyilsə, özü barədə məqalə yaratmamalıdır, amma başqaları ensklopedik şəxslər deyillərsə, onlar barədə də məqalə yarada bilər?! Nə isə, hər halda qərar çıxarmamışdan öncə, yuxarıda dediyim kimi, başqadilli vikipediaların təcrübəsini də öyrənmək lazımdır, yəni baxmaq lazımdır ki, onlar bu problemi necə həll ediblər. --Aydın Məmmədov 21:10, 19 may 2012 (UTC)

Məqalə yaradanın və ya redaktə edənin məhz məqalədəki şəxs olduğunu müəyyən etmək mümkün deyil. Ancaq kimsə mövcud cümlədən istifadə edətək ona irad bildirə bilər. Ona görə də ya cümlə çəxarılmalı ya da dədiqləşdirilməlidir. Ehtiyat edirəm ki, cümlənin heç olmaması digər qarışıqlığa gətirib çıxara bilər. Məsələn, istifadəçi Acategory özü haqqında informasiyanı istifadəçi səhifəsində deyil, ensiklopediyada yeni yaratdığı Acategory məqaləsində verə bilər.--Acategory (talk) 05:00, 20 may 2012 (UTC)

İstifadəçi Acategory ensklopedik şəxdirsə, vikipediada özü haqqında niyə də bir səhifə yaratmasın?! --Aydın Məmmədov 18:44, 20 may 2012 (UTC)

Acategory vikipediyada istifadəçidir və bu səbəbdən onun haqqında ensiklopedik məqalə yaradıla bilməz. Onun haqqında lazım bildiyi məlumatlar isə onun istifadəçi səhifəsində yerləşdirilə bilər. Ancaq bu şərti adın arxasındakı əsl şəxs ensiklopedikdirsə, əsl adı ilə (Acategory kimi yox) məqalə yaradıla bilər. --Acategory (talk) 04:24, 21 may 2012 (UTC)

Ok. Onda sözgedən cümləni elə belə də redaktə etmək lazımdır: "istifadəçi öz haqqında ensiklopedik məqalə yaradıla bilməz. Onun haqqında lazım bildiyi məlumatlar isə onun istifadəçi səhifəsində yerləşdirilə bilər. Ancaq bu şərti adın arxasındakı əsl şəxs ensiklopedikdirsə, əsl adı ilə məqalə yaradıla bilər", -hə, necədir? --Aydın Məmmədov 17:32, 23 may 2012 (UTC)

REP/RAP

AzVikidə bu söz bəzi məqalələrdə RAP kimi yazılıb, bəzisində amma REP. Elə bilirəm ki, ikisindən birin seçmək lazımdır, və o sözü bütün məqalələrdə düzəliş vermək lazımdır. Şəxsən mən istiyirəm ki, RAP sözü yazılsın, nə olsun, ki rEp kimi oxunur? Slavyan dillərində (rus, belorus) "РЭП" kimi istifada olunur, bizim dilə yəqinki o dillərdən keçib belə yazılış, əgər türk yaxud fransız dillərinə baxacağıqsa, orda RAP yazılır. Elə bilirəm ki, bu musiqi yolundan ədəbiyyət bizim dildə yoxdur (söz yenidir), onda gərəy biz seçək.--Hüseynli Zeynalabdin Cavanşir oğlu (talk) 16:12, 18 may 2012 (UTC)

Müasir türk dilində sözlər transliterasiya olunmur. Elə buna görə də RAP yazılır. Amma bizim dildə bu söz kütləvi olaraq REP kimi istifadə olunur. İndi hamı buna REP deyib REP yazırsa bizim axına qarşı üzməyimizin heç bir mənası yoxdur. Həm də ki, qayda-qanun deyilən amil var. Azərbaycan Dilinin Orfoqrafiya lüğətində səhifə 538-də bu söz REP, ifaçı isə REPER kimi qeyd olunub. Deməli bu söz bizim dildə RAP kimi yox REP kimi yazılmalıdır. Gəlin qanunlarımıza hörmət edək. --RM-WaRRioR (talk) 17:13, 19 may 2012 (UTC)

Tamamilə düzgündür. -- ■ Sultan ^mesaj 17:56, 19 may 2012 (UTC)

Şəkillərim niyə silinir?

Şəkillərimi belə amansızca niyə silirsiz, Sultan? Başqa vikilərdə sizə nə qədər istəsəz qalereyası olan məqalə göstərə bilərəm. Burda sözün keçməsi üçün gərək mütləq admin olasan. Vikipediyanın məhvə doğru getdiyini mən illər əvvəl demişdim. İyrəndirməyin adamı buradan ( --Vüsal Ağayev (talk) 08:52, 19 may 2012 (UTC)

Hörmətli, zəhmətkeş Vüsal Ağayev. Mən hər bir istifadəçinin əməyinə böyük dəyər verir və qiymətləndirirəm. Eyni zamanda sizin qeyd etdiyiniz kimi heç bir amansızlıqla şəkilləri silmirəm. O ki, qaldı silmə səbəbinə, bu məsələdə sizə aydınlıq gətirə bilərəm. Sildiyim şəkillərin demək olar ki, hamısı dublikat fayl sayıla bilər. Məsələn, Münəccimin şagirdi (film, 1983) məqaləsinə diqqət yetirək. Səhifənin yuxarısında Film şablonunda yerləşdirilən şəkillərlə aşağıda, şəkillər bölməsində verilən şəkillər bir-birinin eynidir. Bunu təkrarən aşağıda verməyin sizcə mənası varmı? Sizcə bunun mənası nədədir? Məncə bu zaman həmin şəkillərin qalmasının xeyrindən çox zərəri var. Ən azından estetik cəhətdən. Bu cür çatışmamazlıq bir və yaxud bir neçə məqalədə olsa mən sizinlə həm fikir olardım. Əksinə şablona yerləşdirilən forma daha məqsədəuyğundur. Bəzi məqalələrdə şablona yerləşdirilmiş şəkillər çıxarılsada şablonda olmayan şəkillər saxlanılmışdır. Yəqin ki, ortada amansızlıq, düşmənçilik olmadığını hiss edəcəksiniz. -- ■ Sultan ^mesaj 17:52, 19 may 2012 (UTC)

Ətraflı izahata görə təşəkkür edirəm. İndi aydın oldu. Sizə də uğurlar! — Bu imzasız yazı Vusal1981 (m • t) adlı istifadəçi tərəfindən əlavə edilib; 23:20, 19 may 2012 (UTC)

Salam. Deyesen AzVikideki shekilleri lokal adminler saxlasalar da silecekler. Bura ve bura diqqet ayirmaniz rica olunur. --N KOzi ^FORVM 11:32, 27 may 2012 (UTC)

Yeni vikipediya mükafatı : "Ensiklopedik məzmuna görə" nişanı

Hörmətli dostlar. Azərbaycan vikipediyasında yeni mükafat - "Ensiklopedik məzmuna görə" nişanı təsis edilib. Mükafat vikipediya:Mükafatlar səhifəsində yerləşdirilib. Ondan hər bir kəs istifadə edə bilər. Hörmətlə --Acategory (talk) 15:53, 19 may 2012 (UTC)

Amma bir şey mənə aydın olmadı, mən ondan necə istifadə edə bilərəm? --Aydin Məmmədov 21:36, 19 may 2012 (UTC)

Azərbaycan vikipediyasında mövcud təltiflərdən istənilən istifadəçi istənilən istifadəçini təltif etməsi üçün istifadə edə bilər. Təltif texnologiyasına isə əvvəlki təltifedilmələrə diqqət etməklə öyrənmək olar.--Acategory (talk) 04:54, 20 may 2012 (UTC)

Ok. Təşəkkür edirəm. Mən amma indiyə qədər elə bilirdim ki, istifadəçilər yalnız idarəçilər tərəfindən təltif edilə bilər. --Aydin Məmmədov 17:38, 20 may 2012 (UTC)

İdarəçilərdə istifadəçi statusuna malikdir. Azvikidə mükafatların yalnız idarəçilər tərəfindən verilməsi barədə mən bilən qədər bir qanun yoxdur. Şəxsən mən idarəçi olmazdan əvvəl belə, bir çox aktiv vikipedistə mükafat vermişdim və burada olan idarəçilərdən heç kəs bunu mənə irad tutmamışdı. Hörmətlə:--Baskervill (talk) 18:55, 20 may 2012 (UTC)

Seçilmiş məqalə

Azvikidə seçilmiş məqalə namizədi irəli sürmək və məqaləyə status verilməsinə nail olmaq çətin bir prosesdir. Belə ki, əvvəlcə məqalə Vikipediya:Laboratoriyaya namizəd siyahısına göndərilməlidir. Burada idarəçilərdən birinin razılığı lazımdır. Həmin razılığ verildikdən sonra məqalə Vikipediya:Məqalə laboratoriyasına göndərilir. Burada məqalənin zənginləşdirmək üçün bir ay vaxt verilir. Bir ayın tamamında isə məqalə Vikipediya:Seçilmiş məqalə namizədləri bölməsinə göndərilir və burada bir ay gözləmək lazım gəlir. Bir məqaləni seçilmiş və ya yaxşı məqalə etmək üçün 2 ay vaxtın sərf olunması kökündən səhv addımdır. Təklif edirəm ki, II və ya III bölmələrdən biri ləğv olunsun. Əks halda Azvikidə seçilmiş məqalələrin sayı zəif tempdə artacaq. Hörmətlə:--Baskervill (talk) 18:52, 20 may 2012 (UTC)

Düzgün qaldırılmış məsələdir. Bu proses çox bürokratlaşıb və işə ciddi mane olur. Prosedurlarda xeyli dəyişiklik edilməsinin tərəfdarıyam.--Acategory (talk) 04:19, 21 may 2012 (UTC)

Bu məsələdə TrVikinin təcrübəsinin tətbiqi faydalı ola bilər. --►CEKLİ^{de gəlsin} 04:41, 21 may 2012 (UTC)

Hörmətli Cekli829 zəhmət olmasa Trvikidə olan təcrübə barədə ətraflı məlumat verin. Biz bu məsələni mütləq həll etməliyik, əks halda Azvikidə yeni seçilmiş məqalələrin sayı zəif tempdə artacaq. --Baskervill (talk) 09:09, 21 may 2012 (UTC)

Daha ətraflı məlumatı Vikipedi:Seçkin madde adayları səhifəsindən əldə edə bilərsiniz. --►CEKLİ^{de gəlsin} 09:18, 21 may 2012 (UTC)

Bizimdə bu təcrübədən istifadə etməyimiz üçün nə etmək lazımdır?--Baskervill (talk) 09:32, 21 may 2012 (UTC)

Zamanı olan birisinin TrVikidəki müvafiq qaydaları tərcümə etməsi lazımdır. --►CEKLİ^{de gəlsin} 09:50, 21 may 2012 (UTC)

Məncə qaydaları tərcümə etməklə yenə vaxt itkisinə səbəb olacaq. Mən Vikipediya:Seçilmiş məqalə namizədləri bölməsinin ləğv edilməsini təklif edirəm.--Baskervill (talk) 11:37, 21 may 2012 (UTC)

Bəs onu nə əvəz edəcək? --►CEKLİ^{de gəlsin} 11:48, 21 may 2012 (UTC)

Məqalələr bir başa Vikipediya:Laboratoriyaya namizəd siyahısından Vikipediya:Məqalə laboratoriyasına göndərilsin. Heç nə əvəz etməsə olmazmı?--Baskervill (talk) 12:51, 21 may 2012 (UTC)

Fikrimcə Vikipediya:Laboratoriyaya namizəd siyahısına daxil edilərkən, SM kriteriyalarına cavab verən məqalələr, Vikipediya:Məqalə laboratoriyasına göndərilmədən birbaşa Vikipediya:Seçilmiş məqalə namizədləri səhifəsinə yerləşdirilə bilər. Vikipediya:Seçilmiş məqalə namizədləri səhifəsində isə mövcud səsvermə sistemini ləğv edib, lehinə, əleyhinə və şərh şablonlarından istifadə etməklə prosesi davam etdirmək olar. Prosesi ən tez 1 həftəyə, ən geci isə 1 aya yekunlaşdırmaq səmərəli nəticə verə bilər. --►CEKLİ^{de gəlsin} 13:27, 21 may 2012 (UTC)

Eksperiment olaraq, Vikipediya:Seçilmiş siyahı namizədləri layihəsində yeniliyi tətbiq edirəm. --►CEKLİ^{de gəlsin} 05:07, 22 may 2012 (UTC)

Azvikidə seçilmiş məqalə namizədi irəli sürmək və məqaləyə status verilməsinə nail olmağın hazırda çətin bir proses olmasının keçmiş təcrübəyə əsaslanaraq çox obyektiv səbələri var. Reallıq bu idi ki, şəkilli və ya bir az geniş (çox vaxt da kopi-peyst) məqalə yaradan istifadəçilər bu məqalənin mütləq status almasına çalışırdılar və səsverməyə çıxan hər məqalədə də demək olar ki, bu statusu alırdı. Seçilmiş məqalələr isə Vikipediyada "imic məsələsi" olduğu üçün bu AzViki üçün çox xoş olmayan bir hal idi. Əgər bu məsələyə yenidən baxılsa yenə də çox aşağı kritariyalara belə malik olan məqalələr "yağışdan sonra göbələk kimi" seçilmiş məqalələr olacaqlar. Məncə AzVikidə bu məsələdə bir az diqqətli olmaq lazımdır.--Melikov Memmed^⇒email 08:35, 23 may 2012 (UTC)

Bəli, məsələn, hazırki seçilmiş şəkil namizədlərinə baxaq. Tutaq ki, mən hər hansı şəklin namizədliyini irəli sürürəm, 3-4 nəfər də (demək olar ki, hər dəfə eyni istifadəçilər) səs verir və beləliklə həmin şəkil olur AzViki cəmiyyəti adından seçilmiş şəkil, çoxunun da bundan heç xəbəri olmur.→Vago ^ms 09:58, 23 may 2012 (UTC)

Seçilmiş şəkil məsələsində durum bir az fərqlidir. Bir çox aktiv istifadəçi orada aparılan səsvermədə iştirak etmək istəmir. Şəxsən mən bir neçə dəfə istifadəçilərin müzakirə səhifələrində onları seçkilərdə iştirak etməyə dəvət etmişəm. Əgər kim səs vermək istəyirsə Vikipediya:Seçilmiş şəkil namizədləri bölməsində öz fikrini bildirə bilər. Hörmətlə:--Baskervill (talk) 11:06, 23 may 2012 (UTC)

Hər halda düşünürəm ki, şəklin də seçilmişə namizəd göstərilməsinə nəzarət olmalıdır. Ana səhifəyə gedəcək material olduğunu nəzərə alıb, namizədliyin irəli sürülməsinin yalnız İdarəçilərin səlahiyyətində olmasını daha məqbul hesab edirəm. Yoxsa kim hansı şəkili istəyir namizəd göstərər, məsələn, 2 nəfər də səs verər və şəkil keçər. Çünki bu işlə bağlı qaydalar o qədər də ciddi deyil.→Vago ^ms 11:35, 23 may 2012 (UTC)

Vikimənbədə bütün məqalələr silinib

Vikimənbədə böyük bir problem yaranıb. 2 mindən çox məqalə vardı. İndi isə 383 məqalə qalıb. Dəhşət !!!--Baskervill (talk) 18:17, 23 may 2012 (UTC)

Mən münasibətimi bildirdim. --►CEKLİ^{de gəlsin} 03:52, 24 may 2012 (UTC)

Azərbaycan reallığı üçün hələlik aktual olmasa da, digər ölkələrdə müəllif hüququ pozuntusu çox ciddi haldır, hətta Vikipediya proyektlərinini sual altına belə ala bilər. Amerika konqresindəki qanun layihəsi və Vikipediyanın etiraz aksiyası yəqin yadınızdadır. Məncə AzVikidə indidən bəzi tədbirlər görməlidir, burda şəkillər ilə vəziyyət tam bərbaddır. Nəzərə alın ki, Azərbaycan qaydalarına görə hətta küçələrdəki heykəllərin şəkiləri belə Vikipediyada istigadə oluna bilməz, commons-dan da bu cür şəkillərin silinməsi artıq başlanılıb, AzVikidə isə istənilən şəxsin şəkli nəinki istifadə olunur, hətta bəzən bir məqalədə bir neçə şəkil var. --Melikov Memmed^⇒email 06:27, 24 may 2012 (UTC)

Новые «Условия использования», Условия использования --Melikov Memmed^⇒email 06:36, 24 may 2012 (UTC)

Vikimənbədə minlərlə məqalənin silinməsini böyük bir məsuliyyətsizlik hesab edirəm. Şəxsən mənim bu lahiyəyə marağım olsada, orada fəaliyyət göstərəməyə vaxtım olmayıb. Neçə olub ki, kimsə belə bir hadisənin baş verəcəyini ehmtimal belə etməyib? Birdə məqalələrin hansında müəllif hüququnun pozulmasının vikimediyada olan şəxslər neçə müəyyən ediblər? Təklif edirəm ki, məqalələrin kütləvi şəkildə bərpa edilməsi üçün yuxarı dairələrə müraciət edək. Vaxt var idi, ermənilərlə vikimənbənin həcminə görə başa-baş gedirdik, indi isə ermənilər 29 da, biz isə 55-ci yerdəyik. Vikimənbədə idarəçi olan şəxslərin məsələ ilə bağlı ətraflı məlumat vermələrini rica edirəm. --Baskervill (talk) 09:24, 24 may 2012 (UTC)

Bir gün Azvikidə olan 86 min məqalədən 80 mini müəllif hüququları adı ilə silinsə, heç təəccüblənməyin. --Baskervill (talk) 09:28, 24 may 2012 (UTC)

Məncə Azvikidə olan 86 min məqalədən heç bir-ikisini də müəllif hüququları adı ilə silmək mümkün deyil, burda ancaq daha çox şəkillər ilə problem var, bunun üçün isə məqaləni silmək yox, şəkli və ya yazını qaydaya salmaq bəs edər. Vikimənbə barədə nə isə yazmağım düz olmaz, orada nə baş verdiyi haqqında heç bir məlumatım yoxdur. Ancaq AzVikidə əsasən şəkillərlə olan problemləri yavaş-yavaş yoluna qoymaq lazımdır, məsələn, şəxslərin tək bir fotosu bəs edər (bu özü də qanun pozuntusudur), digərləri isə yavaş-yavaş silinsin və s... --Melikov Memmed^⇒email 10:17, 24 may 2012 (UTC)

Şəkillərlə bağlı problem var. Bu məsələylə bizim 1 idarəçimiz məşğul olur. Məqalə mətnləri ilə də bağlı problem mövcuddur. Mümkün qədər çox məqaləmizi və yüklənən şəkilləri qorumağa çalışacağıq.--Sortilegus (talk) 19:13, 24 may 2012 (UTC)

Şəkillər ilə bağlı problem necə həll olunacaq? Olmaz ki, dövlət Vikipediyaya dəstək olsun və onun inkişafı üçün qanun layihəsi hazırlasın? Belə olsa daha əziyyət çəkmərik. --RM-WaRRioR (talk) 21:34, 24 may 2012 (UTC)

Şəkillər ilə bağlı problemin qanuni həlli yalnız onların silinməsi ola bilər. Qanun layihəsi ilə məsələ belədir ki, qanunlarımız beynəlxalq qaydalara uyğunlaşdırılır, bu da müəllif hüquqularının daha çox qorunması yolundadır. Ancaq məncə, məsələn, klassiklərimizin abidələrinin, dövlət binalarının, müəyyən zamandan öncə sovet dövründə çəkilmiş şəxsi şəkilləri və s... qanun ilə ictimai varidat elan etmək olar ki, bu da Vikipediyaya kömək olardı. Digər, daha asan olan isə budur ki, sadəcə istər dövlət, istərsə də qeyri-dövlət orqanları müəllif hüquqları ilə qorunmayan saytlar yaradır ki, hər kəs də oradan sərbəst istifadə edir.--Melikov Memmed^⇒email 07:04, 25 may 2012 (UTC)

Ortaya maraqlı məqam çıxdı. İndi məsələn mən, gedib Nəsiminin heykəlinin şəklini çəkib ona dair məqalə hazırlayıram. İndi o şəkil müəllif hüququnun pozuntusu sayılacaq? Axı şəkili şəxsən mən özüm çəkmişəmsə. Yox əgər bu da pozuntu sayılırsa onda mən həmin şəkili vikipediyaya yerləşdirmək üçün gedib həmin abidənin olduğu rayon icra hakimiyyətindən icazə almalıyam? İcazə kimdən alınmalıdır? --RM-WaRRioR (talk) 07:39, 25 may 2012 (UTC)

Bəli, Commons-da buna "Freedom of panorama" [2] deyilir, yəni Vikipediyada yalnız ictimai varidatda olan şəkil yerləşdirmək olar, küçədəki abidənin şəkili isə bəzi ölkələrin, məsələn, Azərbaycanın qanunları ilə ictimai varidat hesab edilmir. Yəqin AzVikidə artıq bu cür şəkillərin Commons-dan yavaş-yavaş silindiyini hiss etməyiblər! --Melikov Memmed^⇒email 08:43, 25 may 2012 (UTC)

Müzakirə Vikimənbədə olan məqalələrin kütləvi şəkildə silinməsi ilə bağlıdır. Zəhmət olmasa şəkillərlə bağlı olan məsələləri bu başlıq altında müzakirə etməyin. Mən düşünürdüm ki, Vikimənbənin başına gələn bu faciə bir çox istifadəçilərdə ciddi narahatlıq yaradacaq. Ancaq tam əksini gördüm. Euronews demişkən No comment.--Baskervill (talk) 11:08, 25 may 2012 (UTC)

Hörmətli Baskervill, məgər burda elə Vikimənbənin faciəsi müzakirə olunmurmu? Siz yazdız ki, Vikimənbədə məqalələr silinib, 2 min məqalədən cəmi 383-ü qalıb. Cekli münasibət bildirdi ki, müəllif hüququ pozuntusu vardı. Mən də yazdım ki, Vikimənbədə nə baş verdiyi haqqında məlumatım yoxdur, ancaq bura Vikipediya olduğu üçün bu cür faciə Vikipediyada olan şəkilləri də gözləyə bilər. Əgər Siz bunu "istifadəçilərdə ciddi narahatlıq yaratmadı" kimi qəbul edirsinizsə, yanılırsınız. Şəxsən mən Vikimənbədən yersiz yerə tək bir cümlənin belə silinməsi qəbul etmirəm, ancaq həqiqətən də müəllif hüquqları pozuntusu varsa, silinməlidir, bunu nəinki Vikipediya prinsipləri, hətta dövlətimizin qanunları tələb edir. Vikimənbədə nə baş verib düzü mənə aydın deyil, Siz isə konkret bir şey yazmırsınız, təklif edirəm səbəbsiz silinən məqalələri göstərin, şəxsən mən Vikimənbəyə maraq göstərməsəm də bu işə vaxt sərf etməyə hazıram.--Melikov Memmed^⇒email 11:52, 25 may 2012 (UTC)

Salam. Vikimenbenin Kend meydaninda munasibet bildirdim. Vikimenbelerdeki statistika sadece duz ishlemir. --N KOzi ^FORVM 10:05, 27 may 2012 (UTC)

Mediavikiden yaranan problemdir. Burada bir qeder izah olunub. --N KOzi ^FORVM 10:08, 27 may 2012 (UTC)

Anlaşılmazlıq öz həllini tapmışdır. --Melikov Memmed^⇒email 04:40, 29 may 2012 (UTC)

Bir daha məqalə adlarındakı "Qovanlı Qacar"lar haqqında

AzVikidə xeyli məqalənin adında "Qovanlı Qacar"a təsadüf etdim. Hesab edirəm ki, bunlar, yəni adlardakı "Qovanlı Qacar"lar, hamısı silinməlidir. Məsələn, bu gün Abbas Mirzə haqqında məqaləni açdım, onun adı da Abbas mirzə Qovanlı-Qacar kimi yazılıb. Təklif edirəm ki, məqalənin adı Abbas Mirzə şəklində redaktə edilsin, heç "Qacar"a da ehtiyac yoxdur, necə ki digər dillərdə və elmi ədəbiyyatda olduğu kimi. Bu hamı tərəfindən qəbul olunan ümumişlək variantdır. Bir də ki, Şahzadə Abbas mirzənin azı 360 nəfər arvadı olmuşdur. Görün onun nə qədər oğul-uğağı olub! Onların hamısı haqqında Vikipediada məqalə olmalıdırmı? Bunlardan 3-4, çox uzağı 10-15-i vikipedik şəxs ola bilər, digərləri haqqında yaradılmış məqalələr isə sözsüz ki silinməlidir. --Aydın Məmmədov 18:39, 26 may 2012 (UTC)

Tamamilə razıyam. --RM-WaRRioR (talk) 15:37, 27 may 2012 (UTC)

Məqalə bu ad ilə yaradıplıb və biz məqalə yaradana bu barədə irad tuta bilmərik. Ancaq Vikipediya qaydalarına əsasən sözsüz məqalənin adı "Abbas Mirzə" olmalıdır. Ancaq bunu, birincisi müzakirə etməyə ehtiyac yoxdur, adı mənbə göstərərək dəyişin, ikincisi müzakirə edirsinizsə mütləq məqalənin öz müzakirə səhifəsində edin. Xahiş edirəm gələcəkdə nəzərə alın!--Melikov Memmed^⇒email 05:17, 29 may 2012 (UTC)

Problem

Burada, yəni kənd meydanında hər hansısa məqalə barədə problemi bildirəndə hamı ilk olaraq qeyd edir ki, bunu məqalənin müzakirə bölməsində yazın. İndi mən günlərlədir həmin müzakirələrdə cavab gözləyirəm amma gəlmir. Girib baxa bilərsiniz mən nə vaxt yazmışam. İndi görürsünüz nəyə görə problemi bura yazırıq? Çünki kənd meydanına nəzər daha çoxdur. Məqalələrin müzakirələrinə isə baxan və fikir bildirənlər yoxdur.Elə buna görə də xahiş edirəm ki, aşağıdakı məqalələrdə olan problemlərə aidiyyatı olan şəxslər fikir bildirsin və problemlər aradan qaldırılsın .

http://az.wikipedia.org/wiki/Müzakirə:Cüdo
http://az.wikipedia.org/wiki/Vikipediya_müzakirəsi:Tarixdə_bu_gün/may_5
http://az.wikipedia.org/wiki/Müzakirə:Əli_bin_Əbu_Talib
http://az.wikipedia.org/wiki/Müzakirə:Sonuncu_şam_yeməyi_(Leonardo_da_Vinçi)
http://az.wikipedia.org/wiki/Müzakirə:Adolf_Vilyam_Buqro --RM-WaRRioR (talk) 15:59, 27 may 2012 (UTC)

Bir xəritə haqqında

Fayl:Cənubi Qafqaz 1809-1817-ci illərdə (xəritə).gif

Cənubi Qafqaz 1809-1817-ci illərdə

1902-ci ildə Tiflisdə çap olunmuş "Утверждение русского владычества на Кавказе" adlı kitabın 2-ci cildinin sonunda maraqlı bir xəritə verilib. Amma təəssüf ki kitabın internet versiyasında həmin xəritə texniki cəhətdən o qədər də keyfiyyətli deyil. Mümkündür ki istifadəçilərdən kimsə kitabxanada işləsin və nadir fonda əli çatsın. Əgər aramızda belə istifadəçilər varsa, onlardan xahiş edirəm ki, lütfən, həmin xəritəni skaner edib wikipediaya yükləsinlər. Əvvəlcədən təşəkkür edirəm. --Aydın Məmmədov 16:50, 27 may 2012 (UTC)

28 May

Azərbaycan Respublikası vətəndaşları və bütün Azərbaycanlıları Respublika Günü münasibətilə təbrik edirəm!→Vago ^ms 12:44, 28 may 2012 (UTC)

Mən də öz növbəmdə təbriklərə qoşuluram. Güclü respublikamızın daha böyük uğurlara imza atmağını arzulayıram. --Babək Akifoğlu 13:12, 28 may 2012 (UTC)

Məndə Azərbaycan Xalq Cümhuriyyətinin yaradılmasının 94-cü ili münasibəti ilə bütün vikipedistləri ürəkdən təbrik edirəm. Düşünürəm ki, 94 il əvvəl belə bir dövlət yaradılmasaydı muasir dövrdə Azərbaycan dövlətidə yaranmazdı. Bir daha hər bir kəsi bayram münasibəti ilə təbrik edirəm. Hörmətlə:--Baskervill (talk) 13:14, 28 may 2012 (UTC)

Update on IPv6

(Apologies if this message isn't in your language. Please consider translating it, as well as the full version of this announcement on Meta)

The Wikimedia Foundation is planning to do limited testing of IPv6 on June 2-3. If there are not too many problems, we may fully enable IPv6 on World IPv6 day (June 6), and keep it enabled.

What this means for your project:

• At least on June 2-3, 2012, you may see a small number of edits from IPv6 addresses, which are in the form "2001:0db8:85a3:0000:0000:8a2e:0370:7334". See e.g. w:en:IPv6 address. These addresses should behave like any other IP address: You can leave messages on their talk pages; you can track their contributions; you can block them. (See the full version of this announcement for notes on range blocks.)

• In the mid term, some user scripts and tools will need to be adapted for IPv6.

• We suspect that IPv6 usage is going to be very low initially, meaning that abuse should be manageable, and we will assist in the monitoring of the situation.

Read the full version of this announcement on how to test the behavior of IPv6 with various tools and how to leave bug reports, and to find a fuller analysis of the implications of the IPv6 migration.

--Erik Möller, VP of Engineering and Product Development, Wikimedia Foundation 00:42, 2 iyun 2012 (UTC)

Distributed via Global message delivery. (Wrong page? Fix here.)

Aylar

Salam hamısına! Bizim Viki birəzdə tez inkşaf edərdi, əqər ayrı ölkələrin ayları olsaydı. Hər ay bir ölkənin haqqında əsas məqalə yazardıq. Əvvəl deyəsən olub belə gözəl şey (Rusiya ayı və Türkiyə ayı), indi amma nəsə... Yaxşı olardı ki, Ana səhifədə də o ay işinə istinad olsaydı. Hörmətlə--Hüseynli Zeynalabdin Cavanşir oğlu (talk) 17:38, 5 iyun 2012 (UTC)

Təəssüf ki, heç əvvəlkilər də baş tutmayıb. Əgər zamanınız və həvəsiniz varsa, belə bir layihə təşkil edin. Məmnuniyyətlə iştirak edərəm. --►CEKLİ^{de gəlsin} 03:30, 6 iyun 2012 (UTC)

Cavaba görə sağ olun, təşkil edərəm.--Hüseynli Zeynalabdin Cavanşir oğlu (talk) 08:39, 6 iyun 2012 (UTC)

2011 Picture of the Year competition

македонски • norsk • polski

Dear Wikimedians,

Wikimedia Commons is happy to announce that the 2011 Picture of the Year competition is now open. We are interested in your opinion as to which images qualify to be the Picture of the Year 2011. Any user registered at Commons or a Wikimedia wiki SUL-related to Commons with more than 75 edits before 1 April 2012 (UTC) is welcome to vote and, of course everyone is welcome to view!

Detailed information about the contest can be found at the introductory page.

About 600 of the best of Wikimedia Common's photos, animations, movies and graphics were chosen –by the international Wikimedia Commons community– out of 12 million files during 2011 and are now called Featured Pictures.

From professional animal and plant shots to breathtaking panoramas and skylines, restorations of historically relevant images, images portraying the world's best architecture, maps, emblems, diagrams created with the most modern technology, and impressive human portraits, Commons Features Pictures of all flavors.

For your convenience, we have sorted the images into topic categories.

We regret that you receive this message in English; we intended to use banners to notify you in your native language but there was both, human and technical resistance.

See you on Commons! --Picture of the Year 2011 Committee 18:03, 5 iyun 2012 (UTC)

Distributed via Global message delivery. (Wrong page? Fix here.)

Ana səhifədə Yaxşı məqalə

Təklif edirəm Ana Səhifədə Yaxşı məqalə yerləşdirməyi. Analoq kimi RuVikiyə baxa bilərsiniz. Həm Yaxşı məqalələrə baxış yüksələr, həmdə Ana Səhifə biraz bəzəyli görsənər--Hüseynli Zeynalabdin Cavanşir oğlu (talk) 08:49, 7 iyun 2012 (UTC)

Yəqin ki, yaxşı məqalələr və digər keyfiyyətli məqalələr Vikipediya:Günün seçilmiş məqaləsi layihəsi çərçivəsində Ana Səhifəyə yerləşdiriləcək. --►CEKLİ^{de gəlsin} 09:35, 7 iyun 2012 (UTC)

Azərbaycan dilinə tərcümə

Salam. Mən Misfits adlı serialın məqaləsini yaratmaq istəyirəm. Misfits azərbaycan dilinə konkret bir sözlə tərcümə olunmur. Bu halda AZ.Vikidə məqaləni orijinal olaraq Misfits adlandırım? --Craig Rzayev 15:35, 7 iyun 2012 (UTC)

Misfits (serial) kimi də ola bilər--Melikov Memmed^⇒email 10:27, 7 iyun 2012 (UTC)

ok. çox sağolun. --Craig Rzayev 15:45, 7 iyun 2012 (UTC)

Rusiyada bu serial «Отбросы» yəni "Tullantılar" və həmçinin «Неудачники» yəni "Bəxtsizlər" kimi tərcümə olunur. Amma bu sözün bizm dildə tərcüməsi "Uyğunsuzluq" kimi çıxır. Bütün bunlara baxmayaraq Melikov Memmed düz vurğualyıb. Orijianl adı saxlamaq yaxşıdır. --RM-WaRRioR (talk) 11:02, 7 iyun 2012 (UTC)

Vikipediya: Kənd meydanı (texniki)

yaxşı olurki az vikida Vikipediya: Kənd meydanı (texniki) Layihəsin yaradaq Bura baxin bu şəkildə...va texniki sözləri orada aparaq.məsələn MediaWik Nizamlamalar.--E thp 12:17, 8 iyun 2012 (UTC)

Bu yaxşı ideyadır. Böyük vikilərin əksəriyyətində kənd meydanı 10-15 bu cür bölməyə bölünür və hər birində fərqli-fərqli məsələlər müzakirə olunur. Amma bizim vikidə məncə bunu tətbiq etmək hələ tezdir. 1-cisi bizdə əvvəlcədən kənd meydanı bir forum xüsusiyyəti daşıyıb və bu gün də bu davam edir. Yəni vikipediyaya aid bütün məsələlər burda müzakirə olunur və fəal istifadəçilər öz münasibətlərini bildirirlər. Bunun belə olmasına qarşı olan istifadəçilərimiz də var və zaman-zaman kənd meydanının bölmələrə ayrılması vacibliyi fikri səslənir. Ancaq biz indiki halda bunu etsək bir çox məsələlər fəal istifadəçilərin diqqətindən kənar qalacaq. Məsələn, texniki problemlər və s. bu cür 5-6 bölmə yaratsaq o bölmələrə ayda yəqin ki, 5-6 istifadəçi baş çəkəcək və orda şərhlər yazacaq. Ümumi "kənd meydanı"na isə demək olar ki, bütün fəal istifadəçilər nəzər yetirirlər. Bir də ki, biz ay ərzində bir o qədər də çox məsələ müzakirə etmirik ki, onları da ayrı-ayrı səhifələrə ayıraq. Ən çoxu 1 ayda 15-20 müzakirə başlığı açılır. Amma müzakirələrin və fəal istifadəçilərin sayı artdıqca yuxarıdakı təklif təbii şəkildə qəbul olunacaq və gələcəkdə kənd meydanı bölmələrə bölünəcək. --Sortilegus (talk) 12:39, 8 iyun 2012 (UTC)

Məncə az viki bu bölmə hazırdır.ama digər bölmə Sizinlə bir düşünürəm.Daha yaxşı erişim üçün Kənd_meydan Yuxarısenba əlavə Edmak olar.--E thp 12:57, 8 iyun 2012 (UTC)

Bu müzakirə bağlıdır. Xahiş olunur, heç bir dəyişiklik etməyin.

Erişim nədir? Bu türkiyəlilərin mundar ləhcələrini işlətməyin nə yeri var? Mən sizin milliyətinizin nə olduğunu bilmirəm amma siz Azərbaycan türkcəsinə hörmət etməlisiz. Qara xan 14:32, 08 iyun 2012 (UTC)

Qara xan zəhmət olmasa başqalarına nəsə söz yazanda, yazdıqlarınınza fikir verin. Əks halda, bloklana bilərsiz. Axı digərlərinin hörmət etmək, bu qədərmi çətindir??--Baskervill (talk) 14:49, 8 iyun 2012 (UTC)

Baskervill mən bizə hörmət edənlərə hörmət edirəm. Bizə hörmətsizlik edənlərə də hörmətsizlik edirəm. Qara xan 15:16, 08 iyun 2012 (UTC)

Nəzərə alın ki, AzVikinin Azərbaycana heç bir aidiyyəti yoxdur, AzViki Vikimedia Fondunun Azərbaycanca layihələrindən biridir və onun prinsiplərinə görə istənilən dövlətdən, millətdən, dindən olan şəxs sərbəst burda fəaliyyət göstərə bilər. Yəni kimə isə əvvəlcədən hansısa şərt qoymaq imkan xaricindədir və normal fəaliyyətin tək yolu Vikipediya prinsiplərinə hamının istisnasız riayət etməsidir. --Melikov Memmed^⇒email 05:00, 9 iyun 2012 (UTC)

Bəli Az.Viki Wikimedia fondunun Azərbaycanca layihələrindən biridir. Amma müəyyən qədər də Azərbaycanın layihəsidir. Yoxsa En.Vikidə Armenian genocide adlanan məqalə Az.Vikidə Qondarma erməni soyqırımı eləcədə En.Vikidə Capture of Shusha adlanan məqalə Az.Vikidə Şuşanın işğalı adlandırılmazdı. Qara xan 09:13, 09 iyun 2012 (UTC)

Göstərdiyiniz nümunələr nə AzVikinin müəyyən qədər də Azərbaycanın layihəsi olmasına, nə də hansısa Vikipediya prinsiplərinin pozulmasına və ya "milliləşdirilməsinə" dəlalət etmir. Layihə Azərbaycanca olduğu üçün Vikipediya prinsiplərinə görə azərbaycanca mənbələrdə adlandırma necədirsə AzVikidə də o cür olmalıdır. İngiliscə, rusca, hətta türkcə vikipediyalarda nəyin necə adlanmasının AzVikiyə qətiyyən heç bir aidiyyəti yoxdur, ancaq bu o demək deyil ki, AzViki Azərbaycana aid olan layihədir, sadəcə azərbaycanca mənbələrin tam əksəriyyətinin Azərbaycana aid olması və azərbaycanca da məhz hamıdan yaxşı azərbaycanlıların bilməsi layihənin dolayısı yolla Azərbaycan layihəsi edir, bu da çox yaxşıdır ki, bizə öz həqqiqətlərimizi yaymağa imkan verirlər, ancaq hər halda nəzərə almaq lazımdır ki, bu yadlara məxsus bir layihədir və biz də burda heç də ev sahibi deyilik.--Melikov Memmed^⇒email 10:11, 9 iyun 2012 (UTC)

Məsələyə aidiyyatı müzakirə bağlandı. --N KOzi ^FORVM 04:09, 11 iyun 2012 (UTC)

Həftənin seçilmiş məqaləsi

Azərbaycan dilində Vikipediya fəaliyyətə başladığı dövrdən bu günə qədər (8 il ərzində) ana səhifədə yalnız latınla məqalələr əvvəlcə ayın, sonra isə həftənin seçilmiş məqaləsi bölməsinə yerləşdirilmişdir. Bu gün bu mənada əlamətdar bir gündür - azvikinin tarixində ilk dəfə olaraq ərəb əlifbalı bir məqalə ana səhifədə həftənin seçilmiş məqaləsi bölməsinə yerləşdirilib. Məqalənin nə dərəcədə bu statusa layiq olub-olmaması ilə bağlı şəxsi fikirlərimi yazmayacam. Fakt odur ki, bizim istifadəçilər bu məqaləyə bu statusu layiq biliblər. Bu münasibətlə məqalə üzərində çalışan həmkarlarımızı - xüsusilə cənublu soydaşlarımızı təbrik edirəm. Sizdən yeni-yeni bu cür seçilmiş məqalələr gözləyirik. Hörmətlə:--Sortilegus (talk) 16:06, 11 iyun 2012 (UTC)