Ağ ayı dustaqxanası

Vikipediya, azad ensiklopediya
Jump to navigation Jump to search
Ağ ayı dustaqxanası 2011-ci ildə.

Ağ ayı dustaqxanası (ing. Polar bear jail) – Kanadanın Manitoba əyalətinin Çörçil qəsəbəsində yerləşən xüsusi tikili. Qəsəbə ətrafında tutulan təhlükəli ağ ayıları əvvəlcə bu yerə gətirirlər.[1]

Dustaqxana açılmazdan qabaq təhlükəli ağ ayıları vururdular. Dustaqxana 1982-ci ildə açılmışdır.[2] Bəzi mənbələrə görə isə 1983-cü ildə bir şəxsin küçədə ağ ayı hücumuna məruz qalmasından sonra əsası qoyulmuşdur.[3] Keçmişdə bu binada hərbi morq fəaliyyət göstərirdi.

Tikili haqqında Viktor A.Çarlo tərəfindən "Çörçill ayı dustaqxanası" adlı şeir yazılmışdır.[4]

Ağ ayılar[redaktə | mənbəni redaktə et]

Əvvəlcə tikilinin 20 kamerası var idi; 16 ağ ayının və 4 ağ ayı ailəsinin saxlanılması üçün şərait mövcud idi. Ağ ayılar 2-30 gün ərzində burada saxlanılırlar. Əgər ağ ayı bir çox dəfə tutulurdusa, bu müddət uzana bilər. Ağ ayıların burada saxlanılmasının məqsədi onlara təhlükə hissini aşılamaq və qəsəbəyə yaxınlaşmalarının qarşısını almaqdır. Ağ ayılar dustaqxanada ikən yedizdirilmirlər. Ağ ayıların orqanizmləri uzunmüddətli aclığa qarşı dözümlü olduğu üçün onları yedizdirmək ehtiyacı yaranmır.[5]

Təhlükəli ağ ayılar tutularkən onlara sakinləşdirici vururlar və boğazlarına parlaq rəng sürtürlər. Qış yaxınlaşanda və Hudzon körfəzi donanda ağ ayılar sərbəst buraxılırlar. Onlara yenə sakinləşdirici vururlar və vertolyotla qəsəbədən uzaq bir yerdə təbiətə buraxılırlar.

2014-cü ildə dustaqxananın kameralarının sayı 28-ə çatdırılmışdır.[6] Buna baxmayaraq, Çörçill sakinləri çöldə gəzərkən ehtiyatlı olmağa çalışırlar. Hər yay qəsəbənin ətraf bölgələrini minə yaxın ağ ayı ziyarət edir. Buzlaqlar əriyəndə onlar suiti ovlaya bilmirlər və aclıq üzündən qəsəbəyə yaxınlaşmalı olurlar.

Hudzon körfəzinin və Çörçill çayının sahilində ağ ayılar haqqında xəbərdarlıq nişanları var. Ağ ayı görən şəxs qəsəbənin qaynar xəttinə zəng edə bilər. Təbii Sərvətlər Departamentinin işçiləri bu cür zəngləri qəbul etdikdən sonra ağ ayını tutmağa gəlirlər.

İstinadlar[redaktə | mənbəni redaktə et]

  1. "Churchill Pictures: The Polar Bear "Jail"". www.bears.org. İstifadə tarixi: 2018-04-28.
  2. James A., Wilkerson; Moore, Ernest E.; Zafren, Ken. Medicine for Mountaineering: And Other Wilderness Activities. The Mountaineers Books. 2010. 323. ISBN 9781594853937.
  3. "Into the Wilds of the Canadian Arctic: On the Polar Bear Trail". 2016-03-04. 2016-03-04 tarixində orijinalından arxivləşdirilib. İstifadə tarixi: 2018-04-28.
  4. Harrison, Brady. All Our Stories Are Here: Critical Perspectives on Montana Literature (ingilis). U of Nebraska Press. 2009. səh. 30. ISBN 978-0803222779. İstifadə tarixi: 24 June 2018.
  5. "Complete Polar Bear Facts". 2014-05-30. 2014-05-30 tarixində orijinalından arxivləşdirilib. İstifadə tarixi: 2018-04-28.
  6. "В канадском городе Черчилль расширяют тюрьму для белых медведей". newsmake.net (rus). 2014-05-29 tarixində orijinalından arxivləşdirilib. İstifadə tarixi: 2018-04-28.