Aşıq Əhliman

Vikipediya, azad ensiklopediya
Jump to navigation Jump to search
Aşıq Əhliman
Doğum tarixi 9 mart 1955 (1955-03-09) (64 yaş)
Doğum yeri Bərgüşad, Ucar rayonu

Aşıq Əhliman (09.03.1955) — aşıq.[1]

Həyatı[redaktə | əsas redaktə]

Əhliman Rəhim oglu Rəhimov 9 mart 1955 ci ildə Ucar rayonunun Bərgüşad kəndində dünyaya göz açıb.[2] Hələ uşaqlıqdan şeir, sənət və ustadlar haqqında söhbətlərə saatlarla qulaq asmaqdan doymazdı. Ətraf kəndlərin hansında Aşıq Şakir, Aşıq Əhməd, Aşıq Fərhad, Aşıq Pənah, Məhəmmədağa çalıb-oxuyurdusa, Əhliman özünü o məclisə yetirirdi. Ustad sənətçilərin söylədikləri sirli-sehrli nağıl və dastanları yaddaşına köçürməyə çalışar, saz havasını nəfəs kimi udardı. Əhlimanın duyğuları böyük Füzulinin ustad hesab etdiyi Həbibinin doğulduğu Bərgüşad kəndinin gözəl təbiətindən qidalanıb. Şirin nəğmələri ilə qəlbləri fəth edən Aşıq Əhliman Rəhimovun sənətinin gücü həm də sadə, təvazökar və təbii danışığında, səmimi insani münasibətindədir.

Aşıq Əhliman özünün açdığı cığırla gedən el sənətkarıdır. Oxuduğu qoşmalar, gəraylılar, müxəmməslər, təcnislər... hamısı sazın qəlbləri ovsunlayan cingiltisi ilə gözəl səsin sehrinə qarışır. Əslində haray qoparan, cansız taxta parçası və yaxud ona bənd edilmiş simlər deyil, aşığın yanar qəlbinin səsidir[3].

İstinadlar[redaktə | əsas redaktə]

  1. Ə h l i m a n R Ə H İ M O V – 60. "Ozan dünyası" jurnalı, №2(23). 2015.
  2. Abdullayeva, S. Aşıq Əhlimanın 60 illiyi qeyd olunub: [Rəşid Behbudov adına Dövlət Mahnı Teatrında] //525-ci qəzet.- 2015.- 11 mart.- S.7.
  3. Aşıq Əhliman