Kərbəlayi Ağamalı

Vikipediya, azad ensiklopediya
(Ağamalı Kərbəlayi Miralı oğlu səhifəsindən istiqamətləndirilmişdir)
Naviqasiyaya keçin Axtarışa keçin
Ağamalı
Ağamalı Kərbəlayi Miralı oğlu
Doğum tarixi
Doğum yeri Seyidli kəndi Qarabağ xanlığı
Vəfat tarixi
Vəfat yeri Seyidli kəndi, Şuşa qəzası, Yelizavetpol quberniyası, Rusiya imperiyası
Həyat yoldaşı Yetər xanım
Uşaqları Xırda xanım, Mustafa, İbrahim, Camal

Ağamalı Kərbəlayi Miralı oğlu — Qarabağın tanınmış din xadimi.

Həyatı[redaktə | mənbəni redaktə et]

Ağamalı Kərbəlayi Miralı oğlu 1808 ildə Qarabağ xanlığında, Seyidli oymağında anadan olmuşdur. Təhsilini atasından almış, zəmanəsinin müdrik, hörmətli din xadimlərindən sayılmış, Seyidlinin imkanlı adamlarından olmuşdur. Qarabağda savadlı din xadimlərinin yetişməsində əhəmiyyətli rol oynamışdır.

Ağamalı 1848-ci ildə, qırx yaşında Seyidli oymağında vəfat etmişdir.

Ailəsi[redaktə | mənbəni redaktə et]

Ağamalı Yetər xanımla ailə həyatı qurmuş, Xırda adlı qızı, Mustafa, İbrahim, Camal adlı oğlanları dünyaya gəlmişdir. İbrahim (1842-1845) körpə yaşlarında dünyasını dəyişmişdir.

Xırda (1841-...) Ağamalının ilk övladı və yeganə qızıdır. Seyidli oymağında anadan olmuşdur. Dini təhsil almış, Məşhədi ziyarət etdiyi üçün Seyidli oymağında Məşədi Xırda xanım adı ilə tanınmışdır.

Məşədi Xırda xanım Seyidli oymağının qədim nəsillərindən sayılan Qazılı Məhəmmədalı bəylə ailə həyatı qurmuş, Mənzər və Mələk adlı iki qızı olmuşdur.

AMEA-nın müxbir üzvü, fəlsəfə elmləri doktoru, professor Zakir Məmmədov ana tərəfdən Məşədi Xırda xanımın kötücəsidir

Məşədi Xırda xanım 20-ci illərin ortalarında vəfat etmişdir.

Mustafa (1843-...) ilk təhsilini Seyidlidə almış, sonralar mədrəsədə oxumuşdur. Mədrəsədə təhsil aldığı illərdə qeyri-adi istedadı, qabiliyyəti sayəsində ərəb, fars dillərini, şəriəti mükəmməl öyrənmiş, savadlı din xadimi kimi Qarabağa qayıtmışdır. O, Ağdam Cümə məscidinin axundu seçiləndə otuz yaşlarında olmuşdur.

Axund Molla Mustafa Əliyev adı ilə Qarabağda savadlı din xadimi kimi tanınmış, müəllimlik fəaliyyəti ilə məşğul olmuşdur. Onun mükəmməl dini təhsili olduğu üçün ərəb, fars dillərini, şəriət elmlərini tədris etmiş, Qarabağda savadlı din xadimlərinin yetişməsində əhəmiyyətli rol oynamışdır.

Hazırda Axund Molla Mustafa Əliyevin nəsli Axundov soyadını daşıyır.

Camal Ağamalının (1846-...) kiçik oğludur. Seyidli oymağında anadan olmuşdur. İki yaşı olanda atası vəfat etmişdir. Kərbəlanı ziyarət etdiyi üçün Seyidli oymağında Kərbəlayi Camal adı ilə tanınmışdır.

Kərbəlayi Camal Mələk xanımla evlənmişdir. Onun Bəhram, Ədil, İspan, Maya adlı övladları dünyaya gəlmişdir.

Hazırda Kərbəlayi Camalın nəsli Camalov soyadını daşıyır.

Mənbə[redaktə | mənbəni redaktə et]

  • Orxan Zakiroğlu (Baharlı). Qarabağın Seyidli oymağı. I kitab. Bakı, 2017
  • Orxan Zakiroğlu (Baharlı). Kərbəlayi Miralılar nəslinin görkəmli övladları. “Vedi inform” qəzeti, 01-06 may 2014-cü il, № 16 (59)
  • Orxan Zakiroğlu (Baharlı). Seyidli oymağının nəsilləri və görkəmli övladları. "Bütöv Azərbaycan" qəzeti, 5-11 dekabr, 2012-ci il № 42(174)
  • Orxan Zakiroğlu (Baharlı). Seyidli oymağının Kərbəlayi Miralılar nəslinin görkəmli övladları. “Yeniləşən Azərbaycan” qəzeti, 15-22 dekabr, 2012, № 29 (113)

Həmçinin bax[redaktə | mənbəni redaktə et]