Aşıq Bəhmən Göyçəli

Vikipediya, azad ensiklopediya
Jump to navigation Jump to search
Aşıq Bəhmən Göyçəli
Aşıq Bəhmən Göyçəli.jpg
İlk adı Bəhmən İbrahim oğlu Qarayev
Doğum tarixi 1 may 1901(1901-05-01)
Doğum yeri Nərimanlı, Basarkeçər rayonu, Göyçə mahalı
Vəfat tarixi 13 noyabr 1976 (75 yaşında)

Aşıq Bəhmən Göyçəli (Bəhmən İbrahim oğlu Qarayev; 1901-13.11.1976)[1] — ustad aşıq, şair.

Həyatı[redaktə | əsas redaktə]

Aşıq Bəhmən Göyçəli 1 may 1901-ci ildə Göyçə mahalının Basarkeçər rayonunun Hüseynquluağalı (Nərimanlı) kəndində anadan olub.[2] İbtidai təhsilini mollaxanada almış, sonralar savadsızlığı ləğv etmə kurslarında oxumuşdur. Doğma kəndində sovet sədri, kolxozda briqadir, sıravi kolxozçu olmuşdur. Gənclik dövründən el arasında aşıq-şair kimi tanınmış, toy-düyünlərə dəvət olunmuşdur. Gəraylı, qoşma, müxəmməs, qəzəl, divani, dodaqdəyməz, cığalı, təcnis və digər janrlarda yaratdığı şerləri dillər əzbəri olmuşdur. "Kirpi", "Sovet Ermənistanı", "Azərbaycan gəncləri" və s. dövri mətbuat səhifələrində qoşmaları çap edilmişdir. 72 aşıq havası və bir çox dastan yaratsa da zəngin irsi dərindən öyrənilməmişdir. Ədəbiyyat tarixində həm şair, həm də ustad aşıq kimi tanınan Bəhmən Göyçəlinin işıq üzü görən "Vətən, küsmə məndən" kitabında zəngin irsindən yalnız 25 qoşması, 7 gəraylısı, 9 təcnisi, 18 divanisi, 14 müxtəlif şeiri, Aşıq Alının, Xəstə Qasımın, Növrəs İmanın qıfılbəndlərinin açması, 17 deyişməsi, 1 meracnaməsi, "Əfqan və Tufan", "Bəhmən və Humay" dastanları toplanıb çap olunmuşdur.[3]

1976-cı il noyabrın 13-də vəfat etmiş, Nərimanlı kənd qəbiristanlığında dəfn olunmuşdur.

1996-cı ildə Bakıda anadan olmasının 95 illiyi qeyd edilmişdir.

Kitabları[redaktə | əsas redaktə]

  • Vətən, küsmə məndən (şeirlər, təcnislər, gəraylılar, dəyişmələr, dastanlar). tərt. ed. və topl. Q.Bəhmən oğlu. Bakı: Elm, 1994, 130 s.

İstinadlar[redaktə | əsas redaktə]

  1. Təqvim 1-3 may
  2. "Sazlı-sözlü Göyçə (II kitab)" (PDF) (azərb.). Elm və təhsil. 2018. 2018-06-01 tarixində orijinalından (PDF) arxivləşdirilib. İstifadə tarixi: 2018-06-01.
  3. Ziyəddin Məhərrəmov. İrəvanda məktəbdarlıq və maarifçilik. Bakı: Nurlan, 2010.

Xarici keçidlər[redaktə | əsas redaktə]