Abdulla Həşimov
| Abdulla Həşimov | |
|---|---|
| Abdulla Abiddin oğlu Həşimov | |
| Doğum tarixi | 14 aprel 1930 |
| Doğum yeri |
İlisu, Qax rayonu, Azərbaycan SSR SSRİ |
| Vəfat tarixi | 8 aprel 1992 (61 yaşında) |
| Vəfat yeri |
İlisu, Qax rayonu, Azərbaycan SSR SSRİ |
| Vətəndaşlığı |
 Azərbaycan |
| Milliyyəti | azərbaycanlı |
| Elmi dərəcəsi | kənd təsərrüfatı elmləri namizədi |
Abdulla Abiddin oğlu Həşimov — kənd təsərrüfatı elmləri namizədi.
Mündəricat
Həyatı[redaktə | əsas redaktə]
Abdulla Həşimov 14 aprel 1930-cu ildə Qax rayonunun İlisu kəndində anadan olmuşdur. 1946-cı ildə İlisu kənd orta məktəbini bitirmişdir.
1951-ci ildə Gəncədə Azərbaycan Kənd Təsərrüfatı İnstitunun Zootexniya fakültəsindəki təhsilini əla qiymətlərlə başa çatdırmışdır, 1954-cü ildə SSRİ-də, Moskva şəhərində Ümumittifaq Elmi-Tədqiqat Yemçilik və Yemləmə Texnologiyası İnstitunun aspitanturasını bitirmiş və 1955-ci ildə müdafiə edərək elmlər namizədi alimlik dərəcəsini almışdır.
9 aprel 1992-ci ildə Qax rayonunda məzuniyyətdə olarkən vəfat etmişdir.
4 övladı, 5 nəvəsi var. Sənətşünaslıq üzrə fəlsəfə doktoru, rəssam Aynurə Həşimovanın atasıdı.
Fəaliyyəti[redaktə | əsas redaktə]
Təhsil aldığı institutun təyinatı ilə 1951-1955-ci illərdə Azərbaycan Elmlər Akademiyasının Torpaqşünaslıq Və Aqrokimya institutunda işləmişdir. 1955-1961-ci illərdə Gəncədə Azərbaycan Elmi-Tədqiqat Heyvandarlıq İnstitutunda böyük elmi işçi vəzifəsi tutmuşdur.
1961-1962-ci illərdə Azərbaycan SSR Kənd Təsərrüfatı Nazirinin müavini işləmişdir.
1962-1965-ci illərdə Azərbaycan SSR Kənd Təsərrüfatı nazirliyinin Baş elm idarəsinin rəisi vəzifəsində işləmişdir.
1965-1969-cu illərdə Azərbaycan SSR Kənd Təsərrüfatı nazirliyinin Baş heyvadarlıq idarəsinin rəisi və Nazirliyin kollegiya üzvü olmuşdur.
1969-cu ildən Azərbaycan Elmi-Tədqiqat Yemçilik və Otlaqlar İnstitutunda laborotoriya müdiri vəzifəsində fəaliyyətini davam etdirmişdir.
70-ə yaxın elmi əsərin müəllifidir. Rəhbərliyi altında 6 nəfər elmlər namizədi alimlik dərəcəsi almışdır.
