Ağ-qara payız (film, 1996)

Vikipediya, azad ensiklopediya
Naviqasiyaya keçin Axtarışa keçin
Ağ-qara payız
Janr sənədli
qısametrajlı
Rejissor Vəli Səyyadi
Ssenari müəllifi Vəli Səyyadi
Operator Elxan Nəbiyev
İstehsalçı Azərbaycan Televiziyası (Azərbaycantelefilm)
Filmin növü qısametrajlı sənədli-bədii televiziya filmi
Müddət 21 dəq.
Ölkələr Azərbaycan Azərbaycan
Dil azərbaycanca
İl 1996
Rəng rəngli

Ağ-qara payız qısametrajlı sənədli-bədii televiziya filmi rejissor Vəli Səyyadi[1] tərəfindən 1996-cı ildə çəkilmişdir. Film Azərbaycan Televiziyasında[1] istehsal edilmişdir. Filmin müqəddiməsində qəhrəmanın ötürdüyü ovqatdan, artıq sezirsən: biz bir insanın uşaqlığına səyahət edəcəyik. Bir tərəfdən bu lirik-ovqat əhvalatı şərtidir. O mənada ki, bizim hər birimizin uşaqlığımızla bağlı nəsə ümumi, o hər nə qədər ağrılı olsa belə həsrətimiz, xiffətimiz var. Müəllif də artıq geri dönməsi mümkün olmayan keçmişi, zamana xiffəti kino dilinə çevirib.

Məzmun[redaktə | mənbəni redaktə et]

Film yaxın planda profildən gənc kişinin nəqli ilə başlayır, o, tez-tez əlləri ilə üz-gözünü ovuşdurur: “Mən deyə bilmərəm. İndi nəyisə xatırlamaq çox çətindir. Çox illər keçib o vaxtdan. Ümumiyyətlə, çətindir, insan üçün keçmiş haqda danışmaq. Elə bil yuxudur, sən heç vaxt onu olduğu kimi xatırlaya bilmirsən. Yadımdadır, biz nə vaxtsa gölün qırağında yaşayırdıq, qamışların səsi, külək, nənəmin zümzümə etdiyi mahnılar....” [1]

Müqəddimədə qəhrəmanın ötürdüyü ovqatdan, artıq sezirsən: biz bir insanın uşaqlığına səyahət edəcəyik. Bir tərəfdən bu lirik-ovqat əhvalatı şərtidir. O mənada ki, bizim hər birimizin uşaqlığımızla bağlı nəsə ümumi, o hər nə qədər ağrılı olsa belə həsrətimiz, xiffətimiz var. Müəllif də artıq geri dönməsi mümkün olmayan keçmişi, zamana xiffəti kino dilinə çevirib.[1]

Tamaşaçı qəhrəmanın uşaqlıq illərinə səyahət edir. Onun xatirələri vizuallaşır. Göldə qayıqla gəzişən uşaq və onun sudakı əksi, çırpı yığması, köynək toxuyan qarı...[1]

İşıq-kölgə ifadə-təsvir vasitəsi üzərində çəkilən film ustalıqla detal planlardan hörülür. İbtidai interyerdə alışan ocaq, alçaq tavan, sac, his basmış çıraq, divardan asılan köhnə şəkillər, süjet xəttinin mərkəzində dayanan almalar — itirilmiş idilliyanın nostalgiyasını yaşadır. Çox güman ki, alma insan günahlarına allyuziyadır.[1]

Horror janrının elementləri intonasiyasında çəkilən-qaranlığın, yağışın səsi fonunda atanın, ananın, qızcığazın görünüb itən portretləri həyəcanlı ovqat verir.[1]

Son səhnədə uşaq alma yeyir, kimsəsiz evdə cəhrə fırlanır.[1]

Filmin üzərində işləyənlər[redaktə | mənbəni redaktə et]

Ssenari müəll: Vəli Səyyadi
Rejissor: Vəli Səyyadi
Operator: Elxan Nəbiyev[1]

İstinadlar[redaktə | mənbəni redaktə et]

  1. 1,0 1,1 1,2 1,3 1,4 1,5 1,6 1,7 1,8 "Vəli Səyyadinin "Ağ-qara payız" ekran əsəri poetik bədii-sənədli filmdir". 2017-03-28 tarixində orijinalından arxivləşdirilib. İstifadə tarixi: 2017-08-17.

Həmçinin bax[redaktə | mənbəni redaktə et]

Azərbaycan filmlərinin siyahısı
1996-cı ilin Azərbaycan filmləri
1990-cı illər Azərbaycan filmlərinin siyahısı