Abbas Əzimov

Vikipediya, açıq ensiklopediya
Jump to navigation Jump to search
Abbas Əzimov
Fotoqrafiya
Doğum tarixi 19 dekabr 1936(1936-12-19)
Doğum yeri Bakı, Azərbaycan SSR, SSRİ
Vəfat tarixi 31 avqust 2018 (81 yaşında)
Vəfat yeri Bakı, Azərbaycan
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Peşəsi İdman jurnalistikası
Milliyyəti Azərbaycanlı
İxtisası Filologiya
Təhsili Azərbaycan Dövlət Universiteti
Fəaliyyəti AFFA-da futbol muzeyinin direktoru
Tanınır Jurnalist
Mükafatları Əməkdar jurnalist

Abbas Əzim oğlu Əzimov (19 dekabr 1936 – 31 avqust 2018) — əməkdar jurnalist, AFFA-da futbol muzeyinin direktoru, idman jurnalisti.

Həyat və fəaliyyəti[redaktə | əsas redaktə]

Abbas Əzim oğlu Əzimov 19 dekabr 1936-cı ildə Bakı şəhərində anadan olub. Səkkizinci sinfi bitirəndən sonra Neft texnikumunu, sonra isə Bakı axşam məktəbini bitirib. Əmək fəaliyyətinə 1962-ci ildə Azərbaycan televiziyasında fəhlə kimi başlayıb və eyni zamanda Azərbaycan Dövlət Universitetinin filologiya fakültəsində təhsil alıb. [1]

Ali məktəb tələbələri arasında keçirilən yarışlarda da uğurla çıxış edərək, fəxri fərmanlar alıb. Universitetdə olduğu illərdə hakimliyə başlayıb. Onun idman jurnalistikasına gəlişi Valid Sənaninin adı ilə bağlıdır. Məşhur telejurnalist marağını nəzərə alaraq onu 1967-ci ildə idman proqramları redaksiyasına dəvət edib. Əvvəlcə redaktor kimi fəaliyyətə başlayan Abbas Əzimov sonralar baş redaktorun müavini vəzifəsinədək irəliləyib.[2]

1962-ci ildə respublika, 1969-cu ildə isə Ümumittifaq dərəcəli hakim adını qazanıb. 1980-cı ildə Moskvada keçirilən Yay Olimpiya Oyunlarında hakimlik edib və əməyinə görə xatirə medalına layiq görülüb. Abbas Əzimov 1964-cü ildən SSRİ Jurnalistlər İttifaqının olmuşdur. 1962-ci ildən 1997-ci ilədək Azərbaycan Dövlət Televizya və Radio Verilişləri Şirkətində idman proqramları redaksiyasında redaktorluqdan baş redaktor müavini vəzifəsinədək işləyib.[1]

2008-ci ildə Əməkdar jurnalist adına layiq görülüb. 1997-ci ilin aprelindən ömrünün sonuna qədər AFFA-da işləyib. "Neftçi-70", "Futbolumuzun futzal salnaməsi" və "Xatirələrdə yaşayanlar" kitablarının müəllifidir. Azərbaycanın ən təcrübəli idman statisti kimi tanınan Abbas Əzimov sonralar AFFA-da fəaliyyət göstərən futbol muzeyinin direktoru olmuşdur.[2]

İstinadlar[redaktə | əsas redaktə]

Xarici keçidlər[redaktə | əsas redaktə]