Abbas Əzimov

Vikipediya, azad ensiklopediya
Jump to navigation Jump to search
Abbas Əzimov
Abbas Əzimov.jpg
Doğum tarixi 19 dekabr 1936(1936-12-19)
Doğum yeri Bakı, Azərbaycan SSR, SSRİ
Vəfat tarixi 31 avqust 2018 (81 yaşında)
Vəfat yeri Bakı, Azərbaycan
Vətəndaşlığı SSRİ SSRİAzərbaycan Azərbaycan
Milliyyəti Azərbaycanlı
İxtisası Filologiya
Təhsili Azərbaycan Dövlət Universiteti
Fəaliyyəti AFFA-da futbol muzeyinin direktoru[1]
Tanınır Jurnalist
Mükafatları Əməkdar jurnalist

Abbas Əzimov (Tam adı:Abbas Əzim oğlu Əzimov; d.19 dekabr 1936, Bakı31 avqust 2018, Bakı) — Əməkdar jurnalist, AFFA-da futbol muzeyinin direktoru, idman jurnalisti.[2]

Həyatı[redaktə | əsas redaktə]

Abbas Əzimov 19 dekabr 1936-cı ildə Bakı şəhərində anadan olub. Səkkizinci sinfi bitirəndən sonra Neft texnikumunu, sonra isə Bakı axşam məktəbini bitirib. Bakı neft texnikumunda oxuduğu illərdə 1956-1959-ci illərdə «Dinamo» cəmiyyətində əməkdar məşqçi Əfqan Səfərovun rəhbərliyi altında yüngül atletika ilə məşğul olmağa başlayıb. Həmin illərdə orta ixtisas məktəbləri arasında keçirilən spartakiadalarda iştirak edərək 5000 və 10000 metr məsafələrə qaçanlar arasında mükafata layiq yerləri tutub. Əmək fəaliyyətinə 1962-ci ildə Texnikumu bitirdikdən sonra Azərbaycan Dövlət Universitetinin filologiya fakültəsində təhsil almağa başlayıb və eyni zamanda Azərbaycan televiziyasında işləməyə başlayıb. O, ali məktəb tələbələri arasında keçirilən yarışlarda da uğurla çıxış edib, fəxri fərmanlarla təltif edilib. Uzun sürən xəstəlikdən sonra A.Əzimov 31 avqust 2018-ci il tarixdə vəfat edib. [3]

Fəaliyyəti[redaktə | əsas redaktə]

Universitetdə olduğu illərdə hakimliyə başlayıb. 1962-ci ildə respublika, 1969-cu ildə isə Ümumittifaq dərəcəli hakim adını qazanmışdır. Onun idman jurnalistikasına gəlişi Valid Sənaninin adı ilə bağlıdır. Məşhur telejurnalist marağını nəzərə alaraq onu 1967-ci ildə idman proqramları redaksiyasına dəvət edib. 1962-ci ildən 1997-ci ilədək redaktor kimi fəaliyyətə başlayan Abbas Əzimov sonralar Azərbaycan Dövlət Televizya və Radio Verilişləri Şirkətində idman proqramları redaksiyasında baş redaktor müavini vəzifəsinədək yüksəlmişdir. 1980-cı ildə Moskvada keçirilən Yay Olimpiya Oyunlarında hakimlik edib və əməyinə görə xatirə medalına layiq görülüb. Bundan əlavə o, Avropa çempionatı, Avropa Kuboku, «Dostluq–84» və bir çox beynəlxalq turnirlərin hakimi olub. Abbas Əzimov 1964-cü ildən SSRİ Jurnalistlər İttifaqının üzvüdür. 1995-ci ilin idman yekunlarına görə A.Əzimov ilin ən yaxşı idman jurnalisti sayılıb. 1997-ci ildən Beynəlxalq İdman Jurnalistləri Assosiasiyasının (AİPS) üzvüdür. 1997-ci ilin aprelindən ömrünün sonuna qədər Azərbaycan Futbol Federasiyaları Assosiasiyasında AFFA-da işləyib. Azərbaycanın ən təcrübəli idman statisti kimi tanınan Abbas Əzimov 2008-ci ildən AFFA-da fəaliyyət göstərən futbol muzeyinin direktoru olmuşdur.[4]

Kitabları[redaktə | əsas redaktə]

  • "Neftçi-70";
  • "Futbolumuzun futzal salnaməsi";
  • "Xatirələrdə yaşayanlar";
  • Futbolumuz müstəqillik dövründə”.

Mükafatları[redaktə | əsas redaktə]

Azərbaycan Respublikası Prezidentinin müvafiq sərəncamları ilə Abas Əzimov 5 mart 2008-ci ildə «Əməkdar jurnalist» fəxri adına, 21 dekabr 2016-cı ildə isə Azərbaycan Respublikası Prezidentinin fərdi təqaüdünə layiq görülüb.

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. "Abbas Əzimov". 15 Nov 2019 tarixində orijinalından arxivləşdirilib. İstifadə tarixi: 2019-11-15.
  2. "Abbas Əzimov". 30 Jan 2018 tarixində orijinalından arxivləşdirilib. İstifadə tarixi: 2019-11-17.
  3. "Tanınmış jurnalist vəfat edib". 2 Sep 2018 – 16 May 2019 tarixində orijinalından arxivləşdirilib. İstifadə tarixi: 2019-11-17.
  4. "75 illik mənalı ömür". 19 Nov 2019 tarixində orijinalından arxivləşdirilib. İstifadə tarixi: 2019-11-17.