Abdulbari Gözəl

Vikipediya, açıq ensiklopediya
Jump to navigation Jump to search
Abdulbari Gözəl
Goozal Rza oğlu Abdulbari
Abdulbari Gözəl.png
Doğum tarixi 23 avqust 1949 (1949-08-23) (70 yaş)
Doğum yeri İran, Maku
Atası Rza ağa
Vətəndaşlıq Flag of Azerbaijan.svg Azərbaycan, Flag of Turkey.svg Türkiyə
Fəaliyyəti Biznes
Fəaliyyət illəri 1965-dən günümüzə qədər
Mükafatları "Şöhrət" ordeni

Abdulbari Gözəl (23 avqust 1949(1949-08-23), Maku) — iş adamı, Azersun Holdinqin prezidenti.

Həyatı[redaktə | əsas redaktə]

Abdulbari Gözəl 23 avqust 1949-cu ildə İranın Maku şəhərində, Cəlali qəbiləsindən Rza ağanın ailəsində[1] dünyaya gəlib. Daha sonradan isə buradan Türkiyənin Muş əyalətində yaşayan nənəsinin yanına köçmüşdür. O 1956-1961-ci illərdə ibtidai təhsilini Türkiyədə başa vurduqdan sonra, 1962-1965-ci illərdə orta təhsilini İranda tamamlamışdır.

Daha sonradan iş həyatına başlayan gənc Abdulbari Gözəl babasının yanında qida ticarəti ilə məşğul olur. 1968-ci ildə isə ticarət həcmini böyüdərək onu 50-60 milyon dollara qədər yüksəldir.

Fəal iş həyatı yaşayan bu şəxs 1981-ci ildə İran islam İnqilabından sonra Türkiyənin paytaxtı Ankaraya gəlir və buradan İsveçrəyə getməyi planlaşdırır. Lakin bu zaman Turqut Özalın təkidi ilə Türkiyədə qalır və Ankarada “Etsun A.Ş.” adlı bir şirkət yaradır.

1992-ci ilə qədər BƏƏ, Türkiyə, İran, İraq, Suriya, İordaniya kimi ölkələrdə müxtəlif şirkətlər yaradaraq iş fəaliyyətini birləşdirməyi planlaşdırırdı. Bu şirkətləri birləşdirmək və onlar arasındakı əlaqəni təmin etmək üçün Abdulbari Gözəl 1994-cü ildə Dubayda “İntersun Holding” adlı şirkətlər qrupunu yaratmışdır.

Bundan başqa o, Azərbaycan və Gürcüstana da qida məhsullarının ixracı ilə məşğul olub. 1992-ci ildən etibarən Azərbaycan və Gürcüstanda öz şirkətinin rəsmi şöbəsini yaradır. 1994-cü illərdə Azərbaycanda sənayenin inkişafına özünəməxsus töhfələr vermişdir.

Qida sahəsindən başqa Abdulbari Gözəl 1980-ci ildə İran və Türkiyədə neft ticarətinə başladı. 2002-ci ildən etibarən isə bu fəaliyyət Bakıda neft terminalı və Dübəndi neft terminalı vasitəsiylə Xəzər neftinin Gürcüstana daşınmasından ibarətdir. Hal-hazırda isə İsveçrə və Dubayda neft və neft məhsullarının ticarəti ilə məşğul olan şirkətlərə sahibdir.

Bütün bunlardan əlavə, Abdulbari Gözəl Azərbaycanda “Park Bulvar” ticarət və əyləncə mərkəzinin, “Heydər Əliyev” mərkəzinin, “Şahdağ Turizm Kompleksi” kimi möhtəşəm inşaat nümunələrinin yaradılmasına böyük köməklik göstərmişdir. Bütün bunların ərsəyə gəlməsində isə məşhur Zaha Hadid kimi memarlarla birlikdə fəaliyyət göstərdi.

Bununla əlaqədar olaraq, hazırda Dubay, İsveçrə, Türkiyə, Azərbaycan, Gürcüstan, Rusiya, İraq, Əfqanıstanda İntersun Holding-in himayəsi altında 14 ayrı-ayrı milliyətə sahib insanlar bir ailə kimi işləməkdədir. Daimi işçilərin ümumi sayı 7000, fabriklərdə mövsümi olaraq işləyənlərin sayı isə 10 000-dir.

Azersun Holding-də onun Bakıda yaratdığı şirkətlərdən biridir. Şirkət 1997-ci ildə yaradılıb və hazırda demək olar ki, 2500-3000-ə yaxın işçiyə sahibdir.[2]

Abdulbari Gözəl 28 dekabr 2016-cı ildə Dünya Azərbaycanlılarının Həmrəylik Günü münasibətilə bir qrup şəxsin təltif edilməsi haqqında Azərbaycan Respublikası Prezidentinin Sərəncamı ilə "Şöhrət" ordeni ilə təltif edilmişdir.[3]


Dia Holdinqin rəhbəri Həsən GözəlTahir Gözəlin böyük qardaşıdır.

İstinadlar[redaktə | əsas redaktə]

  1. "Abdulbari Gozal Kimdir?" Doğubeyazıt Qəzeti, 10.03.2013, http://dogubayazitgazetesi.com/haber/abdulbari-gozal-kimdir-5776.html
  2. "Abudlbari Gözəl - Azərbaycanda fəaliyyət göstərən ən güclü iş adamlarından biri" - banker.az, 22.05.2014, https://banker.az/abdulbari-gozəl-azersun-və-asb-bankin-sahibi/
  3. Azərbaycan Respublikası Prezidentinin Sərəncamı, 28.12.2016 https://president.az/articles/22364